ਏਸ਼ੀਆ ‘ਚ ਪਹਿਲੀ ਵਾਰ ਅਰਬਪਤੀਆਂ ਦੀ ਸੂਚੀ ‘ਚ ਮੁੰਬਈ ਨੇ ਬੀਜਿੰਗ ਨੂੰ ਪਛਾੜਿਆ

ਚੰਡੀਗੜ੍ਹ, 26 ਮਾਰਚ 2024: ਚੀਨ ਦੇ ਬੀਜਿੰਗ ਨੂੰ ਪਛਾੜ ਕੇ ਮੁੰਬਈ ਪਹਿਲੀ ਵਾਰ ਏਸ਼ੀਆ ਦੀ ਅਰਬਪਤੀਆਂ (Billionaires) ਦੀ ਰਾਜਧਾਨੀ ਬਣ ਗਈ ਹੈ। ਮੁੰਬਈ ‘ਚ ਹੁਣ ਬੀਜਿੰਗ ਤੋਂ ਜ਼ਿਆਦਾ ਅਰਬਪਤੀ ਹਨ। ਹੁਰੁਨ ਰਿਸਰਚ ਦੀ 2024 ਗਲੋਬਲ ਰਿਚ ਲਿਸਟ ਦੇ ਅਨੁਸਾਰ, ਬੀਜਿੰਗ ਵਿੱਚ 91 ਦੇ ਮੁਕਾਬਲੇ ਮੁੰਬਈ ਵਿੱਚ 92 ਅਰਬਪਤੀ ਹਨ। ਹਾਲਾਂਕਿ ਜੇਕਰ ਚੀਨ ਦੀ ਗੱਲ ਕਰੀਏ ਤਾਂ ਭਾਰਤ ਵਿੱਚ 271 ਦੇ ਮੁਕਾਬਲੇ 814 ਅਰਬਪਤੀ ਹਨ।

ਨਿਊਯਾਰਕ ਤੋਂ ਬਾਅਦ ਮੁੰਬਈ ਹੁਣ ਅਰਬਪਤੀਆਂ (Billionaires) ਦੇ ਮਾਮਲੇ ਵਿਚ ਵਿਸ਼ਵ ਪੱਧਰ ‘ਤੇ ਤੀਜੇ ਨੰਬਰ ‘ਤੇ ਹੈ। ਅਰਬਪਤੀਆਂ ਦੇ ਮਾਮਲੇ ‘ਚ ਨਿਊਯਾਰਕ ਪਹਿਲੇ ਨੰਬਰ ‘ਤੇ ਹੈ। ਇੱਥੇ ਵੱਧ ਤੋਂ ਵੱਧ 119 ਅਰਬਪਤੀ ਰਹਿੰਦੇ ਹਨ। ਇਸ ਤੋਂ ਬਾਅਦ ਲੰਡਨ ਆਉਂਦਾ ਹੈ, ਜਿੱਥੇ 97 ਅਰਬਪਤੀ ਹਨ। ਇਸ ਮਾਮਲੇ ‘ਚ ਮੁੰਬਈ ਤੀਜੇ ਸਥਾਨ ‘ਤੇ ਹੈ।

ਮੁੰਬਈ ਵਿੱਚ 26 ਨਵੇਂ ਅਰਬਪਤੀਆਂ ਦੇ ਨਾਲ, ਇਸਨੇ ਬੀਜਿੰਗ ਨੂੰ ਚੀਨ ਦੀ ਰਾਜਨੀਤਕ ਅਤੇ ਸੱਭਿਆਚਾਰਕ ਰਾਜਧਾਨੀ ਵਜੋਂ ਪਛਾੜ ਦਿੱਤਾ ਹੈ। ਜਦੋਂ ਕਿ ਬੀਜਿੰਗ ਵਿੱਚ 18 ਅਰਬਪਤੀਆਂ ਦੀ ਕਮੀ ਆਈ ਹੈ।ਮੁੰਬਈ ਦੇ ਅਰਬਪਤੀਆਂ ਦੀ ਕੁੱਲ ਸੰਪਤੀ 445 ਅਰਬ ਡਾਲਰ ਹੈ, ਜੋ ਪਿਛਲੇ ਸਾਲ ਨਾਲੋਂ 47 ਫੀਸਦੀ ਵੱਧ ਹੈ। ਇਸ ਦੇ ਨਾਲ ਹੀ ਬੀਜਿੰਗ ਦੇ ਅਰਬਪਤੀਆਂ ਦੀ ਕੁੱਲ ਸੰਪਤੀ 265 ਬਿਲੀਅਨ ਡਾਲਰ ਹੈ, ਜਿਸ ਵਿਚ 28 ਫੀਸਦੀ ਦੀ ਕਮੀ ਆਈ ਹੈ।