ਚੰਡੀਗੜ੍ਹ, 04 ਅਕਤੂਬਰ 2024: ਪੱਛਮੀ ਏਸ਼ੀਆ (West Asia) ‘ਚ ਸੰਕਟ ‘ਤੇ ਭਾਰਤੀ ਵਿਦੇਸ਼ ਮੰਤਰਾਲੇ ਦਾ ਅਹਿਮ ਬਿਆਨ ਸਾਹਮਣੇ ਆਇਆ ਹੈ | ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਪੱਛਮੀ ਏਸ਼ੀਆ ‘ਚ ਸੰਕਟ ‘ਤੇ ਡੂੰਘੀ ਚਿੰਤਾ ਜ਼ਾਹਰ ਕੀਤੀ ਹੈ | ਪ੍ਰੈਸ ਵਾਰਤਾ ਦੌਰਾਨ ਭਾਰਤੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਕਿਹਾ, ‘ਅਸੀਂ ਕਿਹਾ ਕਿ ਹਿੰਸਾ ਅਤੇ ਸਥਿਤੀ ਸਾਡੇ ਲਈ ਡੂੰਘੀ ਚਿੰਤਾ ਦਾ ਵਿਸ਼ਾ ਹੈ। ਅਸੀਂ ਸਾਰੀਆਂ ਸਬੰਧਤ ਧਿਰਾਂ ਨੂੰ ਸੰਜਮ ਵਰਤਣ ਅਤੇ ਨਾਗਰਿਕਾਂ ਦੀ ਸੁਰੱਖਿਆ ਲਈ ਜ਼ੋਰ ਦਿੱਤਾ ਸੀ।
ਉਨ੍ਹਾਂ ਕਿਹਾ ਕਿ “ਸਾਡੀ ਰਾਏ ਵਿੱਚ ਇਹ ਮਹੱਤਵਪੂਰਨ ਹੈ ਕਿ ਹਿੰਸਕ ਟਕਰਾਅ ਵਿਆਪਕ ਖੇਤਰੀ ਪਹਿਲੂਆਂ ਨੂੰ ਨਾ ਲੈ ਜਾਵੇ… ਫਿਲਹਾਲ, ਇਜ਼ਰਾਈਲ, ਈਰਾਨ ਅਤੇ ਹੋਰ ਦੇਸ਼ਾਂ ਤੋਂ ਉਡਾਣਾਂ ਚਲਾਈਆਂ ਜਾ ਰਹੀਆਂ ਹਨ। ਇਸ ਲਈ ਲੋਕਾਂ ਕੋਲ ਸੁਰੱਖਿਅਤ ਥਾਵਾਂ ‘ਤੇ ਜਾਣ ਦਾ ਵਿਕਲਪ ਹੈ।
ਰਣਧੀਰ ਜੈਸਵਾਲ ਨੇ ਕਿਹਾ ਕਿ ਫਸੇ ਪਰਿਵਾਰਾਂ ਨੇ ਭਾਰਤ ਸਰਕਾਰ ਅਤੇ ਸਾਡੇ ਦੂਤਾਵਾਸਾਂ ਨਾਲ ਸੰਪਰਕ ਕੀਤਾ ਹੈ, ਪਰ ਫਿਲਹਾਲ ਸਰਕਾਰ ਕੋਈ ਵੀ ਨਿਕਾਸੀ ਪ੍ਰਕਿਰਿਆ ਨਹੀਂ ਚਲਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਲੇਬਨਾਨ (West Asia) ‘ਚ ਲਗਭਗ 3,000 ਭਾਰਤੀ ਨਾਗਰਿਕ ਹਨ, ਇਨ੍ਹਾਂ ‘ਚ ਜ਼ਿਆਦਾਤਰ ਬੇਰੂਤ ‘ਚ ਹਨ | ਇਸਦੇ ਨਾਲ ਹੀ ਈਰਾਨ ‘ਚ ਸਾਡੇ ਕੋਲ ਲਗਭਗ 10,000 ਭਾਰਤੀ ਹਨ, ਜਿਨ੍ਹਾਂ ‘ਚੋਂ ਲਗਭਗ 5,000 ਵਿਦਿਆਰਥੀ ਹਨ | ਇਜ਼ਰਾਈਲ ‘ਚ ਲਗਭਗ 30,000 ਭਾਰਤੀ ਨਾਗਰਿਕ ਹਨ, ਜ਼ਿਆਦਾਤਰ ਦੇਖਭਾਲ ਕਰਨ ਵਾਲੇ ਅਤੇ ਕਰਮਚਾਰੀ ਹਨ।