ਲੁਧਿਆਣਾ 21 ਅਪ੍ਰੈਲ 2024: ਫੈਡਰੇਸ਼ਨ ਆਫ ਸੀਨੀਅਰ ਸਿਟੀਜ਼ਨਜ਼ ਪੰਜਾਬ (ਫੈਡਸਨ) ਦੀ ਗਵਰਨਿੰਗ ਬਾਡੀ ਦੀ ਬੈਠਕ ਰੋਟਰੀ ਕਲੱਬ ਆਫ ਸਰਾਭਾ ਨਗਰ, ਲੁਧਿਆਣਾ ਵਿਖੇ ਹੋਈ। ਇਸ ਬੈਠਕ ਵਿੱਚ ਸਾਲ 2024-26 ਲਈ ਅਧਿਕਾਰੀਆਂ ਦੀ ਚੋਣ ਕੀਤੀ ਗਈ। ਸੇਵਾਮੁਕਤ ਸੱਤਿਆ ਪਾਲ ਕਰਕਰਾ (ਆਈ.ਏ.ਐਸ.) ਨੂੰ ਲਾਈਫਟਾਈਮ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਅਤੇ ਪ੍ਰੋਫੈਸਰ ਰਾਜ ਕੁਮਾਰ ਕੱਕੜ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ।
ਬੈਠਕ ਵਿੱਚ ਪੰਜਾਬ ਦੇ ਕਈ ਜ਼ਿਲ੍ਹਿਆਂ ਤੋਂ ਐਸੋਸੀਏਸ਼ਨ ਦੇ ਨੁਮਾਇੰਦਿਆਂ ਨੇ ਸ਼ਮੂਲੀਅਤ ਕੀਤੀ। ਇਸ ਮੌਕੇ ਹਾਜ਼ਰ ਸ਼ਖ਼ਸੀਅਤਾਂ ਵਿੱਚ ਹਰਚੰਦ ਸਿੰਘ ਮੰਡ ਮੌਜੂਦਾ ਮੁਖੀ, ਬਲਬੀਰ ਸਿੰਘ, ਇੰਦਰਜੀਤ ਸਿੰਘ ਸਿੱਧੂ, ਸ. ਐਲ ਕਾਮਰਾ, ਬੀ.ਐਸ ਗਰੇਵਾਲ, ਜੇ. ਐਸ ਮਦਾਨ, ਆਈ ਜੇ ਐਸ ਚੋਪੜਾ, ਜੇ ਐਸ ਕੋਹਲੀ ਹਾਜ਼ਰ ਸਨ।
ਇਸ ਤੋਂ ਇਲਾਵਾ ਰੋਪੜ ਤੋਂ ਕਰਨੈਲ ਸਿੰਘ, ਫਰੀਦਕੋਟ ਤੋਂ ਸ੍ਰੀ ਜੈਨ, ਪ੍ਰੋਫੈਸਰ ਐਨ.ਕੇ.ਗੁਪਤਾ ਅਤੇ ਬਰਨਾਲਾ ਤੋਂ ਜੀ.ਐਸ.ਗੋਇਲ ਆਪਣੇ ਸਾਥੀਆਂ ਸਮੇਤ ਹਾਜ਼ਰ ਸਨ। ਇਹ ਸਮੁੱਚਾ ਪ੍ਰੋਗਰਾਮ SCWAL ਦੀ ਪ੍ਰਧਾਨ ਸ਼੍ਰੀਮਤੀ ਨੀਲਮ ਖੋਸਲਾ ਦੀ ਦੇਖ-ਰੇਖ ਹੇਠ ਹੋਇਆ।