ਚੰਡੀਗੜ੍ਹ, 04 ਅਕਤੂਬਰ 2024: ਯੂਟਿਊਬ ਕੰਟੈਂਟ ਕ੍ਰਿਏਟਰਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਹੈ | ਦਰਅਸਲ YouTube ਨੇ Shorts ਲਈ ਇੱਕ ਵੱਡਾ ਐਲਾਨ ਕੀਤਾ ਹੈ | ਜੇਕਰ ਤੁਸੀਂ ਵੀ ਕੰਟੈਂਟ ਕ੍ਰਿਏਟਰ ਹੋ ਅਤੇ ਲੰਬੇ ਸ਼ਾਰਟਸ ਬਣਾਉਣਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਲਈ ਇਹ ਅਹਿਮ ਖ਼ਬਰ ਹੈ।
ਜਿਕਰਯੋਗ ਹੈ ਕਿ YouTube ਨੇ Shorts ਲਈ ਇੱਕ ਵੱਡਾ ਐਲਾਨ ਕਰਦਿਆਂ ਆਪਣੇ ਬਲਾਗ ‘ਚ ਕਿਹਾ ਹੈ ਕਿ ਹੁਣ ਯੂਜ਼ਰਸ ਨੂੰ 3 ਮਿੰਟ ਯਾਨੀ 180 ਸੈਕਿੰਡ ਤੱਕ ਦੇ ਸ਼ਾਰਟਸ ਬਣਾਉਣ ਅਤੇ ਅਪਲੋਡ ਕਰਨ ਦੀ ਸੁਵਿਧਾ ਮਿਲੇਗੀ ਅਤੇ ਇਹ 15 ਅਕਤੂਬਰ 2024 ਤੋਂ ਸ਼ੁਰੂ ਹੋ ਰਿਹਾ ਹੈ। ਯੂਟਿਊਬ ਨੇ ਆਪਣੇ ਬਲਾਗ ‘ਚ ਇਹ ਜਾਣਕਾਰੀ ਦਿੱਤੀ ਹੈ। ਯੂਟਿਊਬ ਨੇ ਬਲਾਗ ‘ਚ ਕਿਹਾ ਹੈ ਕਿ ਇਹ ਫੈਸਲਾ ਕ੍ਰਿਏਟਰਾਂ ਦੀ ਮੰਗ ਤੋਂ ਬਾਅਦ ਲਿਆ ਗਿਆ ਹੈ। ਹੁਣ ਸ਼ਾਰਟਸ ਦੀ ਮਿਆਦ 60-180 ਸਕਿੰਟ ਹੋਵੇਗੀ।
Read More: Mark Zuckerberg: ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਣੇ ਮਾਰਕ ਜ਼ੁਕਰਬਰਗ, ਖੇਡਿਆ ਇਹ ਦਾਅ
ਯੂਟਿਊਬ ਨੇ ਕਿਹਾ ਕਿ “ਇਹ ਬਦਲਾਅ ਉਹਨਾਂ ਵੀਡੀਓਜ਼ ‘ਤੇ ਲਾਗੂ ਹੋਵੇਗਾ ਜਿਨ੍ਹਾਂ ਦਾ ਆਕਾਰ ਅਨੁਪਾਤ ਵਰਗ ਜਾਂ ਲੰਬਾ ਹੈ ਅਤੇ 15 ਅਕਤੂਬਰ ਤੋਂ ਪਹਿਲਾਂ ਅਪਲੋਡ ਕੀਤੇ ਗਏ ਕਿਸੇ ਵੀ ਵੀਡੀਓ ਨੂੰ ਪ੍ਰਭਾਵਿਤ ਨਹੀਂ ਕਰੇਗਾ।” ਆਉਣ ਵਾਲੇ ਮਹੀਨਿਆਂ ‘ਚ ਅਸੀਂ ਲੰਬੇ ਸ਼ਾਰਟਸ ਲਈ ਸਿਫ਼ਾਰਸ਼ਾਂ ਨੂੰ ਸੁਧਾਰਨ ‘ਤੇ ਕੰਮ ਕਰਾਂਗੇ।
ਇਸ ਤੋਂ ਇਲਾਵਾ ਯੂਟਿਊਬ ਨੇ ਸਿਰਜਣਹਾਰਾਂ ਲਈ ਨਵੇਂ ਟੂਲਸ ਦਾ ਵੀ ਐਲਾਨ ਕੀਤਾ ਹੈ। ਪਹਿਲਾ ‘ਰੀਮਿਕਸ’ ਨਾਂ ਦਾ ਟੂਲ ਹੈ। ਟੂਲ ਉਪਭੋਗਤਾਵਾਂ ਨੂੰ ਟੈਂਪਲੇਟਸ ਦੇ ਤੌਰ ‘ਤੇ ਪ੍ਰਸਿੱਧ ਸ਼ਾਰਟਸ ਦੀ ਵਰਤੋਂ ਕਰਕੇ ਆਪਣੇ ਖੁਦ ਦੇ ਵੀਡੀਓ ਬਣਾਉਣ ਦਿੰਦਾ ਹੈ। YouTube ਨੇ ਇਹ ਵੀ ਕਿਹਾ ਕਿ ਸ਼ਾਰਟਸ ਨੂੰ ਆਉਣ ਵਾਲੇ ਮਹੀਨਿਆਂ ‘ਚ ਇੱਕ ਅੱਪਡੇਟ ਮਿਲੇਗਾ, “ਉਪਭੋਗਤਾਵਾਂ ਲਈ ਪਲੇਟਫਾਰਮ ‘ਤੇ ਵੱਖ-ਵੱਖ ਵੀਡੀਓਜ਼ ਤੋਂ ਕਲਿੱਪਾਂ ਨੂੰ ਰੀਮਿਕਸ ਕਰਨਾ ਹੋਰ ਵੀ ਆਸਾਨ ਬਣਾ ਦੇਵੇਗਾ।”
ਕੰਪਨੀ ਨੇ ਇਹ ਵੀ ਐਲਾਨ ਕੀਤਾ ਹੈ ਕਿ ਛੇਤੀ ਹੀ ਯੂਟਿਊਬ ਸ਼ਾਰਟਸ ‘ਤੇ ਗੂਗਲ ਦੇ Veo ਨੂੰ ਲਿਆਏਗੀ। ਵੀਓ ਗੂਗਲ ਦਾ ਈਮੇਜ ਜਨਰੇਸ਼ਨ ਮਾਡਲ ਹੈ, ਜੋ 1080p ਤੱਕ ਰੈਜ਼ੋਲਿਊਸ਼ਨ ‘ਚ ਵੀਡੀਓ ਬਣਾ ਸਕਦਾ ਹੈ ਅਤੇ ਵੱਖ-ਵੱਖ ਸਿਨੇਮੈਟਿਕ ਅਤੇ ਵਿਜ਼ੂਅਲ ਸਟਾਈਲ ‘ਚ ਵੀਡੀਓ ਬਣਾ ਸਕਦਾ ਹੈ। ਯੂਟਿਊਬ ਦੇ ਇਸ ਫੈਸਲੇ ਨਾਲ ਮੇਟਾ ਦੀ ਚਿੰਤਾ ਵਧ ਸਕਦੀ ਹੈ, ਕਿਉਂਕਿ ਮੇਟਾ ਨੇ ਇੰਸਟਾਗ੍ਰਾਮ ਰੀਲਜ਼ ਦੀ ਮਿਆਦ 90 ਸੈਕਿੰਡ ਤੈਅ ਕੀਤੀ ਹੈ |