ਚੰਡੀਗੜ੍ਹ 18 ਮਾਰਚ 2022: ਚੋਟੀ ਦੇ ਭਾਰਤੀ ਸ਼ਟਲਰ ਪੀ.ਵੀ. ਸਿੰਧੂ (P.V. Sindhu), ਸਾਇਨਾ ਨੇਹਵਾਲ, ਲਕਸ਼ਯ ਸੇਨ ਅਤੇ ਕਿਦਾਂਬੀ ਸ਼੍ਰੀਕਾਂਤ ਨੇ ਆਪਣੇ ਪਹਿਲੇ ਦੌਰ ਦੇ ਮੈਚ ਜਿੱਤ ਕੇ ਆਲ ਇੰਗਲੈਂਡ ਓਪਨ ਬੈਡਮਿੰਟਨ ਚੈਂਪੀਅਨਸ਼ਿਪ 2022 All England Open Badminton Championships 2022) ਦੇ ਦੂਜੇ ਦੌਰ ‘ਚ ਪ੍ਰਵੇਸ਼ ਕਰ ਲਿਆ ਹੈ। ਵਿਸ਼ਵ ਦੀ 7ਵੇਂ ਨੰਬਰ ਦੀ ਖਿਡਾਰਨ ਸਿੰਧੂ ਨੇ BWF ਸੁਪਰ 1000 ਟੂਰਨਾਮੈਂਟ ਦੇ ਆਪਣੇ ਪਹਿਲੇ ਦੌਰ ਦੇ ਮੈਚ ‘ਚ ਦੁਨੀਆ ਦੀ 17ਵੇਂ ਨੰਬਰ ਦੀ ਚੀਨੀ ਖਿਡਾਰਨ ਵਾਂਗ ਜ਼ੀ ਯੀ ਨੂੰ 21-18, 21-13 ਨਾਲ ਹਰਾਇਆ। ਵਿਸ਼ਵ ਦੀ 25ਵੇਂ ਨੰਬਰ ਦੀ ਖਿਡਾਰਨ ਸਾਇਨਾ ਨੇਹਵਾਲ ਨੇ ਵਿਸ਼ਵ ਦੀ 51ਵੇਂ ਨੰਬਰ ਦੀ ਖਿਡਾਰਨ ਸਪੇਨ ਦੀ ਬੀਟ੍ਰੀਜ਼ ਕੋਰਾਲੇਸ ਨੂੰ ਸਿੱਧੇ ਗੇਮਾਂ ਵਿੱਚ 21-17, 21-19 ਨਾਲ ਹਰਾਇਆ।

ਕੋਰਲੇਸ ਨੇ ਸਾਇਨਾ ਨੇਹਵਾਲ ਦੀ ਸ਼ੁਰੂਆਤੀ ਵਿਰੋਧੀ ਥਾਈਲੈਂਡ ਦੀ ਪੋਰਨਪਾਵੀ ਚੋਚੁਵੋਂਗ ਦੀ ਥਾਂ ਲਈ। ਪਿਛਲੇ ਹਫਤੇ ਜਰਮਨ ਓਪਨ ‘ਚ ਚਾਂਦੀ ਦਾ ਤਗਮਾ ਜਿੱਤਣ ਵਾਲੇ ਇਕ ਹੋਰ ਚੋਟੀ ਦੇ ਭਾਰਤੀ ਸ਼ਟਲਰ ਲਕਸ਼ਯ ਸੇਨ ਨੇ ਇੰਗਲੈਂਡ ਓਪਨ ਦੇ ਆਪਣੇ ਪਹਿਲੇ ਮੈਚ ‘ਚ ਹਮਵਤਨ ਸੌਰਭ ਵਰਮਾ ਨੂੰ 21-17, 21-7 ਨਾਲ ਹਰਾਇਆ। ਵਿਸ਼ਵ ਦੇ 12ਵੇਂ ਨੰਬਰ ਦੇ ਖਿਡਾਰੀ ਕਿਦਾਂਬੀ ਸ਼੍ਰੀਕਾਂਤ ਨੇ ਥਾਈ ਵਿਸ਼ਵ ਦੇ 21ਵੇਂ ਨੰਬਰ ਦੇ ਖਿਡਾਰੀ ਕਾਂਤਾਫੋਨ ਵਾਂਗਚਾਰੋਏਨ ਨੂੰ 21-18, 21-14 ਨਾਲ ਹਰਾਇਆ ਜਦਕਿ ਪਾਰੂਪੱਲੀ ਕਸ਼ਯਪ ਨੇ ਵਿਸ਼ਵ ਦੇ 5ਵੇਂ ਨੰਬਰ ਦੇ ਖਿਡਾਰੀ ਐਂਥਨੀ ਸਿਨੀਸੁਕਾ ਗਿਨਟਿੰਗ ਨੂੰ 11-21, 18-21 ਨਾਲ ਹਰਾਇਆ।