ਇੰਗਲੈਂਡ ਨੇ ਇੰਡੀਆ ਓਪਨ ਬੈਡਮਿੰਟਨ ਟੂਰਨਾਮੈਂਟ ਤੋਂ ਨਾਂ ਲਿਆ ਵਾਪਸ

ਚੰਡੀਗੜ੍ਹ 9 ਜਨਵਰੀ 2022: ਇੰਗਲੈਂਡ (England) ਦੀ ਟੀਮ ਇੰਡੀਆ ਓਪਨ ਬੈਡਮਿੰਟਨ ਟੂਰਨਾਮੈਂਟ (India Open Badminton Tournament) ਤੋਂ ਹਟ ਗਈ ਹੈ। ਦਰਅਸਲ, ਇੰਗਲੈਂਡ (England) ਦੇ ਡਬਲਜ਼ ਸਪੈਸ਼ਲਿਸਟ ਸ਼ੌਨ ਵੇਂਡੀ (Shawn Wendy) ਅਤੇ ਕੋਚ ਨਾਥਨ ਰੌਬਰਟਸਨ (Nathan Robertson) ਕੋਰੋਨਾ ਸੰਕਰਮਿਤ ਪਾਏ ਗਏ ਸਨ। ਇਸ ਤੋਂ ਬਾਅਦ ਇੰਗਲਿਸ਼ ਟੀਮ ਨੇ ਪੂਰੀ ਟੀਮ ਦਾ ਦੌਰਾ ਰੱਦ ਕਰ ਦਿੱਤਾ। ਇੰਗਲੈਂਡ ਦੇ ਫੈਸਲੇ ਦੀ ਪੁਸ਼ਟੀ ਭਾਰਤੀ ਬੈਡਮਿੰਟਨ ਸੰਘ (ਬੀਏਆਈ) ਨੇ ਐਤਵਾਰ ਨੂੰ ਕੀਤੀ।

ਪ੍ਰਬੰਧਕਾਂ ਨੇ ਦੱਸਿਆ ਕਿ ਬਾਕੀ ਸਾਰੇ ਖਿਡਾਰੀਆਂ ਦਾ ਐਤਵਾਰ ਸਵੇਰੇ ਟੀਮ ਹੋਟਲ ਵਿੱਚ ਇੱਕ ਵਾਰ ਫਿਰ ਟੈਸਟ ਕੀਤਾ ਗਿਆ, ਪਰ ਉਨ੍ਹਾਂ ਦੀ ਰਿਪੋਰਟ ਨੈਗੇਟਿਵ ਆਈ। ਇੰਗਲੈਂਡ ਦਾ ਦਲ ਟੂਰਨਾਮੈਂਟ ਤੋਂ ਦੋ ਦਿਨ ਪਹਿਲਾਂ ਪਿੱਛੇ ਹਟ ਗਿਆ ਅਤੇ ਅਜੇ ਭਾਰਤ ਨਹੀਂ ਪਹੁੰਚਿਆ ਸੀ।ਪ੍ਰਬੰਧਕਾਂ ਨੇ ਕਿਹਾ ਕਿ ਉਹ ਸਾਰੇ ਖਿਡਾਰੀਆਂ ਦੇ ਸੰਪਰਕ ਵਿੱਚ ਹਨ ਅਤੇ ਸਾਰਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਵੈਂਡੀ ਦੇ ਡਬਲਜ਼ ਪਾਰਟਨਰ ਬੇਨ ਲੇਨ ਨੇ ਵੀ ਟਵਿੱਟਰ ਪੋਸਟ ਵਿੱਚ ਵੈਂਡੀ ਦੇ ਕੋਰੋਨਾ ਦੀ ਪੁਸ਼ਟੀ ਕੀਤੀ ਹੈ। ਲੇਨ ਨੇ ਕਿਹਾ ਕਿ ਉਹ ਇਸ ਸਾਲ ਇੰਡੀਆ ਓਪਨ ‘ਚ ਨਹੀਂ ਖੇਡ ਸਕਣਗੇ। ਵੈਂਡੀ ਕੋਰੋਨਾ ਸੰਕਰਮਿਤ ਹੈ ਅਤੇ ਕੋਚ ਰੌਬਰਟਸਨ ਵੀ।

ਵੈਂਡੀ ਅਤੇ ਲੇਨ ਨੂੰ ਪੁਰਸ਼ ਡਬਲਜ਼ ਵਿੱਚ ਚੌਥਾ ਦਰਜਾ ਪ੍ਰਾਪਤ ਸੀ। ਇੰਡੀਆ ਓਪਨ ਬੈਡਮਿੰਟਨ ਟੂਰਨਾਮੈਂਟ (India Open Badminton Tournament) 11 ਜਨਵਰੀ ਤੋਂ 16 ਜਨਵਰੀ ਤੱਕ ਨਵੀਂ ਦਿੱਲੀ ਵਿੱਚ ਹੋਵੇਗਾ। ਇਹ ਟੂਰਨਾਮੈਂਟ ਬੀਏਆਈ ਵੱਲੋਂ ਕਰਵਾਇਆ ਜਾ ਰਿਹਾ ਹੈ। ਇਹ ਟੂਰਨਾਮੈਂਟ 2022 BWF ਵਰਲਡ ਟੂਰ ਸੀਜ਼ਨ ਦੀ ਸ਼ੁਰੂਆਤ ਦੀ ਨਿਸ਼ਾਨਦੇਹੀ ਕਰੇਗਾ। ਇੰਡੀਆ ਓਪਨ ਦੀ ਇਨਾਮੀ ਰਾਸ਼ੀ ਲਗਭਗ 2.97 ਕਰੋੜ ਰੁਪਏ ਹੈ।