ਚੰਡੀਗੜ੍ਹ 13 ਮਾਰਚ 2022: ਭਾਰਤੀ ਸੀਮਾ ਸੁਰੱਖਿਆ ਬਲ (BSF) ਨੇ ਭਾਰਤ-ਪਾਕਿਸਤਾਨ ਅੰਤਰਰਾਸ਼ਟਰੀ ਸਰਹੱਦ ‘ਤੇ ਪਾਬੰਦੀਸ਼ੁਦਾ ਪਦਾਰਥਾਂ ਸਮੇਤ ਦੋ ਪਾਕਿਸਤਾਨੀ ਨਾਗਰਿਕਾਂ ਨੂੰ ਗ੍ਰਿਫਤਾਰ ਕਰ ਲਿਆ।ਇਸ ਸਬੰਧੀ ਜਾਣਕਾਰੀ ਐਤਵਾਰ ਨੂੰ ਅਧਿਕਾਰੀਆਂ ਵਲੋਂ ਦਿੱਤੀ ਗਈ |

ਦੱਸਿਆ ਜਾ ਰਿਹਾ ਹੈ ਕਿ BSF ਦੇ ਜਵਾਨਾਂ ਨੇ 12 ਮਾਰਚ ਨੂੰ ਅੰਮ੍ਰਿਤਸਰ ਸੈਕਟਰ ‘ਚ ਸਰਹੱਦ ‘ਤੇ ਸੀਮਾ ਦੇ ਸਾਹਮਣੇ ਸ਼ੱਕੀ ਦੋ ਵਿਅਕਤੀਆਂ ਨੂੰ ਕਣਕ ਦੀ ਫ਼ਸਲ ‘ਚੋਂ ਲੰਘਦੇ ਹੋਏ ਸਰਹੱਦ ਦੇ ਨਾਲ ਲੱਗੀਆਂ ਕੰਡਿਆਲੀ ਤਾਰ ਵੱਲ ਵਧਦੇ ਦੇਖਿਆ। ਇਸ ਦੌਰਾਨ ਮੌਕੇ ‘ਤੇ ਭਾਰਤੀ ਸੁਰੱਖਿਆ ਬਲਾਂ ਨੇ ਉਸ ਨੂੰ ਲਲਕਾਰਿਆ ਅਤੇ ਉਸ ਨੂੰ ਫੜ ਲਿਆ। ਇਸ ਦੌਰਾਨ ਤਲਾਸ਼ੀ ਲੈਣ ‘ਤੇ ਉਨ੍ਹਾਂ ਕੋਲੋਂ 2.76 ਕਿਲੋ ਪਾਬੰਦੀਸ਼ੁਦਾ ਨਸ਼ੀਲਾ ਪਦਾਰਥ ਅਤੇ ਪੀਲੇ ਕੱਪੜੇ ‘ਚ ਲਪੇਟਿਆ ਹੋਇਆ ਹੋਰ ਸਮਾਨ ਬਰਾਮਦ ਹੋਇਆ।