ਚੰਡੀਗੜ੍ਹ, 03 ਫਰਵਰੀ 2025: School Holidays 2025: ਉੱਤਰ ਪ੍ਰਦੇਸ ਦੇ ਕਈ ਜ਼ਿਲ੍ਹਿਆਂ ‘ਚ ਇਨ੍ਹੀਂ ਦਿਨੀਂ ਬਹੁਤ ਹੀ ਤਿਉਹਾਰਾਂ ਵਾਲਾ ਮਾਹੌਲ ਹੈ। ਮਹਾਂਕੁੰਭ 2025 ਅਤੇ ਅੰਮ੍ਰਿਤ ਇਸ਼ਨਾਨ ਦੇ ਕਾਰਨ, ਨਾ ਸਿਰਫ਼ ਪ੍ਰਯਾਗਰਾਜ ‘ਚ ਸਗੋਂ ਆਲੇ ਦੁਆਲੇ ਦੇ ਜ਼ਿਲ੍ਹਿਆਂ ‘ਚ ਵੀ ਸਕੂਲ ‘ਚ ਛੁੱਟੀਆਂ ਕਰ ਦਿੱਤੀਆਂ ਹਨ |
ਪ੍ਰਯਾਗਰਾਜ ‘ਚ ਮਹਾਂਕੁੰਭ 26 ਫਰਵਰੀ 2025 ਤੱਕ ਚੱਲੇਗਾ, ਸ਼ਰਧਾਲੂਆਂ ਦੀ ਭੀੜ ਨਾ ਸਿਰਫ਼ ਪ੍ਰਯਾਗਰਾਜ ‘ਚ ਸਗੋਂ ਵਾਰਾਣਸੀ, ਅਯੁੱਧਿਆ ਅਤੇ ਨੇੜਲੇ ਕਈ ਹੋਰ ਜ਼ਿਲ੍ਹਿਆਂ ‘ਚ ਵੀ ਪਹੁੰਚ ਰਹੀ ਹੈ। ਇਸ ਦੇ ਮੱਦੇਨਜ਼ਰ ਸਕੂਲਾਂ ਨੂੰ 5 ਫਰਵਰੀ 2025 ਤੱਕ ਬੰਦ ਕਰਨ ਦਾ ਹੁਕਮ ਜਾਰੀ ਕੀਤਾ ਗਿਆ ਹੈ।
ਉੱਤਰ ਪ੍ਰਦੇਸ਼ ਦੇ ਵਾਰਾਣਸੀ ‘ਚ ਪ੍ਰਯਾਗਰਾਜ ਮਹਾਕੁੰਭ ਤੋਂ ਵਾਪਸ ਆ ਰਹੀ ਭੀੜ ਨੂੰ ਦੇਖਦੇ ਹੋਏ, ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਸਾਰੇ ਸਕੂਲ ਬੰਦ ਕਰਨ ਦਾ ਆਦੇਸ਼ ਜਾਰੀ ਕੀਤਾ ਹੈ। ਅਧਿਕਾਰਤ ਹੁਕਮ ਮੁਤਾਬਕ ਸਾਰੇ ਸਕੂਲ 5 ਫਰਵਰੀ ਤੱਕ ਬੰਦ ਰਹਿਣਗੇ। ਇਸਦਾ ਮਤਲਬ ਹੈ ਕਿ 12ਵੀਂ ਜਮਾਤ ਤੱਕ ਦੇ ਸਾਰੇ ਸਰਕਾਰੀ ਅਤੇ ਪ੍ਰਾਈਵੇਟ ਸਕੂਲ ਬੰਦ ਰਹਿਣਗੇ।
ਇਸ ਦੇ ਨਾਲ ਹੀ ਸ਼ਹਿਰੀ ਖੇਤਰਾਂ ‘ਚ 8ਵੀਂ ਜਮਾਤ ਤੱਕ ਦੇ ਸਕੂਲ 3 ਫਰਵਰੀ 2025 ਤੱਕ ਛੁੱਟੀਆਂ (Holidays) ਕੀਤੀਆਂ ਸਨ। ਛੁੱਟੀਆਂ ਇਸ ਧਾਰਮਿਕ ਤਿਉਹਾਰ ਵਿੱਚ ਸ਼ਾਮਲ ਹੋਣ ਵਾਲੀ ਵੱਡੀ ਭੀੜ ਨੂੰ ਕਾਬੂ ਕਰਨ ਦੇ ਉਪਾਵਾਂ ਦਾ ਹਿੱਸਾ ਹਨ।
Read More: Delhi Election Holiday: 5 ਫਰਵਰੀ ਨੂੰ ਦਿੱਲੀ ‘ਚ ਸਰਕਾਰੀ ਤੇ ਨਿੱਜੀ ਦਫਤਰ ਰਹਿਣਗੇ ਬੰਦ