ਚੰਡੀਗੜ੍ਹ, 08 ਜੂਨ 2024: ਮੀਡੀਆ ਅਨੁਭਵੀ ਅਤੇ ਈਨਾਡੂ ਅਤੇ ਰਾਮੋਜੀ ਫਿਲਮ ਸਿਟੀ ਦੇ ਸੰਸਥਾਪਕ ਰਾਮੋਜੀ ਰਾਓ (Ramoji Rao) ਦਾ 8 ਜੂਨ ਨੂੰ ਹੈਦਰਾਬਾਦ ਵਿੱਚ ਦਿਹਾਂਤ ਹੋ ਗਿਆ। ਫਿਲਮ ਨਿਰਦੇਸ਼ਕ ਐੱਸ.ਐੱਸ. ਰਾਜਾਮੌਲੀ, ਸੰਗੀਤਕਾਰ ਐਮ.ਐਮ. ਕੀਰਵਣੀ ਅਤੇ ਹੋਰਾਂ ਨੇ ਫਿਲਮ ਸਿਟੀ ਵਿਖੇ ਈਨਾਡੂ ਅਤੇ ਰਾਮੋਜੀ ਫਿਲਮ ਸਿਟੀ ਦੇ ਸੰਸਥਾਪਕ ਰਾਮੋਜੀ ਰਾਓ ਨੂੰ ਅੰਤਿਮ ਸ਼ਰਧਾਂਜਲੀ ਭੇਟ ਕੀਤੀ।
ਇਸ ਦੇ ਨਾਲ ਹੀ ਦੱਖਣ ਦੇ ਕਈ ਸਿਤਾਰਿਆਂ ਜਿਵੇਂ ਕਿ ਜੂਨੀਅਰ ਐਨਟੀਆਰ, ਚਿਰੰਜੀਵੀ, ਮਨੋਜ ਮੰਚੂ, ਸੁਧੀਰ ਬਾਬੂ ਅਤੇ ਹੋਰਾਂ ਨੇ ਵੀਡੀਓ ਜਾਰੀ ਕਰਕੇ ਸੰਵੇਦਨਾ ਜ਼ਾਹਰ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
ਰਾਮੋਜੀ ਰਾਓ (Ramoji Rao) ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਕਈ ਸਿਤਾਰੇ ਫਿਲਮ ਸਿਟੀ ਪਹੁੰਚੇ। ਸਾਰਿਆਂ ਦੀਆਂ ਅੱਖਾਂ ਨਮ ਹੋ ਗਈਆਂ। ਪੀਐਮ ਮੋਦੀ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਰਾਮੋਜੀ ਰਾਓ ਗਾਰੂ ਦਾ ਦਿਹਾਂਤ ਬੇਹੱਦ ਦੁਖਦ ਹੈ। ਉਹ ਇੱਕ ਦੂਰਅੰਦੇਸ਼ੀ ਸੀ ਜਿਸਨੇ ਭਾਰਤੀ ਮੀਡੀਆ ਵਿੱਚ ਕ੍ਰਾਂਤੀ ਲਿਆ ਦਿੱਤੀ। ਉਸ ਦੇ ਭਰਪੂਰ ਯੋਗਦਾਨ ਨੇ ਪੱਤਰਕਾਰੀ ਅਤੇ ਫਿਲਮ ਦੀ ਦੁਨੀਆ ‘ਤੇ ਅਮਿੱਟ ਛਾਪ ਛੱਡੀ ਹੈ।