ਸਮਾਣਾ, 29 ਜੁਲਾਈ 2024: ਕੈਨੇਡਾ (Canada) ਦੇ ਮਾਉਟਨ ਸ਼ਹਿਰ ‘ਚ ਵਾਪਰੇ ਦਰਦਨਾਕ ਸੜਕ ਹਾਦਸੇ ‘ਚ ਪੰਜਾਬ ਦੇ ਤਿੰਨ ਵਿਦਿਆਰਥੀਆਂ ਦੀ ਜਾਨ ਚਲੀ ਗਈ | ਇਸ ਹਾਦਸੇ ‘ਚ 2 ਸਕੇ ਭੈਣ-ਭਰਾ ਪਿੰਡ ਮਲੋਦ ਜ਼ਿਲ੍ਹਾ ਮਲੇਰਕੋਟਲਾ ਦੇ ਦੱਸੇ ਜਾ ਰਹੇ ਹਨ | ਇਸ ਹਾਦਸੇ ‘ਚ ਮ੍ਰਿਤਕ ਹਰਮਲ ਸੋਮਲ (ਉਮਰ 23 ਸਾਲ) ,ਨਵਜੋਤ ਸੋਮਲ (ਉਮਰ 19 ਸਾਲ) ਹੈ। ਇਨ੍ਹਾਂ ‘ਚ ਇੱਕ ਲੜਕੀ ਰਸ਼ਮਦੀਪ ਕੌਰ (23 ਸਾਲ) ਸਪੁੱਤਰੀ ਮਾਸਟਰ ਭੁਪਿੰਦਰ ਸਿੰਘ ਦਰਦੀ ਕਲੋਨੀ ਸਮਾਣਾ ਦੀ ਰਹਿਣ ਵਾਲੀ ਹੈ ਹੈ, ਜੋ ਕਿ ਸੀਨੀਅਰ ਪੱਤਰਕਾਰ ਅਤੇ ਜਰਨਲਿਸਟ ਪ੍ਰੈੱਸ ਕਲੱਬ ਸਮਾਣਾ ਦੇ ਪ੍ਰਧਾਨ ਚਮਕੌਰ ਸਿੰਘ ਮੋਤੀਫਾਰਮ ਦੀ ਭਾਣਜੀ ਹੈ।
ਜਾਣਕਾਰੀ ਅਨੁਸਾਰ ਇਹ ਤਿੰਨੇ ਵਿਦਿਆਰਥੀ ਮਾਊਂਟਨ ਸ਼ਹਿਰ ਵਿਖੇ ਅਪਣੀ ਪੀਆਰ ਦੀ ਫਾਈਲ ਲਗਾਉਣ ਤੋਂ ਬਾਅਦ ਟੈਕਸੀ ਰਾਹੀਂ ਵਾਪਸ ਪਰਤ ਰਹੇ ਸਨ, ਪਰ ਅਚਾਨਕ ਗੱਡੀ ਦਾ ਅਗਲਾ ਟਾਇਰ ਫ਼ਟਣ ਕਾਰਨ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋ ਗਈ | ਜਿਸ ਵਿੱਚ 3 ਵਿਦਿਆਰਥੀਆਂ ਦੀ ਜਾਨ ਚਲੀ ਗਈ | ਇਸ ਦੌਰਾਨ ਟੈਕਸੀ ਡਰਾਈਵਰ ਗੱਡੀ ‘ਚੋਂ ਕੁੱਦ ਜਾਣ ਕਾਰਨ ਬਚ ਗਿਆ। ਇਸ ਹਾਦਸੇ ਕਾਰਨ ਸ਼ਹਿਰ ‘ਚ ਸੋਗ ਦੀ ਲਹਿਰ ਹੈ।