ਚੰਡੀਗੜ੍ਹ 09 ਜੁਲਾਈ 2022: ਭਾਰਤੀ ਸ਼ਟਲਰ ਐਚਐਸ ਪ੍ਰਣਯ (HS Prannoy) ਸ਼ਨੀਵਾਰ ਨੂੰ ਮਲੇਸ਼ੀਆ ਮਾਸਟਰਸ ਸੁਪਰ 500 ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਹਾਰ ਮਿਲੀ । ਪ੍ਰਣਯ ਨੂੰ ਹਾਂਗਕਾਂਗ ਦੇ ਐਨਜੀ ਦੇ ਲੋਂਗ ਐਂਗਸ ਨੇ 21-17, 9-21, 17-21 ਨਾਲ ਹਰਾ ਦਿੱਤਾ । ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਪ੍ਰਣਯ ਨੇ ਕੁਆਰਟਰ ‘ਚ ਜਾਪਾਨ ਦੇ ਕਾਂਤਾ ਸੁਨੇਯਾਮਾ ਨੂੰ ਹਰਾਇਆ ਸੀ। ਇਸ ਦੇ ਨਾਲ ਹੀ ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਨੂੰ ਤਾਈ ਜ਼ੂ ਯਿੰਗ ਦੇ ਖਿਲਾਫ ਫਿਰ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸਦੇ ਨਾਲ ਹੀ ਪੀ ਕਸ਼ਯਪ ਅਤੇ ਬੀ ਸਾਈ ਪ੍ਰਣੀਤ ਵੀਰਵਾਰ ਨੂੰ ਬੀਡਬਲਿਊਐਫ ਸੁਪਰ 500 ਬੈਡਮਿੰਟਨ ਟੂਰਨਾਮੈਂਟ ਦੇ ਦੂਜੇ ਦੌਰ ਦੇ ਮੈਚ ਹਾਰ ਕੇ ਬਾਹਰ ਹੋ ਗਏ। ਕਸ਼ਯਪ ਨੂੰ ਇੰਡੋਨੇਸ਼ੀਆ ਦੇ ਛੇਵਾਂ ਦਰਜਾ ਪ੍ਰਾਪਤ ਐਂਥਨੀ ਗਿਨਟਿੰਗ ਤੋਂ 10-21, 15-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੇ ਨਾਲ ਹੀ ਵਿਸ਼ਵ ਕਾਂਸੀ ਤਮਗਾ ਜੇਤੂ ਬੀ ਸਾਈ ਪ੍ਰਣੀਤ ਚੀਨ ਦੇ ਸ਼ਟਲਰ ਲੀ ਸ਼ੀ ਫੇਂਗ ਤੋਂ 14-21, 17-21 ਨਾਲ ਹਾਰ ਗਏ।