ਗੁਰਦਾਸਪੁਰ 019 ਸਤੰਬਰ 2022: ਬੀਤੇ ਕੁਝ ਦਿਨ ਪਹਿਲਾ ਤਰਨਤਾਰਨ ਪੱਟੀ ਵਿਖੇ ਇਕ ਕੈਥੋਲਿਕ ਚਰਚ ਵਿੱਚ ਕੁਝ ਸ਼ਰਾਰਤੀ ਅਨਸ਼ਰਾ ਵਲੋਂ ਮਸੀਹ ਧਰਮ ਦੀ ਬੇਅਦਬੀ ਕਰਨ ਅਤੇ ਚਰਚ ‘ਤੇ ਹਮਲਾ ਕਰਨ ਅਤੇ ਮਸੀਹ ਧਰਮ ਨੂੰ ਲੈ ਕੇ ਕੁਝ ਲੋਕਾਂ ਵਲੋਂ ਕੀਤੀ ਜਾ ਰਹੀ ਗ਼ਲਤ ਬਿਆਨਬਾਜ਼ੀ ਦੇ ਰੋਸ਼ ਵਜੋਂ ਇਸਾਈ ਭਾਈਚਾਰੇ (Christian Community) ਵਲੋਂ ਡੇਰਾ ਬਾਬਾ ਨਾਨਕ ਵਿਚ ਇਕ ਕੈਂਡਲ ਮਾਰਚ ਕੱਢਿਆ ਗਿਆ |
ਉੱਥੇ ਹੀ ਕੈਂਡਲ ਮਾਰਚ ਕਰ ਰਹੇ ਇਹਨਾਂ ਇਸਾਈ ਭਾਈਚਾਰੇ (Christian Community) ਦਾ ਕਹਿਣਾ ਸੀ ਕਿ ਬੇਅਦਬੀ ਕਰਨ ਵਾਲੇ ਦੋਸ਼ੀਆਂ ਨੂੰ ਜਲਦੀ ਗ੍ਰਿਫਤਾਰ ਕੀਤਾ ਜਾਵੇ ਅਤੇ ਉਨ੍ਹਾਂ ਨੂੰ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ ਅਤੇ ਜੋ ਕੁਝ ਦਿਨਾਂ ਤੋਂ ਇਸਾਈ ਧਰਮ ਬਾਰੇ ਜੋ ਗ਼ਲਤ ਪ੍ਰਚਾਰ ਕਰ ਰਹੇ ਹਨ ਜਾ ਗ਼ਲਤ ਬਿਆਨਬਾਜ਼ੀ ਕਰ ਰਹੇ ਹਨ ਉਹ ਬੰਦ ਹੋਵੇ |
ਉਨ੍ਹਾਂ ਕਿਹਾ ਕਿ ਭਾਵੇ ਪ੍ਰਸ਼ਾਸ਼ਨ ਵਲੋਂ ਇਸ ਮਾਮਲੇ ‘ਤੇ ਉਨ੍ਹਾਂ ਨੂੰ ਸਖ਼ਤ ਕਾਰਵਾਈ ਕਰਨ ਦਾ ਭਰੋਸਾ ਦਿੱਤਾ ਹੈ ਲੇਕਿਨ ਉਸਦੇ ਬਾਵਜੂਦ ਉਨ੍ਹਾਂ ਦੇ ਮਨਾਂ ਵਿੱਚ ਰੋਸ ਹੈ | ਉਥੇ ਹੀ ਇਸ ਕੈਂਡਲ ਮਾਰਚ ਵਿੱਚ ਇਸਾਈ ਭਾਈਚਾਰੇ ਦੀਆ ਮਹਿਲਾਵਾਂ ਅਤੇ ਬੱਚੇ ਵੀ ਸ਼ਾਮਲ ਸਨ ਅਤੇ ਪੁਲਿਸ ਪ੍ਰਸ਼ਾਸ਼ਨ ਦੀ ਸੁਰੱਖਿਆ ਹੇਠ ਕੈਂਡਲ ਮਾਰਚ ਕੱਢਿਆ ਗਿਆ |
