ਚੰਡੀਗੜ੍ਹ 10 ਜੂਨ 2022: ਦੇਸ਼ ‘ਚ ਵਾਤਾਵਰਣ ਦੇ ਮੁੱਦਿਆਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਵੱਖ ਵੱਖ ਢੰਗ ਨਾਲ ਪ੍ਰਚਾਰ ਕੀਤਾ ਜਾਂਦਾ ਹੈ | ਇਸੇ ਕੜੀ ਤਹਿਤ ਵਾਤਾਵਰਣ ਸੰਬੰਧੀ ਜਾਗਰੂਕਤਾ ਪੈਦਾ ਕਰਨ ਲਈ 73 ਸਾਲਾ ਡਾਕਟਰ ਕਿਰਨ ਸੇਠ (Dr. Kiran Seth) ਨੇ ਆਪਣੀ ਸਾਈਕਲ ‘ਤੇ 2,500 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਕੇ ਵੱਡੀ ਮਿਸਾਲ ਪੈਦਾ ਕੀਤੀ ਹੈ । ਉਨ੍ਹਾਂ ਨੇ 11 ਮਾਰਚ ਤੋਂ ਸ਼ੁਰੂ ਹੋਈ ਆਪਣੀ ਯਾਤਰਾ ਐਤਵਾਰ ਨੂੰ ਦਿੱਲੀ ਦੇ ਰਾਜਘਾਟ ਤੋਂ ਪੂਰੀ ਕੀਤੀ।
ਡਾਕਟਰ ਸੇਠ ਇੱਕ ਸਾਬਕਾ ਆਈਆਈਟੀ ਪ੍ਰੋਫੈਸਰ ਹਨ ਅਤੇ ਉਨ੍ਹਾਂ ਨੂੰ ਪਦਮ ਸ਼੍ਰੀ ਅਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ | ਇੰਡੀਆ ਟੂਡੇ ਦੇ ਮੁਤਾਬਕ ਉਸਦੀ ਯਾਤਰਾ ਦੇ ਤਿੰਨ ਉਦੇਸ਼ “ਸਾਦਾ ਜੀਵਨ ਅਤੇ ਉੱਚ ਸੋਚ, ਵਾਤਾਵਰਣ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਅਤੇ ਵਿਦਿਆਰਥੀਆਂ ਨੂੰ ਭਾਰਤੀ ਸੰਸਕ੍ਰਿਤੀ ਤੋਂ ਜਾਣੂ ਕਰਵਾਉਣਾ” ਸੀ।
ਡਾਕਟਰ ਕਿਰਨ ਸੇਠ ਨੇ ਆਪਣੀ ਯਾਤਰਾ ਦੇ ਦੌਰਾਨ ਦਿੱਲੀ, ਜੈਪੁਰ, ਅਹਿਮਦਾਬਾਦ ਅਤੇ ਉਜੈਨ ਸਮੇਤ ਸ਼ਹਿਰਾਂ ਨੂੰ ਕਵਰ ਕੀਤਾ ਹੈ । ਇਸ ਸਾਲ ਦੇ ਅੰਤ ਵਿੱਚ ਕਿਰਨ ਸੇਠ ਭਾਰਤ ਦੀ ਆਜ਼ਾਦੀ ਦੇ 75ਵੇਂ ਸਾਲ ਨੂੰ ਮਨਾਉਣ ਅਤੇ ਮਹਾਤਮਾ ਗਾਂਧੀ ਨੂੰ ਸ਼ਰਧਾਂਜਲੀ ਦੇਣ ਲਈ ਕਸ਼ਮੀਰ ਤੋਂ ਕੰਨਿਆਕੁਮਾਰੀ ਤੱਕ ਸਾਈਕਲ ਚਲਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।
ਡਾ: ਕਿਰਨ ਸੇਠ ਸਪਿਕ ਮੈਕੇ (Spic Macay) ਦੀ ਸੰਸਥਾਪਕ ਹਨ | ਸੋਸਾਇਟੀ ਫਾਰ ਦਿ ਪ੍ਰਮੋਸ਼ਨ ਆਫ਼ ਇੰਡੀਅਨ ਕਲਾਸੀਕਲ ਮਿਊਜ਼ਿਕ ਐਂਡ ਕਲਚਰ ਅਮੋਂਗਸਟ ਯੂਥ ਜੋ ਕਿ ਇੱਕ ਸਵੈ-ਇੱਛੁਕ ਨੌਜਵਾਨ ਅੰਦੋਲਨ ਹੈ ਜੋ ਭਾਰਤੀ ਸੱਭਿਆਚਾਰਕ ਵਿਰਾਸਤ ਨੂੰ ਉਤਸ਼ਾਹਿਤ ਕਰਦਾ ਹੈ। ਦੁਨੀਆ ਭਰ ਦੇ 300 ਤੋਂ ਵੱਧ ਕਸਬਿਆਂ ਵਿੱਚ ਇਸ ਦੇ ਅਧਿਆਏ ਹਨ। ਤੁਹਾਨੂੰ ਦੱਸ ਦਈਏ ਕਿ ਡਾ: ਸੇਠ ਨੇ 1977 ਵਿੱਚ ਆਈਆਈਟੀ ਦਿੱਲੀ ਵਿੱਚ ਇਸ ਦੀ ਸਥਾਪਨਾ ਕੀਤੀ ਸੀ ।