ਸ੍ਰੀ ਮੁਕਤਸਰ ਸਾਹਿਬ 21 ਅਕਤੂਬਰ 2022: ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ (Sri Muktsar Sahib) ਦੇ ਪਿੰਡ ਭੰਗੇਵਾਲਾ ਦੀ ਰਹਿਣ ਵਾਲੀ ਅਰਸ਼ਬੀਰ ਕੌਰ ਸੰਧੂ (Arshbir Kaur Sandhu) ਪੁੱਤਰੀ ਕੁਲਦੀਪ ਸਿੰਘ ਸੰਧੂ ਨੇ ਜੱਜ ਬਣ ਕੇ ਜ਼ਿਲ਼੍ਹੇ ਦਾ ਮਾਣ ਵਧਾਇਆ ਹੈ।ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਭੰਗੇਵਾਲਾ ਦੇ ਕੁਲਦੀਪ ਸਿੰਘ ਸੰਧੂ ਦੀ ਪੁੱਤਰੀ ਅਰਸ਼ਬੀਰ ਕੌਰ ਨੇ ਹਰਿਆਣਾ ਜੁਡੀਸ਼ੀਅਲ ਵਿਚ 51ਵਾਂ ਸਥਾਨ ਹਾਸਲ ਕੀਤਾ ਹੈ। ਅਰਸ਼ਬੀਰ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਸਦੇ ਦਾਦਾ ਜੀ ਦਾ ਨਾਮ ਜੱਜ ਸਿੰਘ ਸੀ ਅਤੇ ਉਹਨਾਂ ਨੂੰ ਪਿੰਡ ਵਿੱਚ ਜੱਜ ਸਾਹਿਬ ਕਿਹਾ ਜਾਂਦਾ ਸੀ | ਅਰਸ਼ਬੀਰ ਕੌਰ ਨੇ ਉਸ ਸਮੇਂ ਤੋਂ ਹੀ ਇਰਾਦਾ ਕਰ ਲਿਆ ਕਿ ਵੱਡੇ ਹੋ ਕੇ ਜੱਜ ਬਣਨਾ ਹੈ |

ਇਸਦੇ ਛੱਡ ਅਰਸ਼ਬੀਰ ਕੌਰ ਸੰਧੂ (Arshbir Kaur Sandhu) ਨੇ ਮਨ ਲਗਾ ਕੇ ਪੜ੍ਹਾਈ ਕੀਤੀ ਅਤੇ ਤੋਂ ਸਖ਼ਤ ਮਿਹਨਤ ਕਰਦਿਆਂ ਅੱਜ ਇਹ ਮੁਕਾਮ ਹਾਸਲ ਕੀਤਾ । ਇਸ ਤੋਂ ਪਹਿਲਾ ਅਰਸ਼ਬੀਰ ਕੌਰ ਨੇ ਦਿੱਲੀ ਅਤੇ ਹਿਮਾਚਲ ਜੁਡੀਸ਼ੀਅਲ ਲਈ ਵੀ ਇਮਤਿਹਾਨ ਦਿੱਤਾ, ਪਰ ਇੰਟਰਵਿਊ ਰਾਊਂਡ ‘ਚੋਂ ਸਫਲ ਨਾ ਹੋ ਸਕੀ।  ਇਸਤੋਂ ਬਾਅਦ ਅਰਸ਼ਬੀਰ ਕੌਰ ਨੂੰ ਹੁਣ ਹਰਿਆਣਾ ਜੁਡੀਸ਼ੀਅਲ ਦੌਰਾਨ ਉਸਨੂੰ ਸਫਲਤਾ ਪ੍ਰਾਪਤ ਹੋਈ। ਅਰਸ਼ਬੀਰ ਕੌਰ ਸੋਸਲ ਮੀਡੀਆ ਤੋਂ ਕਾਫੀ ਦੂਰ ਰਹੀਂ ਅਤੇ ਮਾਪਿਆਂ ਨੇ ਉਸਨੂੰ ਪੂਰਾ ਸਹਿਯੋਗ ਦਿੱਤਾ। ਅਰਸ਼ਬੀਰ ਕੌਰ ਦੀ ਇਹ ਸਫਲਤਾ ਲੜਕੀਆਂ ਨੂੰ ਇਹ ਸੁਨੇਹਾ ਦਿੰਦੀ ਕਿ ਨਿਸ਼ਾਨਾ ਮਿੱਥ ਕੇ ਮਿਹਨਤ ਕਰਨ ਤਾਂ ਜੋਂ ਮੰਜਿਲ ਹਾਸਲ ਹੋ ਸਕੇ |