11 ਫਰਵਰੀ 2025: ਆਬਕਾਰੀ ਕਮਿਸ਼ਨਰ, (Excise Commissioner) ਪੰਜਾਬ ਦੀਆਂ ਹਦਾਇਤਾਂ ‘ਤੇ ਪੰਜਾਬ ਭਰ ‘ਚ ਕੀਤੀ ਜਾ ਰਹੀ ਇਸ ਕਾਰਵਾਈ ਦੌਰਾਨ ਸਹਾਇਕ ਕਮਿਸ਼ਨਰ (ਆਬਕਾਰੀ), ਅੰਮ੍ਰਿਤਸਰ ਰੇਂਜ ਦੇ ਦਫ਼ਤਰ ਤੋਂ ਪ੍ਰਾਪਤ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਲਗਾਤਾਰ ਚੈਕਿੰਗ ਕੀਤੀ ਜਾ ਰਹੀ ਹੈ। ਇਸ ਵਿੱਚ ਆਬਕਾਰੀ ਵਿਭਾਗ ਦੇ ਅਧਿਕਾਰੀਆਂ ਦੀ ਟੀਮ (team) ਵੱਲੋਂ ਮੈਰਿਜ ਪੈਲੇਸ ਅਤੇ ਬੈਂਕੁਏਟ-ਹਾਲ ਵਿੱਚ ਸ਼ਰਾਬ ਦੀਆਂ ਪੇਟੀਆਂ ਲਈ ਜੋ ਰੇਟ ਵਸੂਲੇ ਗਏ ਹਨ, ਉਹ ਸਰਕਾਰ ਵੱਲੋਂ ਪ੍ਰਵਾਨਿਤ ਰੇਟਾਂ ਦੇ ਅਨੁਸਾਰ ਹਨ ਜਾਂ ਨਹੀਂ? ਇਸ ਸਬੰਧੀ ਪ੍ਰਵਾਨਿਤ ਅਤੇ ਨਿਰਧਾਰਤ ਦਰਾਂ ਨੂੰ ਗੰਭੀਰਤਾ ਨਾਲ ਲਿਆ ਜਾ ਰਿਹਾ ਹੈ।
ਜ਼ਿਲ੍ਹਾ ਆਬਕਾਰੀ ਅਫ਼ਸਰ ਅੰਮ੍ਰਿਤਸਰ-1 ਗੌਤਮ ਗੋਵਿੰਦਾ ਵੈਸ਼ ਨੇ ਦੱਸਿਆ ਕਿ ਪੰਜਾਬ ਸ਼ਰਾਬ ਲਾਇਸੰਸ ਰੂਲਜ਼, 1956 ਅਤੇ ਪੰਜਾਬ ਆਬਕਾਰੀ ਨੀਤੀ 2024-25 ਦੇ ਮਾਪਦੰਡਾਂ ਅਨੁਸਾਰ ਸਖ਼ਤ ਕਾਰਵਾਈ ਕੀਤੀ ਜਾ ਰਹੀ ਹੈ।
ਜ਼ਿਲ੍ਹਾ ਆਬਕਾਰੀ ਵਿਭਾਗ ਅਤੇ ਪੁਲਿਸ ਦੇ ਸਾਂਝੇ ਯਤਨਾਂ ਦੌਰਾਨ ਥਾਣਾ ਸਦਰ ਦੇ ਏ. ਡਵੀਜ਼ਨ (ਰਾਮਬਾਗ) ਦੀ ਟੀਮ ਨੇ ਸ਼ਰਾਬ ਤਸਕਰ ਨੂੰ ਗ੍ਰਿਫ਼ਤਾਰ (arrest) ਕਰਕੇ ਭਾਰੀ ਮਾਤਰਾ ਵਿੱਚ ਅੰਗਰੇਜ਼ੀ ਸ਼ਰਾਬ ਬਰਾਮਦ ਕੀਤੀ ਹੈ। ਇਸ ਮਾਮਲੇ ਵਿੱਚ ਅਨੁਭਵ ਉਰਫ਼ ਅਭੈ ਪੁੱਤਰ ਪ੍ਰੇਮ ਕੁਮਾਰ ਵਾਸੀ ਮਕਾਨ ਨੰ: 742/06, ਗਲੀ ਨੰ: 4 ਕੋਟ ਆਤਮਾ ਸਿੰਘ, ਬਜ਼ਾਰ ਬਾਂਸਾ ਵਾਲਾ, ਇਲਾਕਾ ਰਾਮਬਾਗ। ਰਾਮਬਾਗ ਪੁਲੀਸ ਦਾ ਕਹਿਣਾ ਹੈ ਕਿ ਉਕਤ ਵਿਅਕਤੀ ਸ਼ਰਾਬ ਵੇਚਣ ਦਾ ਆਦੀ ਹੈ। ਵਿਭਾਗ ਨੇ ਉਸ ਦੇ ਕਬਜ਼ੇ ‘ਚੋਂ 3 ਪੇਟੀਆਂ ਰਾਇਲ ਚੈਲੇਂਜਰ, 10 ਬੋਤਲਾਂ ਆਫੀਸਰਜ਼ ਚੁਆਇਸ, 20 ਬੋਤਲਾਂ ਰਾਇਲ ਸਟੈਗ, ਇਕ ਡੱਬਾ ਬਲੈਕ ਹਾਰਸ ਅਤੇ 18 ਬੋਤਲਾਂ ਮੈਕਡਾਵਲ ਸ਼ਰਾਬ ਬਰਾਮਦ ਕੀਤੀ ਹੈ।
Read More: ਆਬਕਾਰੀ ਵਿਭਾਗ ਨੇ ਸ਼ਰਾਬ ਦੀ ਤਸਕਰੀ ਅਤੇ ਨਜਾਇਜ਼ ਸ਼ਰਾਬ ਬਣਾਉਣ ਦੀਆਂ ਗਤੀਵਿਧੀਆਂ ‘ਤੇ ਕੱਸਿਆ ਸ਼ਿਕੰਜਾ