15 ਨਵੰਬਰ 2024: ਉੱਤਰੀ ਸਪੇਨ (spain) ਦੇ ਵਿਲਾਫ੍ਰਾਂਕਾ ਡੇਲ ਐਬਰੋ ਵਿੱਚ ਸ਼ੁੱਕਰਵਾਰ ਯਾਨੀ ਕਿ ਅੱਜ ਸਵੇਰੇ “ਜਾਰਡੀਨੇਸ ਡੀ ਵਿਲਾਫ੍ਰਾਂਕਾ” ਨਰਸਿੰਗ ਹੋਮ(nursing home) ਵਿੱਚ ਅੱਗ (fire) ਲੱਗ ਗਈ, ਜਿਸ ਵਿੱਚ ਘੱਟੋ ਘੱਟ 10 ਜਣਿਆ ਦੀ ਮੌਤ ਹੋ ਗਈ। ਅਰਾਗਨ ਐਮਰਜੈਂਸੀ ਸੇਵਾਵਾਂ ਨੇ ਟਵਿੱਟਰ ‘ਤੇ ਇਕ ਬਿਆਨ ਵਿਚ ਕਿਹਾ, “ਵਿਲਾਫ੍ਰਾਂਕਾ ਡੀ ਐਬਰੋ ਵਿਚ ਇਕ ਨਰਸਿੰਗ ਹੋਮ ਵਿਚ ਅੱਜ ਸਵੇਰੇ ਅੱਗ ਲੱਗਣ ਕਾਰਨ ਘੱਟੋ-ਘੱਟ 10 ਜਣਿਆ ਦੀ ਮੌਤ ਹੋ ਗਈ ਹੈ।
ਰਾਇਟਰਜ਼ ਦੇ ਹਵਾਲੇ ਨਾਲ ਇੱਕ ਖੇਤਰੀ ਸਰਕਾਰ ਦੇ ਪ੍ਰਤੀਨਿਧੀ ਨੇ ਕਿਹਾ ਕਿ ਅੱਗ ਸਵੇਰੇ 5 ਵਜੇ (ਸਥਾਨਕ ਸਮੇਂ) ਦੇ ਨੇੜੇ ਲੱਗੀ, ਅਤੇ ਅੱਗ ਬੁਝਾਉਣ ਵਿੱਚ ਫਾਇਰਫਾਈਟਰਾਂ ਨੂੰ ਲਗਭਗ ਦੋ ਘੰਟੇ ਲੱਗ ਗਏ। ਅਧਿਕਾਰੀ ਇਸ ਗੱਲ ਦੀ ਪੁਸ਼ਟੀ ਕਰਨ ਵਿੱਚ ਅਸਮਰੱਥ ਸਨ ਕਿ ਕੀ ਸਾਰੇ ਜ਼ਖਮੀ ਕੇਅਰ ਹੋਮ ਦੇ ਨਿਵਾਸੀ ਸਨ, ਜਿਸ ਵਿੱਚ 82 ਬਜ਼ੁਰਗ ਲੋਕ ਰਹਿੰਦੇ ਸਨ।
ਇਸ ਦੌਰਾਨ ਇੱਕ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਜਦਕਿ ਕਈਆਂ ਦਾ ਧੂੰਏਂ ਕਾਰਨ ਇਲਾਜ ਚੱਲ ਰਿਹਾ ਹੈ। 35 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਜ਼ਰਾਗੋਜ਼ਾ ਤੋਂ ਫਾਇਰਫਾਈਟਰਾਂ ਸਮੇਤ ਐਮਰਜੈਂਸੀ ਜਵਾਬ ਦੇਣ ਵਾਲੇ, ਐਂਬੂਲੈਂਸਾਂ ਅਤੇ ਪੁਲਿਸ ਦੇ ਨਾਲ ਘਟਨਾ ਸਥਾਨ ‘ਤੇ ਪਹੁੰਚੇ। ਅਧਿਕਾਰੀਆਂ ਵੱਲੋਂ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।