ਚੰਡੀਗੜ੍ਹ, 23 ਦਸੰਬਰ 2024: Gatka Games: ਹਰਿਆਣਾ ‘ਚ ਪੰਚਕੂਲਾ ਦੇ ਤਾਊ ਦੇਵੀ ਲਾਲ ਸਟੇਡੀਅਮ ਵਿਖੇ ਬੀਤੇ ਦਿਨ ਸਮਾਪਤ ਹੋਈਆਂ ਪਹਿਲੀਆਂ ਪੀਥੀਅਨ ਰਾਸ਼ਟਰੀ ਕਲਚਰਲ ਗੇਮਜ਼-2024 ‘ਚ ਹੋਰਨਾਂ ਵਿਰਾਸਤੀ ਖੇਡਾਂ ਤੇ ਮਾਰਸ਼ਲ ਆਰਟਸ ਸਮੇਤ ਕੌਮੀ ਪੱਧਰ ਦੇ ਮੁਕਾਬਲੇ ਵੀ ਕਰਵਾਏ ਗਏ ਹਨ। ਜਿਕਰਯੋਗ ਹੈ ਕਿ ਇੰਟਰਨੈਸ਼ਨਲ ਪੀਥੀਅਨ ਕੌਂਸਲ ਨਾਲ ਸੰਬੰਧਿਤ ਪੀਥੀਅਨ ਕੌਂਸਲ ਆਫ ਇੰਡੀਆ ਦੇ ਪ੍ਰਧਾਨ ਅਤੇ ਝਾਰਖੰਡ ਦੇ ਸਾਬਕਾ ਮੰਤਰੀ ਡਾ. ਬਜਿੰਦਰ ਗੋਇਲ ਦੀ ਅਗਵਾਈ ਹੇਠ ਇਹ ਵਿਰਾਸਤੀ ਅਤੇ ਕਲਾਤਮਕ ਮੁਕਾਬਲੇ ਪਹਿਲੀ ਵਾਰ ਭਾਰਤ ‘ਚ ਸ਼ੁਰੂ ਕਰਵਾਏ ਗਏ ਹਨ ।
ਇਸ ਦੌਰਾਨ ਨੈਸ਼ਨਲ ਗੱਤਕਾ (Gatka) ਐਸੋਸੀਏਸ਼ਨ ਆਫ ਇੰਡੀਆ ਦੇ ਪ੍ਰਧਾਨ ਹਰਜੀਤ ਸਿੰਘ ਸ. ਗਰੇਵਾਲ ਅਤੇ ਮੀਤ ਪ੍ਰਧਾਨ ਸ. ਸੁਖਚੈਨ ਸਿੰਘ ਕਲਸਾਣੀ ਨੇ ਦੱਸਿਆ ਕਿ ਇੰਨਾਂ ਵਿਰਾਸਤੀ ਖੇਡਾਂ ‘ਚ 18 ਸਾਲ ਤੋਂ ਘੱਟ ਉਮਰ ਵਰਗ ‘ਚ ਗੱਤਕਾ ਖੇਡ ਦੇ ਮੁਕਾਬਲੇ ਵੀ ਕਰਵਾਏ, ਇਨ੍ਹਾਂ ‘ਚ ਦੇਸ਼ ਦੇ 12 ਸੂਬਿਆਂ ਦੀਆਂ ਲੜਕੇ ਅਤੇ ਲੜਕੀਆਂ ਦੀਆਂ ਟੀਮਾਂ ਦੇ ਕਰੀਬ 200 ਖਿਡਾਰੀਆਂ ਤੇ ਖਿਡਾਰਨਾਂ ਨੇ ਹਿੱਸਾ ਲਿਆ ਹੈ ।
ਇਸਦੇ ਨਾਲ ਹੀ ਨੈਸ਼ਨਲ ਗੱਤਕਾ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਹਰਜਿੰਦਰ ਕੁਮਾਰ ਤੇ ਵਿੱਤ ਸਕੱਤਰ ਬਲਜੀਤ ਸਿੰਘ ਨੇ ਦੱਸਿਆ ਕਿ ਇੰਨਾਂ ਮੁਕਾਬਲਿਆਂ ਦੌਰਾਨ ਹਰਿਆਣਾ ਦੀ ਟੀਮ ਨੇ ਸਮੁੱਚੀ ਚੈਂਪੀਅਨਸ਼ਿੱਪ ਜਿੱਤੀ ਜਦਕਿ ਪੰਜਾਬ ਦੂਜੇ ਸਥਾਨ ’ਤੇ ਅਤੇ ਚੰਡੀਗੜ੍ਹ ਤੀਜੇ ਸਥਾਨ ’ਤੇ ਰਿਹਾ ਹੈ |
ਇਸਤੋਂ ਇਲਾਵਾ ਮੁਕਾਬਲਿਆਂ ਦੇ ਨਤੀਜਿਆਂ ਬਾਰੇ ਗੱਤਕਾ ਐਸੋਸੀਏਸ਼ਨ ਆਫ਼ ਪੰਜਾਬ ਦੇ ਮੀਤ ਪ੍ਰਧਾਨ ਅਤੇ ਟੂਰਨਾਮੈਂਟ ਦੀ ਤਕਨੀਕੀ ਟੀਮ ਦੇ ਮੁਖੀ ਸਰਬਜੀਤ ਸਿੰਘ ਲੁਧਿਆਣਾ ਨੇ ਦੱਸਿਆ ਕਿ ਜੇਤੂ ਰਹੇ ਹਰਿਆਣਾ ਦੇ ਖਿਡਾਰੀਆਂ ਨੇ ਸੋਨੇ ਦੇ 5 ਤਮਗੇ, ਚਾਂਦੀ ਦੇ 2 ਅਤੇ ਕਾਂਸੀ ਦਾ 1 ਤਮਗਾ ਜਿੱਤਿਆ ਹੈ ।
ਇਸਦੇ ਨਾਲ ਹੀ ਦੂਜੇ ਸਥਾਨ ‘ਤੇ ਪੰਜਾਬ ਦੇ ਖਿਡਾਰੀਆਂ ਨੇ ਸੋਨੇ ਦੇ 2 ਤਮਗੇ , ਚਾਂਦੀ ਦੇ 4 ਤਮਗੇ ਅਤੇ ਕਾਂਸੀ ਦੇ 2 ਤਮਗੇ ਜਿੱਤੇ ਹਨ । ਤੀਜੇ ਸਥਾਨ ਤੇ ਰਹੀ ਚੰਡੀਗੜ੍ਹ ਦੀ ਟੀਮ ਨੇ ਸੋਨੇ ਦਾ 1ਤਮਗਾ, ਚਾਂਦੀ ਦੇ 2 ਅਤੇ ਕਾਂਸੀ ਦੇ 4 ਤਮਗੇ ਜਿੱਤੇ। ਇਸ ਤੋਂ ਇਲਾਵਾ ਮਹਾਰਾਸ਼ਟਰ ਨੇ ਕਾਂਸੀ ਦੇ 4 ਜਦਕਿ ਝਾਰਖੰਡ, ਜੰਮੂ, ਦਿੱਲੀ, ਉੱਤਰਾਖੰਡ ਅਤੇ ਤਾਮਿਲਨਾਡੂ ਨੇ ਇੱਕ-ਇੱਕ ਕਾਂਸੀ ਦਾ 1 ਤਮਗਾ ਜਿੱਤਿਆ।
ਪੀਥੀਅਨ ਖੇਡਾਂ ਸੰਬੰਧੀ ਡਾ. ਬਜਿੰਦਰ ਗੋਇਲ ਨੇ ਦੱਸਿਆ ਕਿ ਪੁਰਾਤਨ ਸਮੇਂ ‘ਚ ਇਹ ਖੇਡਾਂ ਪ੍ਰਾਚੀਨ ਯੂਨਾਨ ਦੀਆਂ 4 ਪੈਨਹੇਲਨਿਕ ਖੇਡਾਂ ‘ਚੋਂ ਇੱਕ ਸਨ। ਇਹ ਖੇਡਾਂ ਓਲੰਪਿਕ ਖੇਡਾਂ ਤੋਂ ਦੋ ਸਾਲ ਬਾਅਦ ਅਤੇ ਹਰੇਕ ਨੇਮੇਨ ਅਤੇ ਇਸਥਮੀਅਨ ਖੇਡਾਂ ਦੇ ਵਿਚਾਲੇ ਹਰ 4 ਸਾਲਾਂ ਬਾਅਦ ਯੂਨਾਨ ਦੇ ਡੇਲਫੀ ‘ਚ ਅਪੋਲੋ ਦੇ ਸਨਮਾਨ ਵਜੋਂ ਹੁੰਦੀਆਂ ਸਨ।
ਪੀਥੀਅਨ ਖੇਡਾਂ ਮਹੱਤਵ ਪੱਖੋਂ ਉਸ ਵੇਲੇ ਓਲੰਪਿਕ ਖੇਡਾਂ ਤੋਂ ਬਾਅਦ ਦੂਜੇ ਸਥਾਨ ‘ਤੇ ਗਿਣੀਆਂ ਜਾਂਦੀਆਂ ਸਨ। ਇੰਨਾਂ ਖੇਡਾਂ ਵਿੱਚ ਕਲਾ ਅਤੇ ਨ੍ਰਿਤ ਦੇ ਮੁਕਾਬਲੇ ਵੀ ਸ਼ਾਮਲ ਸਨ। ਪੀਥੀਅਨ ਖੇਡਾਂ ਛੇਵੀਂ ਸਦੀ ਈਸਾ ਪੂਰਵ ‘ਚ ਸਥਾਪਿਤ ਕੀਤੀਆਂ ਗਈਆਂ ਸਨ ਅਤੇ 424 ਈਸਾ ਪੂਰਵ ਤੱਕ ਹੁੰਦੀਆਂ ਰਹੀਆਂ।
ਲੜਕਿਆਂ ਦੇ ਗੱਤਕਾ ਮੁਕਾਬਲਿਆਂ ਦੇ ਨਤੀਜੇ
ਗੱਤਕਾ (Gatka) ਦੇ ਵਿਅਕਤੀਗਤ ਮੁਕਾਬਲੇ ‘ਚ ਹਰਿਆਣਾ ਦੇ ਵਾਰਸਪ੍ਰੀਤ ਸਿੰਘ ਨੇ ਪਹਿਲਾ, ਚੰਡੀਗੜ੍ਹ ਦੇ ਗੁਰਲਾਲ ਸਿੰਘ ਨੇ ਦੂਜਾ ਜਦਕਿ ਪੰਜਾਬ ਦੇ ਸਾਹਿਬ ਸਿੰਘ ਤੇ ਮਹਾਰਾਸ਼ਟਰ ਦੇ ਪਾਰਥਖਿਸਤੇ ਨੇ ਸਾਂਝੇ ਤੌਰ ਤੇ ਤੀਜਾ ਸਥਾਨ ਹਾਸਲ ਕੀਤਾ ਹੈ ।
ਫ੍ਰੀ ਸੋਟੀ ਟੀਮ ਇਵੈਂਟ ਵਿੱਚ ਹਰਿਆਣਾ ਤੋਂ ਅਨਮੋਲਦੀਪ ਸਿੰਘ, ਵਾਰਸਪ੍ਰੀਤ ਸਿੰਘ, ਅਰਮਾਨਦੀਪ ਸਿੰਘ ਜੇਤੂ ਰਹੇ ਹਨ । ਪੰਜਾਬ ਦੇ ਜਸਪ੍ਰੀਤ ਸਿੰਘ, ਗੁਰਬਾਜ਼ ਸਿੰਘ, ਸਾਹਿਬ ਸਿੰਘ, ਰਿਸ਼ਬਜੀਤ ਸਿੰਘ ਨੇ ਦੂਜਾ ਸਥਾਨ ਜਦਕਿ ਚੰਡੀਗੜ੍ਹ ਤੋਂ ਅਮਨਪ੍ਰੀਤ ਸਿੰਘ, ਦਮਨਵੀਰ ਸਿੰਘ, ਗੁਰਲਾਲ ਸਿੰਘ, ਸਤਵੰਤ ਸਿੰਘ ਅਤੇ ਮਹਾਰਾਸ਼ਟਰ ਤੋਂ ਪ੍ਰਿਥਵੀਰਾਜ ਪੰਡਿਤ, ਹਰਸ਼ਲ ਪਾਟਿਲ, ਪਾਰਥ
ਜਾਧਵ, ਵੱਲਭ ਕਦਮ ਤੀਜੇ ਸਥਾਨ ਤੇ ਰਹੇ।
ਸਿੰਗਲ ਸੋਟੀ ਟੀਮ ਇਵੈਂਟ ਮੁਕਾਬਲੇ ‘ਚ ਪੰਜਾਬ ਦੇ ਦਮਨਪ੍ਰੀਤ ਸਿੰਘ, ਜਸਕੀਰਤ ਸਿੰਘ, ਗੁਰਸ਼ਰਨ ਸਿੰਘ, ਗੁਰਕੀਰਤ ਸਿੰਘ ਨੇ ਪਹਿਲਾ ਸਥਾਨ, ਹਰਿਆਣਾ ਦੇ ਸਿਮਰਨਜੀਤ ਸਿੰਘ, ਜਸਕੀਰਤ ਸਿੰਘ, ਰਾਜਵੀਰ ਸਿੰਘ, ਸਰਤਾਜ ਸਿੰਘ ਨੇ ਦੂਜਾ ਹਾਸਲ ਕੀਤਾ ਹੈ | ਇਸਦੇ ਨਾਲ ਹੀ ਝਾਰਖੰਡ ਦੇ ਸਾਗਰ ਕੁਮਾਰ, ਵੰਸ਼ ਰਾਜ, ਸ਼ਸ਼ੀ ਰਾਜ ਯਾਦਵ, ਚੰਡੀਗੜ੍ਹ ਦੇ ਮਨਮਿੰਦਰ ਸਿੰਘ, ਪ੍ਰਭਾਸ਼ੀਸ਼ ਸਿੰਘ, ਕਰਨਵੀਰ ਸਿੰਘ, ਮਨਕੀਰਤ ਸਿੰਘ ਨੇ ਤੀਜਾ ਸਥਾਨ ਹਾਸਲ ਕੀਤਾ ਹੈ |
ਸਿੰਗਲ ਸੋਟੀ ਵਿਅਕਤੀਗਤ ਮੁਕਾਬਲੇ ‘ਚ ਪੰਜਾਬ ਦੇ ਦਮਨਪ੍ਰੀਤ ਸਿੰਘ ਨੇ ਪਹਿਲਾ, ਚੰਡੀਗੜ੍ਹ ਦੇ ਕਰਨਵੀਰ ਸਿੰਘ ਨੇ ਦੂਜਾ ਜਦਕਿ ਜੰਮੂ ਦੇ ਸਹਿਜਪਾਲ ਸਿੰਘ ਅਤੇ ਹਰਿਆਣਾ ਦੇ ਜਸਕੀਰਤ ਸਿੰਘ ਨੇ ਸਾਂਝੇ ਤੌਰ ਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
ਲੜਕੀਆਂ ਦੇ ਗੱਤਕਾ ਮੁਕਾਬਲਿਆਂ ਦੇ ਨਤੀਜੇ:
ਹਰਿਆਣਾ ਦੀ ਹਰਸਿਮਰਜੀਤ ਕੌਰ ਨੇ ਫੱਰੀ ਸੋਟੀ ਵਿਅਕਤੀਗਤ ਇਵੈਂਟ ‘ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ | ਇਸਦੇ ਨਾਲ ਹੀ ਪੰਜਾਬ ਦੀ ਸੁਰਮੀਤ ਕੌਰ ਨੇ ਦੂਜਾ ਸਥਾਨ ਅਤੇ ਚੰਡੀਗੜ੍ਹ ਦੀ ਜਸ਼ਨਪ੍ਰੀਤ ਕੌਰ ਅਤੇ ਮਹਾਰਾਸ਼ਟਰ ਦੀ ਦਿਸ਼ਾ ਸੇਗਲ ਨੇ ਸਾਂਝੇ ਤੌਰ ‘ਤੇ ਤੀਜਾ ਸਥਾਨ ਹਾਸਲ ਕੀਤਾ। ਫੱਰੀ ਸੋਟੀ ਟੀਮ ਇਵੈਂਟ ਵਿੱਚ ਚੰਡੀਗੜ੍ਹ ਦੀ ਜਸਮੀਤ ਕੌਰ, ਜੈਸਮੀਨ ਕੌਰ, ਪਵਨੀਤ ਕੌਰ, ਜਸ਼ਨਪ੍ਰੀਤ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।
ਇਸਦੇ ਨਾਲ ਹੀ ਹਰਿਆਣਾ ਦੀ ਏਕਮਪ੍ਰੀਤ ਕੌਰ, ਤਮੰਨਾ, ਹਰਸਿਮਰਜੀਤ ਕੌਰ, ਹਰਸ਼ਪ੍ਰੀਤ ਕੌਰ ਨੇ ਦੂਜਾ ਸਥਾਨ ਹਾਸਲ ਕੀਤਾ ਹੈ | ਇਸਤੋਂ ਇਲਾਵਾ ਉਤਰਾਖੰਡ ਦੀ ਜਸ਼ਨਦੀਪ ਕੌਰ, ਹਰਨੀਵ ਕੌਰ, ਅਰਸ਼ਦੀਪ ਕੌਰ ਅਤੇ ਤਾਮਿਲਨਾਡੂ ਦੀ ਵੀ. ਮੇਗਾਵਰਸਾਨੀ, ਡੀ. ਨਾਓਮਿਕਾ, ਡੀ. ਸ਼ਰੁਤਿਕਸ਼ਾ ਨੇ ਸਾਂਝੇ ਤੌਰ ‘ਤੇ ਤੀਜਾ ਸਥਾਨ ਹਾਸਲ ਕੀਤਾ ਹੈ।
ਸਿੰਗਲ ਸੋਟੀ ਟੀਮ ਇਵੈਂਟ ‘ਚ ਹਰਿਆਣਾ ਦੀ ਅਸ਼ਮੀਤ ਕੌਰ, ਅਰਜਮੀਤ ਕੌਰ, ਜਸਕੀਰਤ ਕੌਰ, ਅਰਜਮੀਤ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਪੰਜਾਬ ਦੀ ਨਮਨਪ੍ਰੀਤ ਕੌਰ, ਦਲਵੀਰਪ੍ਰੀਤ ਕੌਰ, ਹਰਸਿਮਰ ਕੌਰ ਨੇ ਦੂਜਾ ਸਥਾਨ ਹਾਸਲ ਕੀਤਾ ਹੈ | ਇਸਦੇ ਨਾਲ ਦਿੱਲੀ ਦੀ ਅਨਮੋਲਦੀਪ ਕੌਰ, ਦਿਵੰਸ਼ੀ, ਭੂਮਿਕਾ, ਇਸ਼ਿਕਾ ਮਹਿਤਾ ਅਤੇ ਚੰਡੀਗੜ੍ਹ ਦੀ ਪਰਨੀਤ ਕੌਰ ਸੋਹੀ, ਹਰਪ੍ਰੀਤ ਕੌਰ, ਇਸ਼ਪ੍ਰੀਤ ਕੌਰ, ਹਰਮਨਪ੍ਰੀਤ ਕੌਰ ਨੇ ਸਾਂਝੇ ਤੌਰ ‘ਤੇ ਤੀਜਾ ਸਥਾਨ ਹਾਸਲ ਕੀਤਾ ਹੈ ।
ਹਰਿਆਣਾ ਦੀ ਅਰਜਮੀਤ ਕੌਰ ਨੇ ਸਿੰਗਲ ਸੋਟੀ ਵਿਅਕਤੀਗਤ ਇਵੈਂਟ ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ, ਪੰਜਾਬ ਦੀ ਹਰਸਿਮਰ ਕੌਰ ਨੇ ਦੂਜਾ ਸਥਾਨ ਅਤੇ ਚੰਡੀਗੜ੍ਹ ਦੀ ਹਰਮਨਪ੍ਰੀਤ ਕੌਰ ਜਦਕਿ ਮਹਾਰਾਸ਼ਟਰ ਦੀ ਵਿਜੇਲਕਸ਼ਮੀ ਪਿੰਪਰੀਕਰ ਨੇ ਸਾਂਝੇ ਤੌਰ ਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ ਹੈ।
Read More: Mohali News: CM ਭਗਵੰਤ ਮਾਨ ਨੇ ਸੋਹਾਣਾ ਹਾਦਸੇ ‘ਤੇ ਦੁੱਖ ਪ੍ਰਗਟਾਇਆ, ਕਿਹਾ- “ਦੋਸ਼ੀਆਂ ‘ਤੇ ਕਰਾਂਗੇ ਕਾਰਵਾਈ”