ਚੰਡੀਗੜ੍ਹ 25 ਦਸੰਬਰ 2021: ਭਵਾਨੀ ਦੇਵੀ (Bhavani Devi) ਓਲੰਪਿਕ ਵਿੱਚ ਦੇਸ਼ ਦੀ ਨੁਮਾਇੰਦਗੀ ਕਰਨ ਵਾਲੀ ਪਹਿਲੀ ਭਾਰਤੀ ਫੈਂਸਰ, 2022 ਵਿੱਚ ਚਾਰ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਲਈ ਤਿਆਰ ਹੈ। ਇਸ ਦੇ ਮੱਦੇਨਜ਼ਰ, ਕੇਂਦਰੀ ਯੁਵਾ ਮਾਮਲੇ ਅਤੇ ਖੇਡ ਮੰਤਰਾਲੇ ਨੇ ਮੁਕਾਬਲਿਆਂ ਵਿੱਚ ਭਵਾਨੀ (Bhavani Devi) ਦੀ ਭਾਗੀਦਾਰੀ ਦੀ ਸਹੂਲਤ ਲਈ ਸਿਖਲਾਈ ਅਤੇ ਮੁਕਾਬਲੇ ਲਈ ਸਾਲਾਨਾ ਕੈਲੰਡਰ (ਏਸੀਟੀਸੀ) ਪ੍ਰਣਾਲੀ ਦੇ ਤਹਿਤ ਕੁੱਲ 8.16 ਲੱਖ ਰੁਪਏ ਦੀ ਰਾਸ਼ੀ ਮਨਜ਼ੂਰ ਕੀਤੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਟੋਕੀਓ ਖੇਡਾਂ ਦੇ ਰਾਊਂਡ ਆਫ 32 ਮੈਚ ਵਿੱਚ ਹਾਰਨ ਤੋਂ ਪਹਿਲਾਂ ਵਿਅਕਤੀਗਤ ਸਾਬਰ ਮੈਚ ਦਾ ਪਹਿਲਾ ਦੌਰ ਜਿੱਤਣ ਵਾਲੀ ਭਵਾਨੀ 4 ਜਨਵਰੀ ਤੋਂ ਜਾਰਜੀਆ ਦੇ ਤਬਿਲਿਸੀ ਵਿੱਚ ਇੱਕ ਸਿਖਲਾਈ ਕੈਂਪ ਵਿੱਚ ਸ਼ਿਰਕਤ ਕਰੇਗੀ ਅਤੇ ਫਿਰ ਉਸੇ ਸ਼ਹਿਰ ਵਿੱਚ ਅੰਤਰਰਾਸ਼ਟਰੀ ਤਲਵਾਰਬਾਜ਼ੀ ਕੈਂਪ ਵਿੱਚ ਸ਼ਿਰਕਤ ਕਰੇਗੀ। 14 ਤੋਂ 16 ਜਨਵਰੀ ਤੱਕ ਫੈਡਰੇਸ਼ਨ ਵਿਸ਼ਵ ਕੱਪ ‘ਚ ਹਿੱਸਾ ਲਵੇਗੀ। ਇਸ ਤੋਂ ਬਾਅਦ ਉਹ 28 ਤੋਂ 29 ਜਨਵਰੀ ਤੱਕ ਬੁਲਗਾਰੀਆ ਦੇ ਪਲੋਵਦੀਵ ‘ਚ ਹੋਣ ਵਾਲੇ ਵਿਸ਼ਵ ਕੱਪ ‘ਚ ਹਿੱਸਾ ਲਵੇਗੀ। ਭਵਾਨੀ, ਮੌਜੂਦਾ ਸਮੇਂ ਵਿੱਚ ਵਿਅਕਤੀਗਤ ਮਹਿਲਾ ਸੈਬਰ ਵਰਗ ਵਿੱਚ ਵਿਸ਼ਵ ਰੈਂਕਿੰਗ ਵਿੱਚ 55ਵੇਂ ਸਥਾਨ ‘ਤੇ ਹੈ, ਫਿਰ ਕ੍ਰਮਵਾਰ 4 ਅਤੇ 5 ਮਾਰਚ ਅਤੇ 18 ਅਤੇ 19 ਮਾਰਚ ਨੂੰ ਗ੍ਰੀਸ ਅਤੇ ਬੈਲਜੀਅਮ ਵਿੱਚ ਹੋਣ ਵਾਲੇ ਵਿਸ਼ਵ ਕੱਪ ਵਿੱਚ ਹਿੱਸਾ ਲਵੇਗੀ।