ਚੰਡੀਗੜ੍ਹ 12 ਸਤੰਬਰ 2022: ਜ਼ਿੰਬਾਬਵੇ ਕ੍ਰਿਕਟ ਟੀਮ ਦੇ ਤਜਰਬੇਕਾਰ ਆਲਰਾਊਂਡਰ ਸਿਕੰਦਰ ਰਜ਼ਾ (Sikandar Raza) ਨੇ “ਆਈਸੀਸੀ ਪਲੇਅਰ ਆਫ ਦਿ ਮੰਥ” ਐਵਾਰਡ ਜਿੱਤਣ ਵਾਲਾ ਪਹਿਲਾ ਖਿਡਾਰੀ ਬਣ ਕੇ ਇਤਿਹਾਸ ਰਚ ਦਿੱਤਾ ਹੈ। ਰਜ਼ਾ ਨੇ ਨਿਊਜ਼ੀਲੈਂਡ ਦੇ ਆਲਰਾਊਂਡਰ ਮਿਸ਼ੇਲ ਸੈਂਟਨਰ ਅਤੇ ਇੰਗਲੈਂਡ ਦੇ ਟੈਸਟ ਕਪਤਾਨ ਬੇਨ ਸਟੋਕਸ ਨੂੰ ਹਰਾ ਕੇ ਇਹ ਖ਼ਿਤਾਬ ਜਿੱਤਿਆ ਹੈ । 36 ਸਾਲ ਦੇ ਰਜ਼ਾ ਨੇ ਇੱਕ ਮਹੀਨੇ ਵਿੱਚ ਤਿੰਨ ਵਨਡੇ ਸੈਂਕੜੇ ਲਗਾਏ
ਇਸ ਸਫਲਤਾ ‘ਤੇ ਰਜ਼ਾ ਨੇ ਕਿਹਾ, “ਮੈਂ ਆਈਸੀਸੀ ਤੋਂ ਪਲੇਅਰ ਆਫ ਦਿ ਮੰਥ ਦਾ ਪੁਰਸਕਾਰ ਜਿੱਤਣ ‘ਤੇ ਬਹੁਤ ਹੀ ਮਾਣ ਮਹਿਸੂਸ ਕਰ ਰਿਹਾ ਹਾਂ ਅਤੇ ਅਜਿਹਾ ਪੁਰਸਕਾਰ ਜਿੱਤਣ ਵਾਲਾ ਪਹਿਲਾ ਜ਼ਿੰਬਾਬਵੇ ਦਾ ਖਿਡਾਰੀ ਬਣ ਕੇ ਖੁਸ਼ ਹਾਂ।
ਸਿਕੰਦਰ ਰਜ਼ਾ (Sikandar Raza) ਨੇ ਭਾਰਤ ਦੇ ਖਿਲਾਫ ਆਖਰੀ ਵਨਡੇ ਵਿੱਚ ਵੀ ਟੀਚਾ ਲਗਭਗ ਪੂਰਾ ਕਰ ਲਿਆ, ਪਰ ਪਿਛਲੇ ਮੌਕਿਆਂ ਦੇ ਉਲਟ, ਦੂਜੇ ਸਿਰੇ ਤੋਂ ਬਹੁਤ ਘੱਟ ਸਾਥ ਮਿਲਿਆ। 290 ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਉਹ ਆਖਰੀ ਓਵਰ ਤੱਕ ਕ੍ਰੀਜ਼ ‘ਤੇ ਸਨ। 95 ਗੇਂਦਾਂ ਵਿੱਚ 115 ਦੌੜਾਂ ਬੇਕਾਰ ਗਈਆਂ ਕਿਉਂਕਿ ਭਾਰਤ ਨੇ ਆਖਰੀ ਓਵਰ ਵਿੱਚ ਮੈਚ ਜਿੱਤ ਲਿਆ।
