ਚੰਡੀਗੜ੍ਹ, 16 ਅਪ੍ਰੈਲ 2024: ਪਟਨਾ (Patna) ‘ਚ ਮੈਟਰੋ ਲਈ ਕੰਮ ਕਰ ਰਹੀ ਕਰੇਨ ਅਤੇ ਆਟੋ ਵਿਚਾਲੇ ਜ਼ਬਰਦਸਤ ਟੱਕਰ ਹੋ ਗਈ, ਜਿਸ ‘ਚ ਬੱਚੇ ਸਮੇਤ 7 ਜਣਿਆਂ ਦੀ ਮੌਤ ਹੋ ਗਈ। ਆਟੋ ਵਿੱਚ ਅੱਠ ਜਣੇ ਸਵਾਰ ਸਨ। ਇਹ ਘਟਨਾ ਕੰਕੜਬਾਗ ਥਾਣਾ ਖੇਤਰ ਦੇ ਨਿਊ ਬਾਈਪਾਸ ‘ਚ ਵਾਪਰੀ। ਘਟਨਾ ਤੋਂ ਬਾਅਦ ਪੂਰੇ ਇਲਾਕੇ ‘ਚ ਸਨਸਨੀ ਦਾ ਮਾਹੌਲ ਫੈਲ ਗਿਆ।
ਘਟਨਾ ਸਬੰਧੀ ਟਰੈਫਿਕ ਡੀਐਸਪੀ ਨੇ ਦੱਸਿਆ ਕਿ ਇੱਕ ਆਟੋ ਮਿੱਠਾਪੁਰ ਤੋਂ ਜ਼ੀਰੋਮਾਈਲ ਵੱਲ ਜਾ ਰਿਹਾ ਸੀ, ਜਿਸ ਵਿੱਚ ਅੱਠ ਵਿਅਕਤੀ ਸਵਾਰ ਸਨ। ਦੂਜੇ ਪਾਸੇ ਮਿੱਠਾਪੁਰ ਨੇੜੇ ਮੈਟਰੋ (Patna) ਦਾ ਕੰਮ ਚੱਲ ਰਿਹਾ ਸੀ। ਇਸੇ ਸਿਲਸਿਲੇ ਵਿੱਚ ਆਟੋ ਮੈਟਰੋ ਕਰੇਨ ਨਾਲ ਟਕਰਾ ਗਿਆ। ਇਸ ਹਾਦਸੇ ‘ਚ ਇਕ ਬੀਬੀ ਅਤੇ ਇਕ ਬੱਚੇ ਸਮੇਤ ਚਾਰ ਜਣਿਆਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦਕਿ ਤਿੰਨ ਜਣਿਆਂ ਦੀ ਹਸਪਤਾਲ ਲਿਜਾਂਦੇ ਸਮੇਂ ਮੌਤ ਹੋ ਗਈ।