ਚੰਡੀਗੜ੍ਹ 13 ਸਤੰਬਰ 2022: ਸਾਕੇਤ ਅਦਾਲਤ ਕੁਤੁਬਮੀਨਾਰ (Qutub Minar) ‘ਤੇ ਮਲਕੀਅਤ ਦਾ ਦਾਅਵਾ ਕਰਨ ਵਾਲੇ ਕੁੰਵਰ ਮਹਿੰਦਰ ਧਵਜ ਪ੍ਰਸਾਦ ਸਿੰਘ ਦੀ ਪਟੀਸ਼ਨ ‘ਤੇ 17 ਸਤੰਬਰ ਨੂੰ ਸ਼ਾਮ 4 ਵਜੇ ਆਪਣਾ ਫੈਸਲਾ ਸੁਣਾਏਗੀ। ਸਾਕੇਤ ਅਦਾਲਤ 17 ਸਤੰਬਰ ਨੂੰ ਫੈਸਲਾ ਕਰੇਗੀ ਕਿ ਮਹੇਂਦਰ ਧਵਜ ਪ੍ਰਸਾਦ ਸਿੰਘ ਦੀ ਪਟੀਸ਼ਨ ‘ਤੇ ਸੁਣਵਾਈ ਕਰਨੀ ਹੈ ਜਾਂ ਨਹੀਂ।

ਮਹਿੰਦਰ ਧਵਜ ਪ੍ਰਸਾਦ ਸਿੰਘ ਨੇ ਇਸ ਮਾਮਲੇ ਵਿੱਚ ਖੁਦ ਨੂੰ ਧਿਰ ਬਣਾਉਣ ਦੀ ਮੰਗ ਕੀਤੀ ਹੈ। ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਗੰਗਾ ਤੋਂ ਲੈ ਕੇ ਯਮੁਨਾ ਤੱਕ, ਮੇਰਠ ਤੋਂ ਗੁਰੂਗ੍ਰਾਮ ਤੱਕ ਸਭ ਕੁਝ ਉਨ੍ਹਾਂ ਦੀ ਜਾਇਦਾਦ ਹੈ। ਮੰਗਲਵਾਰ ਨੂੰ ਹੋਈ ਸੁਣਵਾਈ ਦੌਰਾਨ ਅਦਾਲਤ ਨੇ ਮਹਿੰਦਰ ਦੇ ਵਕੀਲ ਐੱਮ ਐੱਲ ਸ਼ਰਮਾ ਨੂੰ ਪਟੀਸ਼ਨ ਦੀ ਬਰਕਰਾਰਤਾ ‘ਤੇ ਬਹਿਸ ਕਰਨ ਲਈ ਕਿਹਾ।

ਇਸਦੇ ਨਾਲ ਹੀ ਸ਼ਰਮਾ ਨੇ ਕਿਹਾ ਕਿ ਸਰਕਾਰ ਨੇ 1947 ਵਿੱਚ ਸਾਡੀ ਮਨਜ਼ੂਰੀ ਤੋਂ ਬਿਨਾਂ ਸਾਰੀ ਜਾਇਦਾਦ ਆਪਣੇ ਕਬਜ਼ੇ ਵਿੱਚ ਲੈ ਲਈ ਸੀ। ਅਦਾਲਤ ਨੇ ਕਿਹਾ ਕਿ ਸਵਾਲ ਇੱਥੇ ਸਿਰਫ਼ ਮਲਕੀਅਤ ਦਾ ਨਹੀਂ ਹੈ। ਕੁਝ ਲੋਕ ਉਥੇ ਪੂਜਾ ਕਰਨ ਦੇ ਅਧਿਕਾਰ ਦੀ ਮੰਗ ਕਰ ਰਹੇ ਹਨ।