ਚੰਡੀਗੜ੍ਹ 7 ਜਨਵਰੀ 2022: ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ICC) ਨੇ ਅੰਤਰਰਾਸ਼ਟਰੀ T20 ਦੇ ਖੇਡਣ ਦੇ ਹਾਲਾਤ ਬਦਲ ਦਿੱਤੇ ਹਨ। ਇਸ ਦੇ ਤਹਿਤ ਗੇਂਦਬਾਜ਼ੀ (bowling) ਟੀਮ ਨੂੰ ਕਿਸੇ ਵੀ ਹਾਲਤ ‘ਚ ਨਿਰਧਾਰਤ ਸਮੇਂ ਦੇ ਅੰਦਰ ਓਵਰਾਂ ਦਾ ਆਪਣਾ ਕੋਟਾ ਪੂਰਾ ਕਰਨਾ ਹੋਵੇਗਾ। ਜੇਕਰ ਟੀਮ ਓਵਰ ਰੇਟ (over rate) ‘ਚ ਨਿਰਧਾਰਤ ਸਮੇਂ ਤੋਂ ਪਛੜ ਜਾਂਦੀ ਹੈ ਤਾਂ ਬਾਕੀ ਦੇ ਓਵਰਾਂ (over rate) ‘ਚ ਉਸ ਦਾ ਇਕ ਵੀ ਫੀਲਡਰ 30 ਗਜ਼ ਦੇ ਘੇਰੇ ਤੋਂ ਬਾਹਰ ਨਹੀਂ ਖੜ੍ਹਾ ਹੋ ਸਕੇਗਾ। ਉਸ ਨੇ ਅੰਦਰ ਹੀ ਰਹਿਣਾ ਹੈ। ਅਜਿਹੇ ‘ਚ ਗੇਂਦਬਾਜ਼ੀ ਟੀਮ ਨੂੰ ਨੁਕਸਾਨ ਝੱਲਣਾ ਪੈ ਸਕਦਾ ਹੈ। ਵਰਤਮਾਨ ਵਿੱਚ, ਪਾਵਰਪਲੇ ਤੋਂ ਬਾਅਦ 30-ਯਾਰਡ ਸਰਕਲ ਤੋਂ ਬਾਹਰ 5 ਫੀਲਡਰ ਹਨ। ਪਰ ਨਵੇਂ ਨਿਯਮਾਂ ਤੋਂ ਬਾਅਦ ਸਿਰਫ 4 ਫੀਲਡਰ ਹੀ ਸਰਕਲ ਤੋਂ ਬਾਹਰ ਰਹਿ ਸਕਣਗੇ।
ਇਸ ਤੋਂ ਇਲਾਵਾ ਦੁਵੱਲੀ ਸੀਰੀਜ਼ ‘ਚ ਹਰ ਪਾਰੀ ‘ਚ ਢਾਈ ਮਿੰਟ ਦਾ ਵਿਕਲਪਿਕ ਡਰਿੰਕਿੰਗ ਬ੍ਰੇਕ ਲੈਣ ਦਾ ਨਿਯਮ ਵੀ ਲਾਗੂ ਕੀਤਾ ਗਿਆ ਹੈ। ਹਾਲਾਂਕਿ ਇਹ ਤਾਂ ਹੀ ਲਾਗੂ ਹੋਵੇਗਾ ਜੇਕਰ ਸੀਰੀਜ਼ ਸ਼ੁਰੂ ਹੋਣ ਤੋਂ ਪਹਿਲਾਂ ਦੋਵੇਂ ਟੀਮਾਂ ਇਸ ‘ਤੇ ਸਹਿਮਤ ਹੋ ਜਾਣ। ਟੀ-20 ਕ੍ਰਿਕਟ ‘ਚ ਬਦਲਾਅ ਨਾਲ ਜੁੜੇ ਇਹ ਨਿਯਮ ਵੈਸਟਇੰਡੀਜ਼ ਅਤੇ ਆਇਰਲੈਂਡ ਵਿਚਾਲੇ 16 ਜਨਵਰੀ ਨੂੰ ਹੋਣ ਵਾਲੇ ਇਕਲੌਤੇ ਮੈਚ ਤੋਂ ਲਾਗੂ ਹੋਣਗੇ। ਇਸ ਦੇ ਨਾਲ ਹੀ ਦੱਖਣੀ ਅਫਰੀਕਾ ਅਤੇ ਵੈਸਟਇੰਡੀਜ਼ ਵਿਚਾਲੇ ਸੈਂਚੁਰੀਅਨ ‘ਚ 18 ਜਨਵਰੀ ਤੋਂ ਸ਼ੁਰੂ ਹੋਣ ਵਾਲੀ ਟੀ-20 ਸੀਰੀਜ਼ ‘ਚ ਪਹਿਲੀ ਵਾਰ ਮਹਿਲਾ ਕ੍ਰਿਕਟ ‘ਚ ਨਵੇਂ ਨਿਯਮ ਲਾਗੂ ਹੋਣਗੇ।