ਚੰਡੀਗੜ੍ਹ 26 ਦਸੰਬਰ 2021: ਇਸਲਾਮਿਕ ਸਟੇਟ ਅੱਤਵਾਦੀ ਸਮੂਹ ਖੁਰਾਸਾਨ ਸ਼ਾਖਾ (ਆਈਐਸ-ਕੇ) ਨੇ ਕਾਬੁਲ ਵਿੱਚ ਪਾਸਪੋਰਟ ਦਫਤਰ (passport office in Kabul) ‘ਤੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ, ਜਿਸ ਨੂੰ ਤਾਲਿਬਾਨ (Taliban) ਬਲਾਂ ਦੁਆਰਾ ਨਾਕਾਮ ਕਰ ਦਿੱਤਾ ਗਿਆ ਸੀ।ਸੂਤਰਾਂ ਤੋਂ ਖ਼ਬਰ ਹੈ ਕਿ ਅੱਤਵਾਦੀ ਸਮੂਹ ਨੇ ਸ਼ਨੀਵਾਰ ਨੂੰ ਇਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਸ ਨੇ 23 ਦਸੰਬਰ ਦਾ ਹਮਲਾ ਕੀਤਾ ਸੀ।
ਕਾਬੁਲ ਦੇ ਸੁਰੱਖਿਆ ਅਧਿਕਾਰੀਆਂ ਮੁਤਾਬਕ 23 ਦਸੰਬਰ ਨੂੰ ਇੱਕ ਆਤਮਘਾਤੀ ਹਮਲਾਵਰ ਨੇ ਪਾਸਪੋਰਟ ਦਫ਼ਤਰ (passport office in Kabul) ਵਿੱਚ ਦਾਖ਼ਲ ਹੋਣ ਦੀ ਕੋਸ਼ਿਸ਼ ਕੀਤੀ, ਜਿੱਥੇ ਸੈਂਕੜੇ ਤਾਲਿਬਾਨੀ (Taliban) ਸਹਿਯੋਗੀ ਇਕੱਠੇ ਹੋਏ ਸਨ | ਹਾਲਾਂਕਿ, ਇਸ ਤੋਂ ਪਹਿਲਾਂ ਕਿ ਹਮਲਾਵਰ ਆਪਣੇ ਆਪ ਨੂੰ ਧਮਾਕਾ ਕਰ ਸਕਦਾ, ਉਸ ਦੀ ਪਛਾਣ ਕਰ ਲਈ ਗਈ ਅਤੇ ਗੋਲੀ ਮਾਰ ਦਿੱਤੀ ਗਈ। ਤਾਲਿਬਾਨ ਦੇ ਅਧਿਕਾਰੀਆਂ ਨੇ ਸੁਰੱਖਿਆ ਖਤਰਿਆਂ ਦਾ ਹਵਾਲਾ ਦਿੰਦੇ ਹੋਏ ਘਟਨਾ ਤੋਂ ਬਾਅਦ ਤਿੰਨ ਦਿਨਾਂ ਲਈ ਦਫਤਰ ਨੂੰ ਬੰਦ ਕਰ ਦਿੱਤਾ।