ਚੰਡੀਗੜ੍ਹ 22 ਜੁਲਾਈ 2022: ਅੰਮ੍ਰਿਤਸਰ (Amritsar) ਜ਼ਿਲ੍ਹੇ ਦੇ ਪਿੰਡ ਭਕਨਾ ਨੇੜੇ ਪੰਜਾਬ ਪੁਲਿਸ (Punjab Police) ਨੇ ਗੈਂਗਸਟਰ ਮਨਪ੍ਰੀਤ ਮੰਨੂ ਕੁੱਸਾ ਅਤੇ ਜਗਰੂਪ ਸਿੰਘ ਰੂਪਾ ਦਾ ਐਨਕਾਊਂਟਰ ਕਰ ਦਿੱਤਾ ਸੀ | ਇਸਦੇ ਚੱਲਦੇ ਇਨ੍ਹਾਂ ਦੋਵੇਂ ਗੈਂਗਸਟਰਾਂ ਦਾ ਅੰਮ੍ਰਿਤਸਰ ਸਿਵਲ ਹਸਪਤਾਲ ਵਿਚ ਪੋਸਟਮਾਰਟਮ ਕੀਤਾ ।
ਇਸਦੇ ਨਾਲ ਹੀ 1 ਵਜੇ ਦੇ ਕਰੀਬ ਜਗਰੂਪ ਰੂਪਾਂ ਦਾ ਪੋਸਟਮਾਰਟਮ ਖ਼ਤਮ ਹੋਣ ‘ਤੇ ਉਸਦੀ ਲਾਸ਼ ਉਨ੍ਹਾਂ ਦੇ ਪਰਿਵਾਰ ਨੂੰ ਸੌਂਪ ਦਿੱਤੀ ਅਤੇ ਦੇਰ ਰਾਤ ਪਿੰਡ ਪਹੁੰਚਦੇ ਹੀ ਪਰਿਵਾਰ ਵੱਲੋਂ ਜਗਰੂਪ ਰੂਪਾ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ |ਐਨਕਾਉਂਟਰ ‘ਚ ਮਾਰੇ ਗਏ ਗੈਂਗਸਟਰ ਜਗਰੂਪ ਰੂਪਾ ਦਾ ਅੰਤਿਮ ਸਸਕਾਰ ਤਰਨਤਾਰਨ ‘ਚ ਉਸਦੇ ਪਿੰਡ ‘ਚ ਦੇਰ ਰਾਤ ਕਰੀਬ 2.30 ਵਜੇ ਦੇ ਨੇੜੇ ਕੀਤਾ ਗਿਆ | ਅੰਤਿਮ ਸਸਕਾਰ ਮੌਕੇ ਜਗਰੂਪ ਰੂਪਾਂ ਦਾ ਪਰਿਵਾਰ ਕਾਫ਼ੀ ਭਾਵੁਕ ਹੋਇਆ ਅਤੇ ਜਗਰੂਪ ਰੂਪਾ ਦੀ ਮਾਂ ਦਾ ਰੋ-ਰੋ ਬੁਰਾ ਹਾਲ ਹੋਇਆ |
