ਚੰਡੀਗੜ੍ਹ 17 ਜਨਵਰੀ 2022: ਸਈਅਦ ਮੋਦੀ ਅੰਤਰਰਾਸ਼ਟਰੀ ਬੈਡਮਿੰਟਨ ਚੈਂਪੀਅਨਸ਼ਿਪ (Syed Modi International Badminton Championship)18 ਤੋਂ 23 ਜਨਵਰੀ ਤੱਕ HSBC ਵਰਲਡ ਟੂਰ ਸੁਪਰ ਲਖਨਊ ਵਿਖੇ ਖੇਡੀ ਜਾਵੇਗੀ। ਇਸ ਬੈਡਮਿੰਟਨ ਚੈਂਪੀਅਨਸ਼ਿਪ (Badminton Championship) ਦੀ ਇਨਾਮੀ ਰਾਸ਼ੀ 1.5 ਲੱਖ ਡਾਲਰ ਹੈ | ਬਾਬੂ ਬਨਾਰਸੀ ਦਾਸ ਬੈਡਮਿੰਟਨ ਅਕੈਡਮੀ ‘ਚ ਹੋਣ ਵਾਲੇ ਇਸ ਟੂਰਨਾਮੈਂਟ ‘ਚ ਸਟਾਰ ਸ਼ਟਲਰ ਪੀ.ਵੀ.ਸਿੰਧੂ, ਸਮੀਰ ਵਰਮਾ, ਸੌਰਭ ਵਰਮਾ ਤੋਂ ਇਲਾਵਾ ਮਲੇਸ਼ੀਆ, ਡੈਨਮਾਰਕ, ਸਿੰਗਾਪੁਰ, ਕੈਨੇਡਾ, ਫਰਾਂਸ, ਚੈੱਕ ਗਣਰਾਜ, ਆਇਰਲੈਂਡ ਅਤੇ ਅਜ਼ਰਬਾਈਜਾਨ ਦੇ ਖਿਡਾਰੀ ਲਖਨਊ ਪਹੁੰਚ ਚੁੱਕੇ ਹਨ। .
ਇਸ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਬੈਡਮਿੰਟਨ ਸੰਘ ਦੇ ਸਕੱਤਰ ਅਰੁਣ ਕੱਕੜ ਨੇ ਦੱਸਿਆ ਕਿ ਟੂਰਨਾਮੈਂਟ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਮੈਚ ਕੋਵਿਡ-19 ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਹੋਏ ਆਯੋਜਿਤ ਕੀਤੇ ਜਾਣਗੇ। ਬੈਡਮਿੰਟਨ ਅਕੈਡਮੀ ਦੇ ਮੁੱਖ ਗੇਟ ਤੋਂ ਹਾਲ ਤੱਕ ਸੈਨੀਟਾਈਜ਼ਰ ਅਤੇ ਥਰਮਲ ਸਕੈਨਿੰਗ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਬਿਨਾਂ ਮਾਸਕ ਦੇ ਕਿਸੇ ਨੂੰ ਵੀ ਅੰਦਰ ਨਹੀਂ ਜਾਣ ਦਿੱਤਾ ਜਾਵੇਗਾ।