ਚੰਡੀਗੜ੍ਹ 27 ਅਗਸਤ 2022: ਸੰਗਰੂਰ ਪੁਲਿਸ (Sangrur police) ਨੇ 9 ਸਥਾਨਕ ਪੱਤਰਕਾਰਾਂ ਨੂੰ ਬਲੈਕਮੇਲ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਹੈ। ਐਸ.ਐਸ.ਪੀ.ਸੰਗਰੂਰ ਮਨਦੀਪ ਸਿੱਧੂ ਨੇ ਦੱਸਿਆ ਕਿ ਪੱਤਰਕਾਰ ਹੋਣ ਦੀ ਆੜ ਵਿੱਚ ਉਹ ਕਿਸੇ ਵੀ ਅਪਰਾਧ ਦੀ ਛੋਟੀ-ਮੋਟੀ ਘਟਨਾ ਨੂੰ ਤੋੜ ਮਰੋੜ ਕੇ ਪੇਸ਼ ਕਰਦੇ ਸਨ ਅਤੇ ਫਿਰ ਉਕਤ ਪੱਤਰਕਾਰ ਥਾਣਿਆਂ ਵਿੱਚ ਪਹੁੰਚ ਕੇ ਹੇਠਲੇ ਪੱਧਰ ‘ਤੇ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੰਦੇ ਸਨ।

ਉਨ੍ਹਾਂ ਕਿਹਾ ਕਿ ਹਮੇਸ਼ਾ ਸਬੰਧਤ ਪੁਲਿਸ ਅਫਸਰਾਂ ਅਤੇ ਵਿਰੋਧੀ ਧਿਰਾਂ ਨੂੰ ਬਲੈਕਮੇਲ ਕਰਕੇ ਪੈਸੇ ਹੜੱਪਣ ਦੇ ਇੱਕੋ-ਇੱਕ ਉਦੇਸ਼ ਨਾਲ ਆਪਣੀ ਮਰਜ਼ੀ ਅਨੁਸਾਰ ਫੈਸਲੇ ਮੋੜਨ ਦੀ ਕੋਸ਼ਿਸ਼ ਕਰਦੇ ਹਨ। ਇਸਦੇ ਨਾਲ ਹੀ ਗ੍ਰਿਫਤਾਰ ਪੱਤਰਕਾਰਾਂ ‘ਚ ਕੁਲਦੀਪ ਸੱਗੂ, ਲਵਪ੍ਰੀਤ ਸਿੰਘ ਧਾਂਦਰਾ, ਰਾਕੇਸ਼ ਕੁਮਾਰ ਗੱਗੀ, ਗੁਰਦੀਪ ਸਿੰਘ, ਹਰਦੇਵ ਸਿੰਘ ਸ਼ੰਮੀ, ਉਪਵਿੰਦਰ ਐਸ ਤਨੇਜਾ, ਰਵਿੰਦਰ ਰਵੀ ਟਿੱਬਾ, ਅਬਦੁਲ ਗੱਫਾਰ ਅਤੇ ਬਲਦੇਵ ਸਿੰਘ ਜਨੂਹਾ ਸ਼ਾਮਲ ਹਨ |