ਚੰਡੀਗੜ੍ਹ, 17 ਜਨਵਰੀ 2025: Pakistan vs West Indies: ਪਾਕਿਸਤਾਨ ਅਤੇ ਵੈਸਟਇੰਡੀਜ਼ ਵਿਚਾਲੇ ਪਹਿਲੇ ਟੈਸਟ ਮੈਚ ਦੇ ਪਹਿਲੇ ਦਿਨ ਦੀ ਖੇਡ 17 ਜਨਵਰੀ ਨੂੰ ਮੁਲਤਾਨ ਕ੍ਰਿਕਟ ਸਟੇਡੀਅਮ ‘ਚ ਭਾਰੀ ਧੁੰਦ ਕਾਰਨ ਦੇਰੀ ਨਾਲ ਸ਼ੁਰੂ ਹੋਈ। ਇਸਦੇ ਕਾਰਨ ਟਾਸ ਨਿਰਧਾਰਤ ਸਮੇਂ ‘ਤੇ ਨਹੀਂ ਹੋ ਸਕਿਆ। ਧੁੰਦ ਕਾਰਨ ਖਿਡਾਰੀ ਆਪਣੇ ਡਰੈਸਿੰਗ ਰੂਮਾਂ ‘ਚ ਚਲੇ ਗਏ। ਖੇਡ ਅੰਤ ‘ਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 1:30 ਵਜੇ ਤੋਂ ਠੀਕ ਬਾਅਦ ਟਾਸ ਨਾਲ ਸ਼ੁਰੂ ਹੋਈ।
ਪਾਕਿਸਤਾਨ ਨੇ ਦੂਜੇ ਸੈਸ਼ਨ (PAK vs WI) ਤੱਕ 4 ਵਿਕਟ ਗੁਆ ਕੇ 60 ਦੌੜਾਂ ਬਣਾ ਲਈਆਂ ਹਨ | ਪਾਕਿਸਤਾਨ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੀ ਜਾ ਰਹੀ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਅੱਜ ਤੋਂ ਖੇਡਿਆ ਜਾ ਰਿਹਾ ਹੈ। ਇਹ ਦੋਵਾਂ ਟੀਮਾਂ ਲਈ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ 2023-25 ਦਾ ਆਖਰੀ ਅਸਾਈਨਮੈਂਟ ਹੋਵੇਗਾ। ਜਦੋਂ ਕਿ ਆਸਟ੍ਰੇਲੀਆ ਅਤੇ ਦੱਖਣੀ ਅਫਰੀਕਾ ਫਾਈਨਲ ਖੇਡਣ ਲਈ ਤਿਆਰ ਹਨ, ਪਾਕਿਸਤਾਨ ਅਤੇ ਵੈਸਟਇੰਡੀਜ਼ ਲੜੀ ‘ਚ ਆਖਰੀ ਸਥਾਨ ਤੋਂ ਬਚਣ ਲਈ ਮੁਕਾਬਲਾ ਕਰਨਗੇ।
ਪਾਕਿਸਤਾਨ ਇਸ ਸਮੇਂ ਟੇਬਲ ‘ਚ 8ਵੇਂ ਸਥਾਨ ‘ਤੇ ਹੈ (24.31ਫੀਸਦੀ ), ਜਦੋਂ ਕਿ ਵੈਸਟਇੰਡੀਜ਼ 9ਵੇਂ ਸਥਾਨ ‘ਤੇ ਹੈ (24.24 ਫ਼ੀਸਦੀ)। ਇਸ ਮੈਚ ਵਿੱਚ ਪਾਕਿਸਤਾਨ ਦੀ ਕਪਤਾਨੀ ਸ਼ਾਨ ਮਸੂਦ ਕਰ ਰਹੇ ਹਨ। ਕ੍ਰੇਗ ਬ੍ਰੈਥਵੇਟ ਵੈਸਟ ਇੰਡੀਜ਼ ਦਾ ਕਪਤਾਨ ਹੈ। ਜਿਕਰਯੋਗ ਹੈ ਕਿ ਆਸਟ੍ਰੇਲੀਆ ਅਤੇ ਦੱਖਣੀ ਅਫ਼ਰੀਕਾ ਵਿਚਾਲੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਮੁਕਾਬਲਾ ਖੇਡਿਆ ਜਾਵੇਗਾ |
Read More: IND vs AUS: ਆਸਟ੍ਰੇਲੀਆ ਨੇ ਪੰਜਵਾਂ ਟੈਸਟ 6 ਵਿਕਟਾਂ ਨਾਲ ਜਿੱਤਿਆ