ਇਸ ਮੰਗ ਪੱਤਰ ਰਾਹੀਂ ਜਿਸ ‘ਚ ਬਾਗਬਾਨੀ ਵਿਭਾਗ ਪੰਜਾਬ ਵਿੱਚ ਬਾਗਬਾਨੀ ਸਬ ਇੰਸਪੈਕਟਰਾਂ ਨੂੰ ਪਦਉਨਤੀ ‘ਚ ਐਸ.ਸੀ ਕੋਟਾ, ਦਿਵੀਆਂਗ ਕੋਟਾ ਅਤੇ ਨਾ ਹੀ 20 ਫੀਸਦੀ ਕੋਟਾ ਬਾਗਬਾਨੀ ਵਿਭਾਗ ਦੇ ਭਰਾਤਰੀ ਖੇਤੀਬਾੜੀ ਵਿਭਾਗ ਅਤੇ ਭੂਮੀ ਰੱਖਿਆ ਵਿਭਾਗ ਦੀ ਤਰ੍ਹਾਂ ਨਹੀ ਦਿੱਤਾ ਜਾ ਰਿਹਾ ਜੋ ਕਿ ਬਹਾਲ ਕਰਨ ਬਾਰੇ ਮੰਗ ਕੀਤੀ ਹੈ।
ਇਸ ਤਰ੍ਹਾਂ ਬਾਗਬਾਨੀ ਵਿਭਾਗ ਚ ਫੀਲਡ ਸਟਾਫ ਕਲਾਸ ਫੋਰ ਦੀਆਂ ਪਦਉਨਤੀਆਂ ਵਾਸਤੇ ਅਸਾਮੀਆਂ ਘੱਟ ਹੋਣ ਕਰਕੇ ਪ੍ਰਦਉਨਤੀ ਦੇ ਮੋਕੇ ਬਹੁਤ ਘੱਟ ਹਨ, ਇਸ ਲਈ ਬਲਾਕ ਪੱਧਰ ਤੇ 1 ਪੋਸਟ ਬਾਗਬਾਨੀ ਸਬ-ਇੰਸਪੈਕਟਰ ਅਤੇ ਬਾਗਬਾਨੀ ਯੂਨਿਟਾਂ ਦੇ ਪੱਧਰ ਤੇ 1 ਪੋਸਟ ਬਾਗਬਾਨੀ ਸੁਪਰਵਾਈਜਰ ਦੀ ਪੋਸਟ ਬਾਗਬਾਨੀ ਵਿਭਾਗ ਦਾ ਪੁਨਰਗਠਨ ਵਿੱਚ ਫੀਲਡ ਦੇ ਕੰਮਾਂ ਨੂੰ ਮੁੱਖ ਰੱਖਦਿਆਂ ਨਵੀਆਂ ਪੋਸਟਾਂ ਸਿਰਜਣ ਬਾਰੇ ਸਰਕਾਰ ਨੂੰ ਤਜਵੀਜ ਭੇਜਣ ਬਾਰੇ ਮੰਗ ਕੀਤੀ।
ਇਸੇ ਤਰਾਂ ਬਾਗਬਾਨੀ ਵਿਭਾਗ ‘ਚ ਸਾਲ 2005 ਤੋਂ ਚੱਲ ਰਹੀ ਐਨ.ਐਚ.ਐਮ ਸਕੀਮ ਅਧੀਨ ਤਕਰੀਬਨ 18 ਸਾਲਾਂ ਤੋਂ ਕੰਮ ਕਰ ਰਹੇ ਸਟਾਫ ਦੀ ਤਨਖਾਹ ਵਿੱਚ (ਜੋ ਕਿ ਕਦੇ ਵਾਧਾ ਨਹੀ ਹੋਇਆ) ਇਸ ‘ਚ ਵਾਧਾ ਕਰਨਾ, 10 ਫੀਸਦੀ ਸਲਾਨਾ ਤਨਖ਼ਾਹ ਵਧਾਉਣ ਅਤੇ ਇਸ ਸਟਾਫ਼ ਨੂੰ ਆਊਟਸੋਰਸਿੰਗ ‘ਚੋਂ ਕੱਢ ਕੇ ਸਰਕਾਰ ਦੀ ਨਵੀਂ ਠੇਕਾ ਨੀਤੀ ਤਹਿਤ ਲਿਆਉਣ ਦੀ ਮੰਗ ਕੀਤੀ ਹੈ।
ਇਸ ਬੈਠਕ ਦੇ ਅੰਤ ‘ਚ ਬਾਗਬਾਨੀ ਮੰਤਰੀ ਮੋਹਿੰਦਰ ਭਗਤ ਵੱਲੋਂ ਐਸੋਸੀਏਸ਼ਨ (Punjab Horticulture Association) ਦੀਆਂ ਮੰਗਾਂ ਪੂਰੀਆਂ ਕਰਨ ਸਬੰਧੀ ਭਰੋਸਾ ਦਿੱਤਾ ਹੈ। ਇਸ ਬੈਠਕ ਸੂਬਾ ਪ੍ਰਧਾਨ ਜਸਬੀਰ ਸਿੰਘ ਸਰਾਂ, ਕਨਵੀਨਰ ਮਨਜੀਤ ਸਿੰਘ ਸੈਣੀ, ਉਪ ਪ੍ਰਧਾਨ ਗੁਰਦਿਆਲ ਸਿੰਘ, ਜਾਇੰਟ ਸੈਕਟਰੀ ਸ.ਜਸਵੀਰ ਸਿੰਘ ਸਿੱਧੂ, ਸੈਕਟਰੀ ਸਚਿਨ ਸਹਿਗਲ,ਕੈਸ਼ੀਅਰ ਦੀਪਕ ਪਾਲ ਸਿੰਘ ਭੰਡਾਲ, ਮੀਡੀਆ ਸਲਾਹਕਾਰ ਮਨਜੀਤ ਕੁਮਾਰ ਅਤੇ ਕਾਰਜਕਾਰੀ ਮੈਂਬਰ ਗੀਤਿਕਾ ਧਵਨ, ਸਤਨਾਮ ਸਿੰਘ, ਸਪਨਾ ਅਸੋਸੀਏਸ਼ਨ ਦੇ ਮੈਂਬਰ ਹਾਜ਼ਰ ਸਨ |