ਚੰਡੀਗੜ੍ਹ 14 ਸਤੰਬਰ 2022: ਏਸ਼ੀਆ ਕੱਪ ‘ਚ ਮਿਲੀ ਬੁਰੀ ਹਾਰ ਤੋਂ ਬਾਅਦ ਟੀ-20 ਵਿਸ਼ਵ ਕੱਪ 2022 ਲਈ ਬੰਗਲਾਦੇਸ਼ (Bangladesh) ਦੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ | ਬੁੱਧਵਾਰ ਨੂੰ ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਨੇ ਆਪਣੀ ਟੀਮ ਦਾ ਐਲਾਨ ਕੀਤਾ। ਆਸਟ੍ਰੇਲੀਆ ‘ਚ ਅਗਲੇ ਮਹੀਨੇ ਸ਼ੁਰੂ ਹੋਣ ਵਾਲੇ ਇਸ ਟੂਰਨਾਮੈਂਟ ਲਈ ਬੰਗਲਾਦੇਸ਼ (Bangladesh) ਨੇ ਟੀਮ ਦੀ ਕਮਾਨ ਸ਼ਾਕਿਬ ਅਲ ਹਸਨ ਨੂੰ ਸੌਂਪ ਦਿੱਤੀ ਹੈ, ਜਦਕਿ ਹਾਲ ਹੀ ‘ਚ ਟੀ-20 ਕ੍ਰਿਕਟ ਤੋਂ ਸੰਨਿਆਸ ਲੈਣ ਵਾਲੇ ਮੁਸ਼ਫਿਕਰ ਰਹੀਮ ਨੂੰ ਟੀਮ ‘ਚ ਜਗ੍ਹਾ ਨਹੀਂ ਮਿਲੀ ਹੈ। ਸਭ ਤੋਂ ਹੈਰਾਨ ਕਰਨ ਵਾਲਾ ਫੈਸਲਾ ਸਾਬਕਾ ਕਪਤਾਨ ਮਹਿਮੂਦੁੱਲਾ ਨੂੰ ਇਸ ਟੀਮ ਵਿੱਚ ਜਗ੍ਹਾ ਨਾ ਮਿਲਣਾ ਹੈ। ਉਸ ਨੂੰ ਹਾਲ ਹੀ ਵਿੱਚ ਬੰਗਲਾਦੇਸ਼ ਨੇ ਟੀ-20 ਦੀ ਕਪਤਾਨੀ ਤੋਂ ਵੀ ਹਟਾ ਦਿੱਤਾ ਸੀ।
ਟੀ-20 ਵਿਸ਼ਵ ਕੱਪ 2022 ਬੰਗਲਾਦੇਸ਼ ਟੀਮ
ਸ਼ਾਕਿਬ ਅਲ ਹਸਨ (ਕਪਤਾਨ), ਸ਼ਬੀਰ ਰਹਿਮਾਨ, ਮੇਹਦੀ ਹਸਨ ਮਿਰਾਜ, ਆਫਿਫ ਹੁਸੈਨ ਧਰੁਬੋ, ਮੋਸਾਦੇਕ ਹੁਸੈਨ ਸੈਕਤ, ਲਿਟਨ ਦਾਸ, ਯਾਸਿਰ ਅਲੀ ਚੌਧਰੀ, ਨੂਰੁਲ ਹਸਨ ਸੋਹਨ, ਮੁਸਤਫਿਜ਼ੁਰ ਰਹਿਮਾਨ, ਮੁਹੰਮਦ ਸੈਫੀਦੀਨ, ਨਸੁਮ ਅਹਿਮਦ, ਹਸਨ ਮਹਿਮੂਦ, ਨਜਮੁਲ ਹੁਸੈਨ, ਨਜਮੁਲ ਹੁਸੈਨ।