ਚੰਡੀਗੜ੍ਹ, 13 ਜੁਲਾਈ 2023: ਭਾਰਤੀ ਟੈਨਿਸ ਸਟਾਰ ਰੋਹਨ ਬੋਪੰਨਾ (Rohan Bopanna) ਨੂੰ ਸਾਲ ਦੇ ਤੀਜੇ ਗ੍ਰੈਂਡ ਸਲੈਮ ਵਿੰਬਲਡਨ ਦੇ ਸੈਮੀਫਾਈਨਲ ਵਿੱਚ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਭਾਰਤ-ਆਸਟ੍ਰੇਲੀਆ ਦੀ ਜੋੜੀ ਨੂੰ ਡੱਚ-ਬ੍ਰਿਟਿਸ਼ ਚੋਟੀ ਦਾ ਦਰਜਾ ਪ੍ਰਾਪਤ ਵੇਸਲੇ ਕੁਲਹੋਫ ਅਤੇ ਨੀਲ ਸਕੂਪਸਕੀ ਦੀ ਜੋੜੀ ਤੋਂ 7-5, 6-4 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਬੋਪੰਨਾ ਨੇ ਆਸਟ੍ਰੇਲੀਆਈ ਜੋੜੀਦਾਰ ਮੈਥਿਊ ਐਬਡੇਨ ਨਾਲ ਮਿਲ ਕੇ ਟੈਲਨ ਗ੍ਰਿਕਸਪੁਰ ਅਤੇ ਸਟੀਵਨਜ਼ ਨੂੰ 6-7 (6-3), 7-5, 6-2 ਨਾਲ ਹਰਾ ਕੇ ਸੈਮੀਫਾਈਨਲ ‘ਚ ਪ੍ਰਵੇਸ਼ ਕੀਤਾ। ਬੋਪੰਨਾ ਤੀਜੀ ਵਾਰ ਵਿੰਬਲਡਨ ਦਾ ਸੈਮੀਫਾਈਨਲ ਖੇਡ ਰਿਹਾ ਸੀ। ਉਸ ਨੇ ਆਖਰੀ ਵਾਰ 2015 ‘ਚ ਟਾਪ-4 ਤੱਕ ਦਾ ਸਫਰ ਤੈਅ ਕੀਤਾ ਸੀ। ਬੋਪੰਨਾ ਨੇ ਪੁਰਸ਼ ਡਬਲਜ਼ ਵਰਗ ਵਿੱਚ ਚਾਰ ਗ੍ਰੈਂਡ ਸਲੈਮ ਸੈਮੀਫਾਈਨਲ ਵਿੱਚ ਥਾਂ ਬਣਾਈ ਹੈ, ਜਿਸ ਵਿੱਚ 2010 ਯੂਐਸ ਓਪਨ (ਉਪਜੇਤੂ) ਵੀ ਸ਼ਾਮਲ ਹੈ।