ਚੰਡੀਗੜ੍ਹ 08 ਅਕਤੂਬਰ 2022: (PAK vs NZ) ਨਿਊਜ਼ੀਲੈਂਡ ਵਿਚ ਖੇਡੀ ਜਾ ਰਹੀ ਪਾਕਿਸਤਾਨ (Pakistan’s), ਬੰਗਲਾਦੇਸ਼ ਅਤੇ ਨਿਊਜ਼ੀਲੈਂਡ  ਵਿਚਾਲੇ ਤਿਕੋਣੀ ਸੀਰੀਜ਼ ਵਿਚ ਜਿੱਤ ਦਾ ਸਿਲਸਿਲਾ ਜਾਰੀ ਹੈ | ਅੱਜ ਕਪਤਾਨ ਬਾਬਰ ਆਜ਼ਮ ਦੀਆਂ ਅਜੇਤੂ 79 ਦੌੜਾਂ ਦੀ ਮਦਦ ਨਾਲ ਪਾਕਿਸਤਾਨ ਨੇ ਸ਼ੁਰੂਆਤੀ ਝਟਕਿਆਂ ਤੋਂ ਉਭਰਦੇ ਹੋਏ ਸ਼ਨੀਵਾਰ ਨੂੰ ਨਿਊਜ਼ੀਲੈਂਡ ਨੂੰ ਛੇ ਵਿਕਟਾਂ ਨਾਲ ਹਰਾ ਦਿੱਤਾ |

ਬਾਬਰ ਆਜ਼ਮ ਨੇ ਆਪਣੀ ਪਾਰੀ ‘ਚ 53 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 11 ਚੌਕੇ ਲਗਾਏ, ਜਿਸ ਨਾਲ ਪਾਕਿਸਤਾਨ ਨੇ 18.2 ਓਵਰਾਂ ‘ਚ ਚਾਰ ਵਿਕਟਾਂ ‘ਤੇ 149 ਦੌੜਾਂ ਬਣਾ ਕੇ ਮੁਕਾਬਲੇ ‘ਚ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ। ਪਾਕਿਸਤਾਨ ਨੇ ਪਹਿਲੇ ਮੈਚ ਵਿੱਚ ਬੰਗਲਾਦੇਸ਼ ਨੂੰ 21 ਦੌੜਾਂ ਨਾਲ ਹਰਾਇਆ ਸੀ

ਨਿਊਜ਼ੀਲੈਂਡ (New Zealand) ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਉਸ ਦਾ ਕੋਈ ਵੀ ਬੱਲੇਬਾਜ਼ ਚੰਗੀ ਸ਼ੁਰੂਆਤ ਨੂੰ ਵੱਡੇ ਸਕੋਰ ਵਿੱਚ ਨਹੀਂ ਬਦਲ ਸਕਿਆ। ਨਿਊਜ਼ੀਲੈਂਡ ਨੇ ਅੱਠ ਵਿਕਟਾਂ ‘ਤੇ 147 ਦੌੜਾਂ ਬਣਾਈਆਂ। ਉਸ ਦੀ ਤਰਫੋਂ ਡੇਵੋਨ ਕੋਨਵੇ (35 ਗੇਂਦਾਂ ਵਿੱਚ 36), ਕਪਤਾਨ ਕੇਨ ਵਿਲੀਅਮਸਨ (30 ਗੇਂਦਾਂ ਵਿੱਚ 31) ਅਤੇ ਮਾਰਕ (16 ਗੇਂਦਾਂ ਵਿੱਚ 32 ਦੌੜਾਂ) ਹੀ ਯੋਗਦਾਨ ਪਾ ਸਕੇ।