ਚੰਡੀਗੜ੍ਹ, 2 ਅਪ੍ਰੈਲ 2022 : ਪਿਛਲੇ ਕੁਝ ਦਿਨਾਂ ਤੋਂ ਇਕ ਨਿੱਜੀ ਚੈਨਲ ਦੀ ਵੀਡੀਓ ਕਾਫੀ ਟ੍ਰੋਲ ਹੋ ਰਹੀ ਹੈ ਜਿਸ ਚੈਨਲ ਦੇ ਐਂਕਰ ਵੱਲੋਂ ਸ੍ਰੀ ਦਰਬਾਰ ਸਾਹਿਬ ਵਿੱਚ ਸੰਗਤ ਵੱਲੋਂ ਚੜ੍ਹਾਏ ਜਾਣ ਵਾਲੇ ਚੰਦੋਆ ਸਾਹਿਬ ਉੱਤੇ ਟਿੱਪਣੀ ਕੀਤੀ ਗਈ ਹੈ ਕਿ ਜੋ ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਵਿੱਚ ਚੰਦੋਆ ਸਾਹਿਬ ਚੜ੍ਹਾਏ ਜਾਂਦੇ ਹਨ ਉਹ ਦਰਬਾਰ ਸਾਹਿਬ ਪ੍ਰਬੰਧਕਾਂ ਵੱਲੋ ਦੁਬਾਰਾ ਦੁਕਾਨਾਂ ਤੇ ਭੇਜ ਕੇ ਦੁਬਾਰਾ ਵੇਚੇ ਜਾਂਦੇ ਹਨ ਜਿਸ ਦੀ ਕੀਮਤ ਦੋ ਤੋਂ ਤਿੰਨ ਲੱਖ ਦੇ ਵਿੱਚ ਹੁੰਦੀ ਹੈ | ਜਿਸ ਤੋਂ ਬਾਅਦ ਉਸ ਨਿੱਜੀ ਚੈਨਲ ‘ਤੇ ਸਿੱਖ ਸੰਗਤਾਂ ਨੂੰ ਠੇਸ ਪੁਹੰਚਾਉਣ ਤਹਿਤ ਪੁਲਿਸ ਕਮਿਸ਼ਨਰ ਨੂੰ ਦਰਖ਼ਾਸਤ ਦਿੱਤੀ ਗਈ ਹੈ |
