ਚੰਡੀਗੜ੍ਹ 09 ਸਤੰਬਰ 2022: ਡਾਇਮੰਡ ਲੀਗ 2022: ਨੀਰਜ ਚੌਪੜਾ (Neeraj Chopra) ਨੇ ਵੀਰਵਾਰ ਨੂੰ ਜ਼ਿਊਰਿਖ ਵਿੱਚ ਡਾਇਮੰਡ ਲੀਗ (Diamond League) ਫਾਈਨਲ ਵਿੱਚ ਪਹਿਲਾ ਸਥਾਨ ਹਾਸਲ ਕਰਕੇ ਇਤਿਹਾਸ ਰਚ ਦਿੱਤਾ। ਨੀਰਜ ਚੌਪੜਾ ਡਾਇਮੰਡ ਲੀਗ ਟਰਾਫੀ ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਹਨ। ਉਸਨੇ 88.44 ਮੀਟਰ ਜੈਵਲਿਨ ਥਰੋਅ ਵਿੱਚ ਚੈੱਕ ਗਣਰਾਜ ਦੇ ਜੈਕਬ ਵਡਲੇਚੋ ਨੂੰ ਪਛਾੜ ਦਿੱਤਾ। ਉਸ ਨੇ ਆਪਣੀ ਪੰਜਵੀਂ ਕੋਸ਼ਿਸ਼ ਵਿੱਚ 86.94 ਮੀਟਰ ਥਰੋਅ ਕੀਤਾ।

ਜਿਕਰਯੋਗ ਹੈ ਕਿ ਨੀਰਜ ਚੌਪੜਾ (Neeraj Chopra) ਨੇ ਦੋਹਾ ‘ਚ ਆਯੋਜਿਤ ਪਹਿਲੀ ਡਾਇਮੰਡ ਲੀਗ ਅਤੇ ਤੀਸਰੀ ਸਿਲੇਸੀਆ ‘ਚ ਹਿੱਸਾ ਨਹੀਂ ਲਿਆ ਸੀ। ਸਟਾਕਹੋਮ ਵਿੱਚ ਉਸ ਨੇ 89.94 ਮੀਟਰ ਦੀ ਥਰੋਅ ਨਾਲ ਕੌਮੀ ਰਿਕਾਰਡ ਬਣਾਇਆ ਸੀ ਪਰ ਇਸ ਦੂਰੀ ਦੇ ਬਾਵਜੂਦ ਇੱਥੇ ਉਸ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਉਹ ਲੁਸਾਨੇ ਵਿੱਚ ਜੇਤੂ ਬਣਿਆ ਅਤੇ ਹੁਣ ਉਸ ਨੇ ਫਾਈਨਲ ਵਿੱਚ ਵੀ ਸੋਨ ਤਗਮਾ ਜਿੱਤ ਲਿਆ ਹੈ।