ਚੰਡੀਗੜ੍ਹ 28 ਨਵੰਬਰ 2022: (Cameroon vs Serbia) ਫੀਫਾ ਵਿਸ਼ਵ ਕੱਪ ਦਾ ਅੱਜ ਪਹਿਲਾ ਮੈਚ ਕੈਮਰੂਨ (Cameroon) ਅਤੇ ਸਰਬੀਆ ਵਿਚਾਲੇ 3-3 ਨਾਲ ਡਰਾਅ ਰਿਹਾ। ਇਸ ਨਾਲ ਦੋਵੇਂ ਟੀਮਾਂ ਵਿਸ਼ਵ ਕੱਪ ਤੋਂ ਬਾਹਰ ਹੋਣ ਦੀ ਕਗਾਰ ‘ਤੇ ਪਹੁੰਚ ਗਈਆਂ ਹਨ। ਦੋ ਮੈਚਾਂ ਤੋਂ ਬਾਅਦ ਦੋਵਾਂ ਟੀਮਾਂ ਦਾ ਇੱਕ-ਇੱਕ ਅੰਕ ਹੈ ਅਤੇ ਆਖਰੀ ਮੈਚ ਜਿੱਤਣ ਤੋਂ ਬਾਅਦ ਵੀ ਇਨ੍ਹਾਂ ਟੀਮਾਂ ਦੇ ਅਗਲੇ ਦੌਰ ਵਿੱਚ ਪਹੁੰਚਣ ਦੀਆਂ ਸੰਭਾਵਨਾਵਾਂ ਬਹੁਤ ਘੱਟ ਹਨ।
ਕੈਮਰੂਨ ਅਤੇ ਸਰਬੀਆ (Serbia) ਵਿਚਾਲੇ ਮੈਚ 3-3 ਨਾਲ ਡਰਾਅ ਰਿਹਾ। ਮੈਚ ਨੇ ਚਾਰ ਵਾਰ ਆਪਣਾ ਰੁਖ ਬਦਲਿਆ ਪਰ ਅੰਤ ਵਿੱਚ ਕੋਈ ਵੀ ਟੀਮ ਜੇਤੂ ਸਾਬਤ ਨਹੀਂ ਹੋਈ। ਕੈਮਰੂਨ ਨੇ ਮੈਚ ਦਾ ਪਹਿਲਾ ਗੋਲ ਕਰਕੇ 1-0 ਦੀ ਬੜ੍ਹਤ ਬਣਾ ਲਈ, ਪਰ ਪਹਿਲੇ ਹਾਫ ਦੇ ਅੰਤ ਵਿੱਚ ਸਰਬੀਆ ਨੇ ਦੋ ਮਿੰਟ ਦੇ ਅੰਤਰਾਲ ਵਿੱਚ ਦੋ ਗੋਲ ਕਰਕੇ ਇਸ ਨੂੰ 2-1 ਕਰ ਦਿੱਤਾ।
ਸਰਬੀਆ ਨੇ ਦੂਜੇ ਹਾਫ ਦੇ ਸ਼ੁਰੂ ਵਿੱਚ ਇੱਕ ਹੋਰ ਗੋਲ ਕੀਤਾ ਅਤੇ 3-1 ਨਾਲ ਅੱਗੇ ਹੋ ਗਿਆ। ਇਸ ਤੋਂ ਬਾਅਦ ਕੈਮਰੂਨ ਨੇ 64ਵੇਂ ਅਤੇ 66ਵੇਂ ਮਿੰਟ ਵਿੱਚ ਗੋਲ ਕਰਕੇ 3-3 ਦੀ ਬਰਾਬਰੀ ਕਰ ਲਈ। ਇਸ ਤੋਂ ਬਾਅਦ ਮੈਚ ‘ਚ ਕੋਈ ਗੋਲ ਨਹੀਂ ਹੋ ਸਕਿਆ ਅਤੇ ਮੈਚ 3-3 ਨਾਲ ਡਰਾਅ ‘ਤੇ ਖਤਮ ਹੋਇਆ। ਹੁਣ ਦੋਨਾਂ ਟੀਮਾਂ ਦੇ ਕੋਲ ਦੋ ਮੈਚਾਂ ਤੋਂ ਬਾਅਦ ਇੱਕ ਇੱਕ ਅੰਕ ਹੈ ਅਤੇ ਦੋਵੇਂ ਟੀਮਾਂ ਵਿਸ਼ਵ ਕੱਪ ਤੋਂ ਬਾਹਰ ਹੋਣ ਦੀ ਕਗਾਰ ‘ਤੇ ਹਨ।
