ਚੰਡੀਗੜ੍ਹ 20 ਜਨਵਰੀ 2022: ਕੋਰੋਨਾ ਵਾਇਰਸ (Corona Virus) ਦੀ ਤੀਜੀ ਲਹਿਰ ਨੇ ਪੰਜਾਬ ‘ਚ ਕਹਿਰ ਮਚਾਇਆ ਹੋਇਆ ਹੈ | ਕੋਰੋਨਾ ਵਾਇਰਸ ਨੇ ਪੰਜਾਬ (Punjab) ’ਚ ਮਾਮਲੇ ਲਗਾਤਾਰ ਵੱਧ ਰਹੇ ਹਨ | ਕੋਰੋਨਾ ਵਾਇਰਸ ਕਾਰਨ ਅੱਜ 31 ਲੋਕਾਂ ਦੀ ਜਾਨ ਚਲੀ ਗਈ । ਜੇਕਰ ਪਿਛਲੇ 24 ਘੰਟਿਆਂ ਦੀ ਗੱਲ ਕੀਤੀ ਜਾਵੇ ਤਾਂ ਪੰਜਾਬ ’ਚ 7986 ਲੋਕਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਪਿਛਲੇ 24 ਘੰਟਿਆਂ ’ਚ ਪਟਿਆਲਾ ’ਚ 477, ਲੁਧਿਆਣਾ ’ਚ 1048, ਜਲੰਧਰ ’ਚ 975, ਐੱਸ. ਏ. ਐੱਸ. ਨਗਰ ’ਚ 1360, ਪਠਾਨਕੋਟ ’ਚ 210, ਅੰਮ੍ਰਿਤਸਰ ’ਚ 525, ਫਤਿਹਗੜ੍ਹ ਸਾਹਿਬ ’ਚ 158, ਗੁਰਦਾਸਪੁਰ ’ਚ 232, ਹੁਸ਼ਿਆਰਪੁਰ ’ਚ 545, ਬਠਿੰਡਾ ’ਚ 631, ਰੋਪੜ ’ਚ 256, ਤਰਨਤਾਰਨ ’ਚ 54, ਫਿਰੋਜ਼ਪੁਰ ’ਚ 88, ਸੰਗਰੂਰ ’ਚ 123, ਮੋਗਾ ’ਚ 149, ਕਪੂਰਥਲਾ ’ਚ 268, ਬਰਨਾਲਾ ’ਚ 25, ਫਾਜ਼ਿਲਕਾ ’ਚ 232, ਸ਼ਹੀਦ ਭਗਤ ਸਿੰਘ ਨਗਰ 243, ਫਰੀਦਕੋਟ 142, ਮਾਨਸਾ 98, ਮੁਕਤਸਰ ’ਚ 147 ਲੋਕਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ।

ਦੱਸ ਦੇਈਏ ਕਿ ਹੁਣ ਤੱਕ ਪੰਜਾਬ ’ਚ ਕੋਰੋਨਾ ਦੇ 6,92,526 ਮਾਮਲੇ ਸਾਹਮਣੇ ਆ ਚੁੱਕੇ ਹਨ, ਜਿਨ੍ਹਾਂ ’ਚੋਂ 16882 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। 628244 ਲੋਕ ਕੋਰੋਨਾ ਦੀ ਜੰਗ ਜਿੱਤ ਕੇ ਆਪਣੇ ਘਰਾਂ ਨੂੰ ਵਾਪਸ ਜਾ ਚੁੱਕੇ ਹਨ। ਕੋਰੋਨਾ ਤੋਂ ਬਚਣ ਲਈ ਲੋਕਾਂ ਨੂੰ ਕੋਰੋਨਾ ਦਾ ਟੀਕਾ ਲਗਾਉਣ ਲਈ ਕਿਹਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਸੂਬੇ ਵਿਚ ਲਗਾਤਾਰ ਵਧ ਰਹੇ ਕੋਰੋਨਾ ਮਾਮਲਿਆਂ ਨੂੰ ਦੇਖਦੇ ਹੋਏ ਪੰਜਾਬ ਸਰਕਾਰ ਨੇ ਪੰਜਾਬ ਵਿਚ ਨਾਈਟ ਕਰਫਿਊ ਲਗਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਸਕੂਲ, ਕਾਲਜ ਯੂਨੀਵਰਸਿਟੀਆਂ ਵੀ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਨਾਈਟ ਕਰਫਿਊ ਰਾਤ 10 ਵਜੇ ਤੋਂ ਸਵੇਰੇ 5 ਵਜੇ ਤੱਕ ਲਾਗੂ ਰਹੇਗਾ।