ਚੰਡੀਗੜ੍ਹ 16 ਅਗਸਤ 2022: ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ‘ਚ ਸੜਕ ਹਾਦਸੇ ‘ਚ ITBP ਦੀ ਬੱਸ ਡੂੰਘੀ ਖੱਡ ‘ਚ ਜਾ ਡਿੱਗੀ, ਇਸ ਹਾਦਸੇ ‘ਚ 6 ਜਵਾਨ ਸ਼ਹੀਦ ਹੋ ਗਏ ਹਨ, ਜਦਕਿ 30 ਹਿਮਵੀਰ ਗੰਭੀਰ ਰੂਪ ‘ਚ ਜ਼ਖਮੀ ਹੋ ਗਏ ਹਨ। ਬੱਸ ਵਿੱਚ ਜੰਮੂ-ਕਸ਼ਮੀਰ ਪੁਲਿਸ ਦੇ ਦੋ ਜਵਾਨ ਵੀ ਬੈਠੇ ਸਨ।

ਸ਼ੁਰੂਆਤੀ ਜਾਂਚ ‘ਚ ਹਾਦਸੇ ਦਾ ਕਾਰਨ ਬੱਸ ਦੀ ਬਰੇਕ ਫੇਲ ਹੋਣਾ ਦੱਸਿਆ ਜਾ ਰਿਹਾ ਹੈ। ਹਾਲਾਂਕਿ, ਜੰਮੂ-ਕਸ਼ਮੀਰ ਪੁਲਿਸ ਘਟਨਾ ਦੀ ਬਾਰੀਕੀ ਨਾਲ ਜਾਂਚ ਕਰ ਰਹੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਕੀ ਬੱਸ ਨਾਲ ਕੋਈ ਸਾਜ਼ਿਸ਼ ਹੈ। ਇਸ ਘਟਨਾ ਦੀ ਦੋਹਰੀ ਜਾਂਚ ਹੋਵੇਗੀ। ਆਈਟੀਬੀਪੀ ਵੀ ਆਪਣੇ ਪੱਧਰ ‘ਤੇ ਬੱਸ ਹਾਦਸੇ ਦੀ ਜਾਂਚ ਕਰੇਗੀ।

ਦੱਸਿਆ ਜਾ ਰਿਹਾ ਹੈ ਕਿ ITBP ਦੇ ਇਹ ਜਵਾਨ ਅਮਰਨਾਥ ਯਾਤਰਾ ਦੀ ਸੁਰੱਖਿਆ ਲਈ ਉੱਤਰ-ਪੂਰਬ ਤੋਂ ਜੰਮੂ-ਕਸ਼ਮੀਰ ਵਾਪਸ ਪਰਤ ਰਹੇ ਸਨ। ਇਨ੍ਹਾਂ ਸਿਪਾਹੀਆਂ ਨੂੰ ਰੇਲਗੱਡੀ ਰਾਹੀਂ ਆਪਣੀ ਪੁਰਾਣੀ ਡਿਊਟੀ ਵਾਲੀ ਥਾਂ ਯਾਨੀ ਉੱਤਰ-ਪੂਰਬ ਵੱਲ ਪਰਤਣਾ ਸੀ।