ਚੰਡੀਗੜ੍, 08 ਜੁਲਾਈ 2023: ਉੱਤਰ ਪ੍ਰਦੇਸ਼ ਦੇ ਰਾਏਬਰੇਲੀ (Raebareli) ‘ਚ ਤਿੰਨ ਪਰਿਵਾਰਾਂ ਲਈ ਬੁੱਧਵਾਰ ਕਾਲਾ ਦਿਨ ਸਾਬਤ ਹੋਇਆ। ਪਿੰਡ ਦੇ ਕਿਨਾਰੇ ਛੋਟੇ ਟੋਭੇ ਵਿੱਚ ਇਕੱਠੇ ਡੁੱਬਣ ਕਾਰਨ ਪੰਜ ਬੱਚਿਆਂ ਦੀ ਮੌਤ ਹੋ ਗਈ। ਬੱਚਿਆਂ ਦੀਆਂ ਚੀਕਾਂ ਸੁਣ ਕੇ ਪਿੰਡ ਵਾਸੀਆਂ ਨੇ ਤਿੰਨ ਬੱਚਿਆਂ ਨੂੰ ਤਾਂ ਬਚਾ ਲਿਆ ਪਰ ਪੰਜ ਬੱਚਿਆਂ ਦੀ ਮੌਤ ਹੋ ਗਈ। ਬੱਚਿਆਂ ਦੀ ਮੌਤ ਦੀ ਸੂਚਨਾ ਮਿਲਦਿਆਂ ਹੀ ਹਾਹਾਕਾਰ ਮੱਚ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਪਰਿਵਾਰ ਦੇ ਜੀਅ ਖੇਤ ਗਏ ਹੋਏ ਸਨ ਤਾਂ ਕੁਝ ਗ੍ਰਾਮ ਸਭਾ ਦੇ ਪਿੰਡ ਮਗਤਾ ਦੇ ਡੇਰੇ ਵਿੱਚ ਝੋਨੇ ਦੀ ਲਵਾਈ ਵਿੱਚ ਰੁੱਝੇ ਹੋਏ ਸਨ। ਬੱਚੇ ਘਰ ਵਿੱਚ ਇੱਕਲੇ ਸਨ, 8 ਬੱਚਿਆਂ ਨੇ ਨਹਾਉਣ ਲਈ ਪਿੰਡ ਦੇ ਕਿਨਾਰੇ ਟੋਭੇ ਵਿੱਚ ਛਾਲ ਮਾਰ ਦਿੱਤੀ। ਟੋਭੇ ਦੀ ਡੂੰਘਾਈ ਕਾਰਨ ਹਰ ਕੋਈ ਡੁੱਬਣ ਲੱਗਾ। ਬੱਚਿਆਂ ਦੇ ਰੋਣ ਦੀ ਆਵਾਜ਼ ਸੁਣ ਕੇ ਖੇਤਾਂ ‘ਚ ਕੰਮ ਕਰਦੇ ਲੋਕ ਭੱਜੇ ਪਰ ਉਦੋਂ ਤੱਕ ਪੰਜ ਬੱਚੇ ਡੁੱਬ ਚੁੱਕੇ ਸਨ। ਪਿੰਡ ਵਾਸੀਆਂ ਨੇ ਕਿਸੇ ਤਰ੍ਹਾਂ ਤਿੰਨਾਂ ਬੱਚਿਆਂ ਨੂੰ ਬਚਾਇਆ। 5 ਬੱਚਿਆਂ ਦੀ ਡੁੱਬਣ ਨਾਲ ਮੌਤ ਹੋਣ ਦੀ ਸੂਚਨਾ ਮਿਲਦਿਆਂ ਹੀ ਇਲਾਕੇ ‘ਚ ਸੋਗ ਦੀ ਲਹਿਰ ਦੌੜ ਗਈ।