ਚੰਡੀਗੜ੍ਹ 3 ਫਰਵਰੀ 2022: ਪੰਜਾਬ ਵਿਧਾਨ ਸਭਾ ਚੋਣਾਂ 2022 ਨੂੰ ਲੈ ਕੇ ਅੰਮ੍ਰਿਤਸਰ ਪੂਰਬੀ ਇਸ ਸਮੇਂ ਪੰਜਾਬ ਦੀ ਸਭ ਤੋਂ ਵੱਡੀ ਹਾਟ ਸੀਟ ਬਣੀ ਹੋਈ ਹੈ । ਅੰਮ੍ਰਿਤਸਰ ਪੂਰਬੀ ‘ਚ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਬਿਕਰਮ ਮਜੀਠੀਆ ਤੇ ਭਾਜਪਾ ਵੱਲੋਂ ਆਈਏਐਸ ਜਗਮੋਹਨ ਰਾਜੂ ਚੋਣ ਮੈਦਾਨ ‘ਚ ਹਨ। ਪੰਜਾਬ ਵਿਧਾਨ ਸਭਾ ਦੀ ਚੋਣ ਸਿੱਧੂ ਜੋੜੇ ਲਈ ਚੁਣੌਤੀ ਸਾਬਿਤ ਹੋਣ ਵਾਲੀ ਹੈ।ਇਸਦੇ ਚਲਦੇ ਨਵਜੋਤ ਕੌਰ ਸਿੱਧੂ (Navjot Kaur Sidhu) ਨੇ ਇੰਟਰਵਿਊ ਦੌਰਾਨ ਕਿਹਾ ਕਿ ਉਨ੍ਹਾਂ ਨੂੰ ਇਨ੍ਹਾਂ ਚੋਣਾਂ ‘ਚ ਸਫ਼ਲਤਾ ਨਹੀਂ ਮਿਲਦੀ ਤਾਂ ਉਹ ਮੁੜ ਆਪਣੇ ਕਿੱਤੇ ‘ਚ ਜਾ ਸਕਦੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਰਾਜਨੀਤੀ ‘ਚ ਆਉਣ ਨਾਲ ਉਨ੍ਹਾਂ ਨੂੰ ਨੁਕਸਾਨ ਉਠਾਉਣਾ ਪਿਆ ਹੈ।
ਇਸ ਦੌਰਾਨ ਨਵਜੋਤ ਕੌਰ ਸਿੱਧੂ (Navjot Kaur Sidhu) ਨੇ ਇੰਟਰਵਿਊ ‘ਚ ਕਿਹਾ ਕਿ ਉਨ੍ਹਾਂ ਨੇ ਪੂਰਬੀ ਅਮ੍ਰਿਤਸਰ ਦੇ ਵਿਕਾਸ ਲਈ ਹਰ ਸੰਭਵ ਕੋਸ਼ਿਸ਼ ਕੀਤੀ ਹੈ। ਹੁਣ ਇਸ ਸਰਕਲ ‘ਚ ਹਰ ਕੋਈ ਉਨ੍ਹਾਂ ਨੂੰ ਜਾਣਦਾ ਹੈ। ਉਹ ਪ੍ਰਕਾਸ਼ ਸਿੰਘ ਬਾਦਲ ਤੋਂ ਵੇਰਕਾ ਕਸਬੇ ਨੂੰ ਅੰਤਰਰਾਸ਼ਟਰੀ ਸਹੂਲਤਾਂ ਨਾਲ ਲੈਸ ਕਰਨ ਦੇ ਪ੍ਰੋਜੈਕਟ ਲੈ ਕੇ ਵਾਪਸ ਆਈ ਸੀ। ਉਨ੍ਹਾਂ ਇਸ ਦੌਰਾਨ ਅੰਮ੍ਰਿਤਸਰ ਪੂਰਬੀ ਵਿਖੇ ਕੀਤੇ ਕੰਮਾਂ ਬਾਰੇ ਵੀ ਦੱਸਿਆ। ਪਰ ਇਸ ਦੌਰਾਨ ਉਨ੍ਹਾਂ ਸਿਆਸਤ ‘ਚ ਆਉਣ ਨਾਲ ਹੋਏ ਨੁਕਸਾਨ ਦੀ ਗੱਲ ਵੀ ਕਹੀ।
ਇਸਦੇ ਚੱਲਦੇ ਨਵਜੋਤ ਕੌਰ ਨੇ ਕਿਹਾ ਕਿ ਸਿੱਧੂ ਮੁੰਬਈ ‘ਚ ਸ਼ੋਅ ਕਰ ਕੇ ਪ੍ਰਤੀ ਘੰਟੇ 25 ਲੱਖ ਰੁਪਏ ਕਮਾਉਂਦੇ ਸਨ। ਉਹ ਹਰ ਮਹੀਨੇ 5 ਤੋਂ 10 ਲੱਖ ਰੁਪਏ ਕਮਾ ਲੈਂਦੀ ਸੀ। ਪਰ ਸਿਆਸਤ ‘ਚ ਆ ਕੇ ਉਨ੍ਹਾਂ ਨੂੰ ਨੁਕਸਾਨ ਹੀ ਝੱਲਣਾ ਪਿਆ ਹੈ। ਉਨ੍ਹਾਂ ਦਾ ਇੱਥੇ ਕੋਈ ਕਾਰੋਬਾਰ ਨਹੀਂ ਹੈ। ਅਜੇ ਘਰ ਚਲਾਉਣਾ ਹੈ। ਪੇਸ਼ੇ ਨੂੰ ਚੁਣੋ ਅਤੇ ਦੁਨੀਆ ਦੀ ਯਾਤਰਾ ਕਰੋ | ਖ਼ਾਸ ਗੱਲ ਹੈ ਕਿ ਪੂਰਬੀ ਅਮ੍ਰਿਤਸਰ ਦੀ ਸੀਟ ਦੀ ਭਵਿੱਖਬਾਣੀ ਕਰਨਾ ਆਸਾਨ ਨਹੀਂ ਹੈ ਕਿਉਂਕਿ ਇਸ ਹਲਕੇ ਤੋਂ ਚੋਟੀ ਦੇ ਉਮੀਦਵਾਰ ਮੈਦਾਨ ‘ਚ ਹਨ ।
