ਚੰਡੀਗੜ੍ਹ 19 ਸਤੰਬਰ 2022: ਭਾਰਤ ਦੇ ਮੁੱਖ ਚੋਣ ਕਮਿਸ਼ਨ ਨੇ ਸਿੱਕਮ (Sikkim) ਦੀਆਂ ਪੰਜ ਸਿਆਸੀ ਪਾਰਟੀਆਂ ਨੂੰ ਸੂਚੀ ਵਿੱਚੋਂ ਹਟਾ ਦਿੱਤਾ ਹੈ। ਉਹ ਉਨ੍ਹਾਂ 86 ਪਾਰਟੀਆਂ ਵਿੱਚ ਸ਼ਾਮਲ ਹਨ ਜਿਨ੍ਹਾਂ ਨੂੰ ਚੋਣ ਕਮਿਸ਼ਨ ਨੇ ਹਾਲ ਹੀ ਵਿੱਚ ਸੂਚੀ ਵਿੱਚੋਂ ਹਟਾ ਦਿੱਤਾ ਹੈ। ਇਹ ਜਾਣਕਾਰੀ ਸਿੱਕਮ ਦੇ ਮੁੱਖ ਚੋਣ ਅਧਿਕਾਰੀ (ਸੀਈਓ) ਦੇ ਦਫ਼ਤਰ ਨੇ ਦਿੱਤੀ।
ਸਿੱਕਮ (Sikkim) ਦੀਆਂ ਪੰਜ ਰਾਜਨੀਤਿਕ ਪਾਰਟੀਆਂ ਜਿਨ੍ਹਾਂ ਨੂੰ ਸੂਚੀ ਵਿੱਚੋਂ ਹਟਾਇਆ ਗਿਆ ਹੈ, ਉਹ ਹਨ ਸਿੱਕਮ ਗੋਰਖਾ ਪ੍ਰਜਾਤੰਤਰਿਕ ਪਾਰਟੀ (SGPP), ਸਿੱਕਮ ਹਿਮਾਲੀਅਨ ਸਟੇਟ ਕੌਂਸਲ ਪਾਰਟੀ (SHRPP), ਸਿੱਕਮ ਜਨ-ਏਕਤਾ ਪਾਰਟੀ (SJEP), ਸਿੱਕਮ ਲਿਬਰੇਸ਼ਨ ਪਾਰਟੀ (SLP) ਅਤੇ ਸਿੱਕਮ ਸੰਗਰਾਮ ਪ੍ਰੀਸ਼ਦ ( ਐਸ.ਐਸ.ਪੀ.) ਸ਼ਾਮਲ ਹਨ। ਸਿੱਕਮ ਦੇ ਸੀਈਓ ਦਫ਼ਤਰ ਨੇ ਕਿਹਾ ਕਿ ਜੇਕਰ ਰਾਜ ਵਿੱਚ ਕੋਈ ਵੀ ਸਿਆਸੀ ਪਾਰਟੀਆਂ ਇਸ ਫੈਸਲੇ ਤੋਂ ਅਸੰਤੁਸ਼ਟ ਹਨ, ਤਾਂ ਉਹ 30 ਦਿਨਾਂ ਦੇ ਅੰਦਰ ਸਿੱਕਮ ਦੇ ਸੀਈਓ ਦਫ਼ਤਰ ਜਾਂ ਈਸੀਆਈ ਨਾਲ ਸੰਪਰਕ ਕਰ ਸਕਦੀਆਂ ਹਨ।