ਮੋਹਾਲੀ, 04 ਨਵੰਬਰ 2024: ਮੋਹਾਲੀ (Mohali) ਦੇ ਸੈਕਟਰ-77 ਸਥਿਤ ਲਾਈਟ ਪੁਆਇੰਟ ‘ਤੇ ਬੀਤੇ ਦਿਨ ਇਕ ਵਿਅਕਤੀ ਕੋਲੋਂ ਗੱਡੀ ਅੱਗੇ ਲਗਾ ਕੇ ਥਾਰ ਗੱਡੀ ਖੋਹ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਸੀ | ਮੋਹਾਲੀ ਦੀ ਥਾਣਾ ਸੁਹਾਣਾ ਪੁਲਿਸ ਅਤੇ ਸੀਆਈਏ ਸਟਾਫ ਵੱਲੋਂ ਇਸ ਮਾਮਲੇ ਨੂੰ 24 ਘੰਟੇ ਅੰਦਰ ਸੁਲਝਾ ਲਿਆ ਹੈ | ਪੁਲਿਸ ਨੇ ਇਕ ਕੁੜੀ ਸਮੇਤ ਛੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ |
ਪੁਲਿਸ ਨੇ ਦੱਸਿਆ ਕਿ ਇਨ੍ਹਾਂ ਛੇ ਮੁਲਜ਼ਮਾਂ ਨੇ ਇਸ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਸੀ | ਪੁਲਿਸ ਨੇ ਇਨ੍ਹਾਂ ਮੁਲਜ਼ਮਾਂ ਵੱਲੋਂ ਖੋਹੀ ਥਾਰ ਗੱਡੀ ਵੀ ਬਰਾਮਦ ਕਰ ਲਈ ਹੈ | ਇਸਦੇ ਨਾਲ ਹੀ ਇੱਕ ਹੋਰ ਕੇਸ ‘ਚ ਜਿਸ ‘ਚ ਇੱਕ ਆਈ-20 ਕਾਰ ਜੀਰਕਪੁਰ ਇਲਾਕੇ ‘ਚੋਂ ਖੋਹੀ ਗਈ ਸੀ। ਜਿਸ ‘ਚ ਇੱਕ ਵੱਖਰੇ ਗਿਰੋਹ ਦੇ ਇੱਕ ਲੜਕੀ ਸਮੇਤ ਤਿੰਨ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ | ਪੁਲਿਸ ਮੁਤਾਬਕ ਇਨ੍ਹਾਂ ‘ਚੋਂ ਚੌਥੇ ਮੁਲਜ਼ਮ ਦੀ ਭਾਲ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ |