ਚੰਡੀਗੜ੍ਹ, 6 ਜੁਲਾਈ 2024: (IND vs ZIM) ਭਾਰਤ ਅਤੇ ਜ਼ਿੰਬਾਬਵੇ ਵਿਚਾਲੇ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਹਰਾਰੇ ‘ਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ‘ਚ ਭਾਰਤ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਹੁਣ ਤੱਕ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਜ਼ਿੰਬਾਬਵੇ ਦੀ ਅੱਧੀ ਤੋਂ ਜ਼ਿਆਦਾ ਟੀਮ ਆਊਟ ਹੋ ਚੁੱਕੀ ਹੈ | ਇਸ ਵਾਰ ਭਾਰਤੀ ਟੀਮ ‘ਚ ਤਿੰਨ ਨਵੇਂ ਚਿਹਰਿਆ ਨੂੰ ਜਗ੍ਹਾ ਮਿਲੀ ਹੈ | ਜਿਨ੍ਹਾਂ ਵਿੱਚ ਅਭਿਸ਼ੇਕ ਸ਼ਰਮਾ, ਰਿਆਨ ਪਰਾਗ ਅਤੇ ਧਰੁਵ ਜੁਰੇਲ ਸ਼ਾਮਲ ਹਨ।
ਜਿੱਥੇ ਅਭਿਸ਼ੇਕ ਅਤੇ ਰਿਆਨ ਨੇ ਭਾਰਤ ਲਈ ਆਪਣੀ ਸ਼ੁਰੂਆਤ ਕੀਤੀ ਹੈ, ਜੁਰੇਲ ਟੀਮ ਲਈ ਪਹਿਲੀ ਵਾਰ ਟੀ-20 ਅੰਤਰਰਾਸ਼ਟਰੀ ਖੇਡ ਰਹੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਭਾਰਤੀ ਟੀਮ ਦੀ ਕੈਪ ਰਿਆਨ ਨੂੰ ਉਸਦੇ ਪਿਓ ਨੇ ਸੌਂਪੀ ਸੀ।