ਚੰਡੀਗੜ੍ਹ, 30 ਜਨਵਰੀ 2025: Mahakumbh Mela 2025: ਮੌਨੀ ਮੱਸਿਆ ਅੰਮ੍ਰਿਤ ਇਸ਼ਨਾਨ ਮੌਕੇ ਰਾਤ 1 ਵਜੇ ਦੇ ਕਰੀਬ ਹੋਈ ਭਗਦੜ ਤੋਂ ਬਾਅਦ ਪ੍ਰਸ਼ਾਸਨ ਨੇ ਮਹਾਂਕੁੰਭ ਮੇਲੇ ‘ਚ ਆਵਾਜਾਈ ਵਿਵਸਥਾ ਸਬੰਧੀ ਨਵਾਂ ਹੁਕਮ ਜਾਰੀ ਕੀਤਾ ਹੈ। ਪੂਰੇ ਮੇਲਾ ਖੇਤਰ ਨੂੰ ਨੋ ਵਹੀਕਲ ਜ਼ੋਨ ਐਲਾਨ ਦਿੱਤਾ ਗਿਆ ਹੈ। ਦੋਪਹੀਆ ਵਾਹਨਾਂ ਨੂੰ ਵੀ ਮੇਲੇ ‘ਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੈ।
ਜ਼ਿਲ੍ਹੇ ਦੀਆਂ ਸਰਹੱਦਾਂ ‘ਤੇ ਰੋਕੇ ਵਾਹਨਾਂ ਨੂੰ ਛੱਡ ਦਿੱਤਾ ਗਿਆ ਹੈ। ਇਸ ਤੋਂ ਬਾਅਦ ਮਹਾਂਕੁੰਭ ਮੇਲੇ ਖੇਤਰ ਦੀ ਸਰਹੱਦ ‘ਤੇ ਟ੍ਰੈਫਿਕ ਜਾਮ ਦੀ ਸਥਿਤੀ ਪੈਦਾ ਹੋ ਗਈ ਹੈ। ਅੰਦਾਵਾ ਰਿੰਗ ਰੋਡ ਬਾਈਪਾਸ, ਨਵਾਬਗੰਜ, ਸੋਰਾਵ ਅਤੇ ਚਿੱਤਰਕੂਟ ਰੋਡ ‘ਤੇ ਗੌਹਨੀਆ ਨੇੜੇ ਵਾਹਨਾਂ ਨੂੰ ਰੋਕਿਆ ਜਾ ਰਿਹਾ ਹੈ। ਵੀਰਵਾਰ ਨੂੰ ਮੇਲੇ ‘ਚ ਹੋਰ ਦਿਨਾਂ ਨਾਲੋਂ ਘੱਟ ਭੀੜ ਸੀ।
ਅੰਮ੍ਰਿਤ ਇਸ਼ਨਾਨ ਉਤਸਵ ਦੌਰਾਨ ਹੋਈ ਭਗਦੜ ਤੋਂ ਬਾਅਦ ਮੇਲਾ ਪ੍ਰਸ਼ਾਸਨ ਅਤੇ ਕੁੰਭ ਪੁਲਿਸ ਨੇ ਵਿਆਪਕ ਤਿਆਰੀਆਂ ਕੀਤੀਆਂ ਹਨ। ਸੰਗਮ (Mahakumbh) ਦੇ ਕੰਢਿਆਂ ‘ਤੇ ਬੈਰੀਕੇਡਿੰਗ ਦਾ ਕੰਮ ਤੇਜ਼ੀ ਨਾਲ ਪੂਰਾ ਕੀਤਾ ਜਾ ਰਿਹਾ ਹੈ ਤਾਂ ਜੋ ਭੀੜ ਨੂੰ ਕਾਬੂ ‘ਚ ਰੱਖਿਆ ਜਾ ਸਕੇ। ਸ਼ਰਧਾਲੂਆਂ ਦੀ ਆਵਾਜਾਈ ਲਈ ਹਰ ਸੈਕਟਰ ਅਤੇ ਜ਼ੋਨ ‘ਚ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ। ਇਸ ਸਮੇਂ ਦੌਰਾਨ ਕਿਸੇ ਵੀ ਤਰ੍ਹਾਂ ਦਾ ਕੋਈ ਪ੍ਰੋਟੋਕੋਲ ਲਾਗੂ ਨਹੀਂ ਕੀਤਾ ਜਾਵੇਗਾ।
ਏਕੀਕ੍ਰਿਤ ਕੰਟਰੋਲ ਅਤੇ ਕਮਾਂਡ ਸੈਂਟਰ (ITRC) ਇਹ ਯਕੀਨੀ ਬਣਾਉਣ ਲਈ ਨਿਗਰਾਨੀ ਕਰੇਗਾ ਕਿ ਸੰਗਮ ਨੋਜ਼ ‘ਤੇ ਬਹੁਤ ਜ਼ਿਆਦਾ ਭੀੜ ਇਕੱਠੀ ਨਾ ਹੋਵੇ। ਭੀੜ-ਭਾੜ ਵਾਲੇ ਇਲਾਕਿਆਂ ‘ਚ ਤੁਰੰਤ ਕਾਰਵਾਈ ਲਈ ਵਿਸ਼ੇਸ਼ ਟੀਮਾਂ ਤਾਇਨਾਤ ਕੀਤੀਆਂ ਹਨ। ਪ੍ਰਮੁੱਖ ਰੂਟਾਂ ‘ਤੇ ਵਿਸ਼ੇਸ਼ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਬੇਕਾਬੂ ਅਤੇ ਸ਼ੱਕੀ ਲੋਕਾਂ ‘ਤੇ ਵੀ ਨਿਗਰਾਨੀ ਰੱਖੀ ਜਾ ਰਹੀ ਹੈ।
Read More: Maha Kumbh Stampede: ਯੋਗੀ ਸਰਕਾਰ ਨੇ ਸ਼ਰਧਾਲੂਆਂ ਦੀ ਸੁਰੱਖਿਆ ਨੂੰ ਲੈ ਕੇ ਲਏ ਵੱਡੇ ਫੈਸਲੇ, ਜਾਣੋ