ਚੰਡੀਗੜ੍ਹ 26 ਸਤੰਬਰ 2022: ਅਸਾਮ (Assam) ਦੇ ਗੁਹਾਟੀ ਦੇ ਪ੍ਰਸਿੱਧ ਗੋਪੀਨਾਥ ਬਰਦਲੈ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਸੋਮਵਾਰ ਨੂੰ ਤੇਜੂ (ਅਰੁਣਾਚਲ ਪ੍ਰਦੇਸ਼) ਅਤੇ ਇੰਫਾਲ ਲਈ ਨਵੀਆਂ ਉਡਾਣਾਂ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਫਲਾਈਬਿਗ ਏਅਰਲਾਈਨ ਹਫ਼ਤੇ ਵਿੱਚ ਛੇ ਦਿਨ ਗੁਹਾਟੀ ਤੋਂ ਦੋਵਾਂ ਖੇਤਰਾਂ ਲਈ ਉਡਾਣਾਂ ਸੇਵਾ ਦੇਵੇਗੀ । ਇਹ ਏਅਰ ਕਨੈਕਟੀਵਿਟੀ ਸੇਵਾ ਰਾਜ ਸਰਕਾਰ ਦੁਆਰਾ ਸਪਾਂਸਰ ਕੀਤੀ ਉਡਾਨ ਯੋਜਨਾ ਦੇ ਤਹਿਤ ਖੇਤਰ ਵਿੱਚ ਸ਼ੁਰੂ ਕੀਤੀ ਗਈ ਹੈ।
ਗੁਹਾਟੀ ਤੋਂ ਤੇਜੂ ਅਤੇ ਇੰਫਾਲ ਲਈ ਨਵੀਂ ਉਡਾਣ ਦਾ ਦੋਵਾਂ ਖੇਤਰਾਂ ਦੇ ਲੋਕਾਂ ਨੇ ਸਵਾਗਤ ਕੀਤਾ ਹੈ। ਇਸ ਨਾਲ ਲੋਕਾਂ ਦਾ ਕਾਫੀ ਸਮਾਂ ਬਚੇਗਾ। ਫਲਾਈਬਿਗ ਇੱਕ ਸਿੰਗਲ ਕਲਾਸ ਸੰਰਚਨਾ ਦੇ ਨਾਲ ਏ.ਟੀ.ਆਰ ਏਅਰਕ੍ਰਾਫਟ ਨੂੰ ਤਾਇਨਾਤ ਕਰ ਰਿਹਾ ਹੈ, ਜੋ ਕਿ ਇਕਾਨਮੀ ਕਲਾਸ ਵਿੱਚ 70 ਸੀਟਾਂ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਹਵਾਈ ਸੇਵਾ ਸੋਮਵਾਰ ਨੂੰ ਛੱਡ ਕੇ ਹਫ਼ਤੇ ਦੇ ਸਾਰੇ ਛੇ ਦਿਨ ਜਾਰੀ ਰਹੇਗੀ ।
ਇਹ ਫਲਾਈਟ ਗੁਹਾਟੀ ਤੋਂ ਤੇਜੂ ਲਈ ਸਵੇਰੇ 8.15 ਵਜੇ ਰਵਾਨਾ ਹੋਵੇਗੀ ਅਤੇ ਸਵੇਰੇ 10.00 ਵਜੇ ਤੇਜ਼ੂ ਤੋਂ ਇੰਫਾਲ ਲਈ ਰਵਾਨਾ ਕਰੇਗੀ ਅਤੇ ਸਵੇਰੇ 11.15 ਵਜੇ ਇੰਫਾਲ ਪਹੁੰਚੇਗੀ। ਦੂਜੇ ਪਾਸੇ ਇਹ ਇੰਫਾਲ ਤੋਂ 12.00 ਵਜੇ ਤੇਜੂ ਲਈ ਰਵਾਨਾ ਹੋਵੇਗੀ।