ਚੰਡੀਗੜ੍ਹ, 15 ਫਰਵਰੀ 2022 : ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਉਮੀਦਵਾਰ ਭਗਵੰਤ ਮਾਨ  ਦੇ ਬੇਬੇ ਹਰਪਾਲ ਕੌਰ ਅੱਜ ਮਲੋਟ ਪੁੱਜੇ । ਉਹ ਆਮ ਆਦਮੀ ਪਾਰਟੀ ਦੇ ਮਲੋਟ ਤੋਂ ਉਮੀਦਵਾਰ ਡਾ. ਬਲਜੀਤ ਕੌਰ ਦੇ ਹੱਕ ਵਿੱਚ ਪ੍ਰਚਾਰ ਕਰਨ ਆਏ ਸਨ । ਇਸ ਦੌਰਾਨ ਉਹਨਾਂ ਨੇ ਰਵਿਦਾਸ ਮੰਦਿਰ ਵਿੱਚ ਮੱਥਾ ਟੇਕਿਆ ਅਤੇ ਲੋਕਾਂ ਨੂੰ ਆਮ ਆਦਮੀ ਪਾਰਟੀ ਦੇ ਹੱਕ ਵਿੱਚ ਵੋਟ ਪਾਉਣ ਦੀ ਅਪੀਲ ਕੀਤੀ । ਉਨ੍ਹਾਂ ਕਿਹਾ ਕਿ ਉਹ ਡਾ: ਬਲਜੀਤ ਕੌਰ  ਨੂੰ ਵੋਟ ਪਾਉਣ ਕਿਉਂਕਿ ਡਾਕਟਰ ਹੋਣ ਕਰਕੇ ਉਹ ਲੋਕਾਂ ਦੀਆਂ ਤਕਲੀਫ਼ਾਂ ਜਾਣਦੇ ਹਨ । ਉਹਨਾਂ ਆਖਿਆ ਕਿ ਜਿੱਤਣ ਤੋਂ ਬਾਅਦ ਵਧੀਆ ਹਸਪਤਾਲ ਅਤੇ ਵਧੀਆ ਸਕੂਲ ਬਣਾਏ ਜਾਣਗੇ ।