ਜਲੰਧਰ 25 ਮਾਰਚ 2022 : ਰਾਧਾ ਸੁਆਮੀ ਸਤਿਸੰਗ ਡੇਰਾ ਬਿਆਸ (Radha Swami Satsang Dera Beas) ਦੇ ਜ਼ੋਨ-2 ਦੇ ਜ਼ੋਨਲ ਸਕੱਤਰ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ‘ਚ ਜ਼ੋਨ-2 ਅਧੀਨ ਆਉਂਦੇ ਕੇਂਦਰਾਂ ਵਿੱਚ ਹਫ਼ਤਾਵਾਰੀ ਸਤਿਸੰਗ ਦੇ ਸਮੇਂ ਵਿੱਚ ਮਾਮੂਲੀ ਤਬਦੀਲੀਆਂ ਕੀਤੀਆਂ ਗਈਆਂ ਹਨ।
ਨੋਟੀਫਿਕੇਸ਼ਨ ਅਨੁਸਾਰ ਅਪ੍ਰੈਲ ਤੋਂ ਸਤੰਬਰ 2022 ਤੱਕ ਐਤਵਾਰ ਨੂੰ ਹੋਣ ਵਾਲੇ ਸਤਿਸੰਗਾਂ ਦਾ ਸਮਾਂ ਸਵੇਰੇ 9 ਵਜੇ, ਹਫ਼ਤੇ ਦੇ ਹੋਰ ਦਿਨਾਂ ਵਿੱਚ ਸਵੇਰੇ 8.30 ਵਜੇ ਅਤੇ ਸ਼ਾਮ ਦੇ ਸਤਿਸੰਗਾਂ ਦਾ ਸਮਾਂ ਸ਼ਾਮ 5 ਵਜੇ ਹੋਵੇਗਾ।
ਦੱਸਦਈਏ ਕਿ ਕੋਵਿਡ ਦੌਰਾਨ ਡੇਰਾ ਬਿਆਸ (Dera Beas) ਵੱਲੋਂ ਸ਼ਰਧਾਲੂਆਂ ਦੀ ਸੁਰੱਖਿਆ ਨੂੰ ਮੁੱਖ ਰੱਖਦੇ ਹੋਏ ਕਈ ਵਾਰ ਸਤਿਸੰਗਾਂ ‘ਤੇ ਪਾਬੰਦੀ ਲਗਾਈ ਗਈ ਸੀ। ਇਸੇ ਲੜੀ ਤਹਿਤ ਡੇਰੇ ਵੱਲੋਂ ਸਾਲ 2022 ਦੇ ਅੰਤ ਤੱਕ ਅਤੇ 2023 ਦੇ ਨਵੇਂ ਸਾਲ ਦੇ ਦਿਨ ਹੋਣ ਵਾਲੇ ਪ੍ਰੋਗਰਾਮਾਂ ਦਾ ਸੋਧਿਆ ਪ੍ਰੋਗਰਾਮ ਜਾਰੀ ਕੀਤਾ ਗਿਆ ਹੈ। ਭਾਰਤ ਦੇ ਸਤਿਸੰਗ ਕੇਂਦਰ ਦੇ ਸੇਵਾਮੁਕਤ ਕਰਨਲ ਜੀ.ਐਸ. ਭੁੱਲਰ ਵੱਲੋਂ ਜਾਰੀ ਪੱਤਰ ਨੰਬਰ 43, ਸਤਿਸੰਗ ਪ੍ਰੋਗਰਾਮ 780 ਰਾਹੀਂ ਜ਼ੋਨਲ ਸਕੱਤਰ ਕੋ-ਆਰਡੀਨੇਟਰ, ਇਲਾਕਾ ਸਕੱਤਰ, ਸਕੱਤਰ ਨੂੰ ਇਨ੍ਹਾਂ ਮਿਤੀਆਂ ਬਾਰੇ ਸਬੰਧਤ ਨੂੰ ਸੂਚਿਤ ਕਰਨ ਲਈ ਕਿਹਾ ਗਿਆ ਹੈ।