ਚੰਡੀਗੜ੍ਹ, 16 ਜੁਲਾਈ 2024: ਭਾਰਤ ਦੇ ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ (S Jaishankar) ਮੰਗਲਵਾਰ ਨੂੰ ਦੋ ਦਿਨਾਂ ਦੇ ਦੌਰੇ ‘ਤੇ ਮਾਰੀਸ਼ਸ (Mauritius) ਪਹੁੰਚੇ ਹਨ | ਇਸ ਮੌਕੇ ਐੱਸ ਜੈਸ਼ੰਕਰ ਨੇ ਕਿਹਾ ਕਿ ਭਾਰਤ ਤਰੱਕੀ ਅਤੇ ਖੁਸ਼ਹਾਲੀ ਲਈ ਮਾਰੀਸ਼ਸ ਦਾ ਲਗਾਤਾਰ ਸਮਰਥਨ ਕਰੇਗਾ ਅਤੇ ਉਸਦਾ ਕਦੇ ਸਾਥ ਨਹੀਂ ਛੱਡੇਗਾ। ਇਸ ਉਨ੍ਹਾਂ ਨੇ ਭਾਰਤ ਅਤੇ ਮਾਰੀਸ਼ਸ ਦਰਮਿਆਨ ਦੁਵੱਲੇ ਸਬੰਧਾਂ ਨੂੰ ਹੋਰ ਮਜ਼ਬੂਤ ਕਰਨ ‘ਤੇ ਜ਼ੋਰ ਦਿੱਤਾ |
ਭਾਰਤ ਦੇ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ (S Jaishankar) ਨੇ ਮਾਰੀਸ਼ਸ ਦੇ ਪ੍ਰਧਾਨ ਮੰਤਰੀ ਪ੍ਰਵਿੰਦ ਜੁਗਨਾਥ ਨਾਲ ਇੱਥੇ ਇੱਕ ਸਮਾਗਮ ‘ਚ 12 ਵਿਕਾਸ ਪ੍ਰੋਜੈਕਟਾਂ, ਸਿੱਖਿਆ, ਸੱਭਿਆਚਾਰ ਅਤੇ ਆਰਕਾਈਵਜ਼ ਦੇ ਡਿਜੀਟਾਈਜ਼ੇਸ਼ਨ ਦੇ ਉਦਘਾਟਨ ਦੇ ਨਾਲ-ਨਾਲ ਵੱਖ-ਵੱਖ ਸਮਝੌਤਿਆਂ ‘ਤੇ ਦਸਤਖਤ ਕੀਤੇ ਹਨ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਭਾਰਤੀ ਮੂਲ ਦੇ ਨਾਗਰਿਕਾਂ ਨੂੰ OCI ਕਾਰਡ ਵੀ ਸੌਂਪੇ। ਇਸ ਦੌਰਾਨ
ਇਸ ਦੌਰਾਨ ਮਾਰੀਸ਼ਸ ਦੇ ਵਿਦੇਸ਼ ਮੰਤਰੀ ਮਨੀਸ਼ ਗੋਬਿਨ ਨੇ ਪੋਸਟ ਕੀਤਾ ਕਿ ਉਹ ਮੌਰੀਸ਼ਸ ਦਾ ਲਗਾਤਾਰ ਸਮਰਥਨ ਕਰਨ ਅਤੇ ਚਾਗੋਸ ਟਾਪੂ ਬਾਰੇ ਉਪਨਿਵੇਸ਼ੀਕਰਨ, ਪ੍ਰਭੂਸੱਤਾ, ਖੇਤਰੀ ਅਖੰਡਤਾ ਬਾਰੇ ਪਹਿਲਕਦਮੀ ਕਰਨ ਲਈ ਭਾਰਤ ਅਤੇ ਡਾ: ਐਸ ਜੈਸ਼ੰਕਰ ਦਾ ਧੰਨਵਾਦ ਕਰਦਾ ਹੈ।