ਚੰਡੀਗ੍ਹੜ 04 ਫਰਵਰੀ 2022: ਚੀਨ ਦੇ ਬੀਜਿੰਗ ‘ਚ ਸਰਦ ਰੁੱਤ ਓਲੰਪਿਕ 2022 (Beijing Winter Olympics 2022) ਸ਼ੁਰੂਆਤ ਹੋ ਚੁੱਕੀ ਹੈ | ਗੂਗਲ ਨੇ ਅੱਜ ਬੀਜਿੰਗ ਵਿੰਟਰ ਓਲੰਪਿਕ 2022 ਦੀ ਸ਼ੁਰੂਆਤ ਲਈ ਇੱਕ ਡੂਡਲ ਬਣਾਇਆ ਹੈ। ਐਨੀਮੇਟਡ ਡੂਡਲ ਕੁਝ ਅਜਿਹੀਆਂ ਚੀਜ਼ਾਂ ਨੂੰ ਪ੍ਰਦਰਸ਼ਿਤ ਕਰਦਾ ਹੈ ਜੋ ਦਰਸ਼ਕ ਦੋ ਹਫ਼ਤਿਆਂ ਦੇ ਲੰਬੇ ਸਮਾਗਮ ਦੌਰਾਨ ਦੇਖਣ ਦੀ ਉਮੀਦ ਕਰ ਸਕਦੇ ਹਨ। Google ਸਮੇਂ-ਸਮੇਂ ‘ਤੇ ਵੱਖ-ਵੱਖ ਸਮਾਗਮਾਂ ਲਈ ਜਾਂ ਕਿਸੇ ਦੇ ਜਨਮਦਿਨ ਜਾਂ ਮੌਤ ਦੀ ਵਰ੍ਹੇਗੰਢ ਨੂੰ ਯਾਦ ਕਰਨ ਲਈ ਡੂਡਲ ਬਣਾਉਂਦਾ ਰਹਿੰਦਾ ਹੈ। ਇਹ ਲੋਕਾਂ ਨੂੰ ਦੱਸਦਾ ਹੈ ਕਿ ਅੱਜ ਦਾ ਦਿਨ ਖਾਸ ਕਿਉਂ ਹੈ। ਗੂਗਲ ਨੇ ਕੋਰੋਨਾ ਵਾਇਰਸ ਨੂੰ ਲੈ ਕੇ ਕਈ ਡੂਡਲ ਬਣਾਏ ਸਨ।ਇਸ ਦੇ ਨਾਲ ਹੀ ਗੂਗਲ ਡੂਡਲ ਬਣਾਉਣ ਵਿਚ ਕਦੇ ਵੀ ਪਿੱਛੇ ਨਹੀਂ ਰਹਿੰਦਾ, ਚਾਹੇ ਉਹ ਨਵਾਂ ਸਾਲ ਹੋਵੇ ਜਾਂ ਕੋਈ ਵੀ ਤਿਉਹਾਰ।