ਚੰਡੀਗੜ੍ਹ 16 ਜੂਨ 2022: (Indonesia Open 2022) ਭਾਰਤ ਦੇ ਸਟਾਰ ਸ਼ਟਲਰ ਐਚਐਸ ਪ੍ਰਣਯ (H. S. Prannoy) ਇੰਡੋਨੇਸ਼ੀਆ ਓਪਨ ਦੇ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਏ ਹਨ। ਇਸ ਅਨੁਭਵੀ ਨੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਹਾਂਗਕਾਂਗ ਦੇ ਐਂਗ ਕਾ ਲੋਂਗ ਐਂਗੁਸ ਨੂੰ 21-11, 21-18 ਨਾਲ ਹਰਾਇਆ। ਐਂਗੁਸ ਦੀ ਵਿਸ਼ਵ ਰੈਂਕਿੰਗ 12ਵੀਂ ਹੈ, ਜਦਕਿ ਪ੍ਰਣਯ 23ਵੇਂ ਸਥਾਨ ‘ਤੇ ਹੈ।

ਹਾਲਾਂਕਿ ਇਸ ਮੈਚ ‘ਚ ਪ੍ਰਣਯ ਨੇ ਜ਼ਬਰਦਸਤ ਖੇਡ ਦਿਖਾਈ। ਪ੍ਰਣਯ ਨੇ ਪਹਿਲੀ ਗੇਮ 21-11 ਨਾਲ ਇਕਤਰਫਾ ਜਿੱਤ ਕੇ ਦਬਦਬਾ ਬਣਾਇਆ। ਇਸ ਤੋਂ ਬਾਅਦ ਦੂਜੀ ਗੇਮ ‘ਚ ਐਂਗੁਸ ਨੇ ਵਾਪਸੀ ਕਰਦੇ ਹੋਏ ਪ੍ਰਣਯ ਨਾਲ ਮੁਕਾਬਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਭਾਰਤੀ ਖਿਡਾਰੀ ਤੋਂ ਅੱਗੇ ਨਹੀਂ ਨਿਕਲ ਸਕੇ। ਪ੍ਰਣਯ ਨੇ ਦੂਜੀ ਗੇਮ 21-18 ਨਾਲ ਜਿੱਤੀ।