ਚੰਡੀਗੜ੍ਹ 29 ਜੁਲਾਈ 2022: ਵਿਦੇਸ਼ ਮੰਤਰੀ ਡਾ. ਐਸ ਜੈਸ਼ੰਕਰ ਅੱਜ ਤਾਸ਼ਕੰਦ ਵਿੱਚ ਐਸਸੀਓ ਵਿਦੇਸ਼ ਮੰਤਰੀਆਂ ਦੀ ਮੀਟਿੰਗ ਵਿੱਚ ਸ਼ਾਮਲ ਹੋਏ। ਉਨ੍ਹਾਂ ਕਿਹਾ ਕਿ ਮੀਟਿੰਗ ਨੇ ਇਸ ਗੱਲ ਦਾ ਪ੍ਰਗਟਾਵਾ ਕੀਤਾ ਕਿ ਕੋਵਿਡ ਮਹਾਂਮਾਰੀ ਅਤੇ ਯੂਕਰੇਨ ਦੇ ਸੰਘਰਸ਼ ਕਾਰਨ ਵਿਸ਼ਵ ਊਰਜਾ ਅਤੇ ਭੋਜਨ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਵੱਲ ਤੁਰੰਤ ਧਿਆਨ ਦੇਣ ਦੀ ਲੋੜ ਹੈ।
ਮੀਟਿੰਗ ‘ਚ ਅਫਗਾਨਿਸਤਾਨ ‘ਤੇ ਭਾਰਤ ਦੀ ਸਥਿਤੀ ਨੂੰ ਦੁਹਰਾਇਆ ਅਤੇ ਸਾਡੀ ਮਾਨਵਤਾਵਾਦੀ ਸਹਾਇਤਾ – ਕਣਕ, ਦਵਾਈਆਂ, ਟੀਕੇ ਅਤੇ ਕੱਪੜੇ ਨੂੰ ਉਜਾਗਰ ਕੀਤਾ। ਐਸਸੀਓ ਦੇ ਆਰਥਿਕ ਭਵਿੱਖ ਲਈ ਚਾਬਹਾਰ ਬੰਦਰਗਾਹ ਦੀ ਸੰਭਾਵਨਾ ਨੂੰ ਰੇਖਾਂਕਿਤ ਕੀਤਾ। ਨਾਲ ਹੀ ਕਿਹਾ ਕਿ ਸਮਰਕੰਦ ਸੰਮੇਲਨ ਦੀ ਸਫਲਤਾ ਲਈ ਭਾਰਤ ਪੂਰਾ ਸਹਿਯੋਗ ਦੇਵੇਗਾ।
