ਚੰਡੀਗੜ੍ਹ 02 ਫਰਵਰੀ 2022: ਪੰਜਾਬ ‘ਚ ਵਿਧਾਨ ਸਭਾ (Punjab Assembly elections) ਚੋਣਾਂ ਨੇੜੇ ਹਨ | ਇਸ ਦੌਰਾਨ ਜ਼ਿਲ੍ਹਾ ਸੰਗਰੂਰ ‘ਚ ਪੈਂਦੇ ਵਿਧਾਨ ਸਭਾ ਸਰਕਲਾਂ ਦੀਆਂ ਹਰ ਤਰ੍ਹਾਂ ਦੀਆਂ ਚੋਣ ਸਰਗਰਮੀਆਂ ’ਤੇ ਨਜ਼ਰ ਰੱਖਣ ਲਈ ਚੋਣ ਕਮਿਸ਼ਨ ਵੱਲੋਂ 5 ਆਬਜ਼ਰਵਰ ਤਾਇਨਾਤ ਕੀਤੇ ਹਨ । ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਚੋਣ ਅਫ਼ਸਰ (District Election Officer) ਰਾਮਵੀਰ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਵੱਲੋਂ ਜ਼ਿਲ੍ਹੇ ‘ਚ ਦੋ ਜਨਰਲ ਅਬਜ਼ਰਵਰ, ਦੋ ਖਰਚਾ ਨਿਗਰਾਨ ਅਤੇ ਇੱਕ ਪੁਲਸ ਆਬਜ਼ਰਵਰ ਤਾਇਨਾਤ ਕੀਤਾ ਗਿਆ ਹੈ। ਇਸ ਦੌਰਾਨ ਜ਼ਿਲ੍ਹਾ ਚੋਣ ਅਫ਼ਸਰ(District Election Officer) ਨੇ ਦੱਸਿਆ ਕਿ ਵਿਧਾਨ ਸਭਾ ਹਲਕਾ 99- ਲਹਿਰਾ ਅਤੇ 101- ਸੁਨਾਮ ਲਈ ਆਈ.ਏ.ਐਸ. ਅਧਿਕਾਰੀ ਰਜਿੰਦਰ ਵਿਜਾਰਾਓ ਨਿੰਬਲਕਰ ਨੂੰ ਜਨਰਲ ਅਬਜ਼ਰਵਰ ਲਾਇਆ ਗਿਆ ਹੈ, ਜਦੋਂ ਕਿ ਆਈ.ਏ.ਐਸ. ਅਧਿਕਾਰੀ ਸੁਬੋਧ ਯਾਦਵ ਨੂੰ 100-ਦਿੜਬਾ, 107-ਧੂਰੀ ਅਤੇ 108- ਸੰਗਰੂਰ ਵਿਧਾਨ ਸਭਾ ਸਰਕਲਾਂ ਦਾ ਜਨਰਲ ਅਬਜ਼ਰਵਰ ਤਾਇਨਾਤ ਕੀਤਾ ਗਿਆ ਹੈ।
ਇਸ ਸੰਬੰਧੀ ਜ਼ਿਲ੍ਹਾ ਚੋਣ ਅਫ਼ਸਰ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਵੱਲੋਂ ਵਿਧਾਨ ਸਭਾ ਹਲਕਾ 99- ਲਹਿਰਾ, 100- ਦਿੜਬਾ ਅਤੇ 101- ਸੁਨਾਮ ਵਿੱਚ ਚੋਣ ਖਰਚੇ ‘ਤੇ ਨਜ਼ਰ ਰੱਖਣ ਲਈ ਆਈ.ਆਰ.ਐਸ. ਅਧਿਕਾਰੀ ਲਿਆਕਤ ਅਲੀ ਅਫਕੀ ਨੂੰ ਤਾਇਨਾਤ ਕੀਤਾ ਗਿਆ ਹੈ। ਚੋਣ ਅਫ਼ਸਰ ਨੇ ਦੱਸਿਆ ਕਿ ਆਈ.ਸੀ.ਐਸ. ਅਧਿਕਾਰੀ ਸੁਭਾਸ਼ ਚੰਦਰ ਦੀ ਤਰਫੋਂ ਵਿਧਾਨ ਸਭਾ ਹਲਕਾ 107- ਧੂਰੀ ਅਤੇ 108- ਸੰਗਰੂਰ ਵਿੱਚ ਚੋਣ ਖਰਚੇ ਦੀ ਨਿਗਰਾਨੀ ਕੀਤੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਪੁਲਸ ਨਿਗਰਾਨ ਵਜੋਂ ਆਈ.ਪੀ.ਐਸ. ਅਫਸਰਾਂ ਦੀ ਤਾਇਨਾਤੀ ਪ੍ਰਤੀਕੂਲ ਜੀਵਨ ਹੋਵੇਗੀ।
